# ವಿಶ್ವದ ಅತ್ಯಂತ ‘ಕೊಳಕು’ಮನೆ ಮಾರಾಟಕ್ಕಿದೆ!! | ಈ ಮನೆಯ ವಿಚಿತ್ರ ವೈಶಿಷ್ಟ್ಯ ತಿಳಿದ್ರೆ ನೀವು ಬೆಚ್ಚಿ ಬೀಳೋದು ಗ್ಯಾರಂಟಿ

- Link: https://hosakannada.com/interesting/world-and-dirty-house/
- Published: 2021-11-08T15:14:20+00:00
- Author: ಹೊಸಕನ್ನಡ

ಪುಟ್ಟದಾದರೂ ಸರಿಯೆ ಸ್ವಂತ ಮನೆಯನ್ನು ಹೊಂದಿರಬೇಕು ಎಂಬ ಆಸೆ ಎಲ್ಲರಿಗೂ ಇದ್ದಿದ್ದೆ. ಹೊಸ ಮನೆ ಕೊಳ್ಳಬೇಕು
ಅಥವಾ ಕಟ್ಟಿಸಬೇಕು ಎಂಬುದು ಪ್ರತಿಯೊಬ್ಬರ ಆಯ್ಕೆಯಾಗಿರುತ್ತದೆ. ಹಾಗೆಯೇ ನಗರಗಳ ಬೀದಿ ಬೀದಿಗಳಲ್ಲಿ
To-let ಎಂಬ ಬೋರ್ಡ್ ಕಣ್ಣಿಗೆ ಬೀಳದೆ ಇರದು. ಹಾಗೆಯೇ ಇಲ್ಲೊಂದು ಮನೆ ಮಾರಾಟಕ್ಕಿದೆ. ಅದು ಕೂಡ ವಿಶ್ವದ
ಅತ್ಯಂತ ‘ಕೊಳಕು’ ಮನೆ. ಈ ಮನೆಯನ್ನು ಕೊಳ್ಳುವವರು ಯಾರಾದರೂ ಇದ್ದರೆ ಈ ಮನೆಯ ವಿಭಿನ್ನ ವೈಶಿಷ್ಟ್ಯವನ್ನೊಮ್ಮೆ
ತಿಳಿದುಕೊಳ್ಳಿ.

Sponsored

ಮನೆಯ ಮಾಸ್ಟರ್ ಬೆಡ್ ರೂಮಿನಲ್ಲಿ ಕಸದ ರಾಶಿಯೇ ಬಿದ್ದಿದೆ. ಈ ಮನೆಯ ಬಾತ್ ರೂಂ ಚಿತ್ರಗಳನ್ನು ನೀವೂ
ನೋಡಿದ್ರೆ, ಫೋಟೋ ನೋಡಿದ ತಕ್ಷಣ ವಾಂತಿ ಬರುವ ಸಾಧ್ಯತೆ ಇದೆ. ಟಾಯ್ಲೆಟ್ ಸೀಟ್‌ನ ಸ್ಥಿತಿ ತುಂಬಾ 
ಕೆಟ್ಟದಾಗಿದ್ದು, ಮೂಲ ಬಣ್ಣವನ್ನು ಗುರುತಿಸುವುದು ಸಹ ಕಷ್ಟಕರವಾಗಿದೆ.

Advertisement

Advertisement

![](https://hosakannada.com/wp-content/uploads/2021/11/IMG_20211108_150630-1024x549.
jpg)

**ಮನೆಯ ಬೆಡ್ರೂಮ್**

![](https://hosakannada.com/wp-content/uploads/2021/11/IMG-20211108-WA0041-1024x549.
jpg)

**ಮನೆಯ ಟಾಯ್ಲೆಟ್**

ಅಡುಗೆ ಮನೆಯ ಚಿತ್ರಗಳನ್ನು ನೋಡಿದರೆ ನೀವು ಇದ್ದಲ್ಲಿಗೆ ಅದರ ಗಬ್ಬುನಾಥ ಬರುವಂತಿದೆ. ಅಡುಗೆ ಮನೆಯಲ್ಲಿ
13 ವರ್ಷಗಳಿಂದ ತೊಳೆಯದ ಕೊಳಕು ಪಾತ್ರೆಗಳು ಬಿದ್ದಿವೆ. ಕೊಳಕು ಸಿಂಕ್ ಮತ್ತು ಸ್ಟವ್ ಮೇಲೆ ಇಡಲಾದ
ಆಹಾರವನ್ನು ಸಹ ಅದೇ ರೀತಿಯಲ್ಲಿ ಇರಿಸಲಾಗುತ್ತದೆ.

![](https://hosakannada.com/wp-content/uploads/2021/11/IMG-20211108-WA0040-1024x552.
jpg)

**ಅಡುಗೆ ಮನೆ**

ಮನೆಯೊಳಗಿನ ಮೆಟ್ಟಿಲುಗಳ ಮೇಲೆ ತುಂಬ ಕಸ ಹರಡಿಕೊಂಡಿದ್ದು, ಇಡೀ ನಗರದ ಕಸವನ್ನು ಅಲ್ಲಿ ತಂದು ಸುರಿದಂತಿದೆ.
ಕಳೆದ 13 ವರ್ಷಗಳಿಂದ ಕಸವನ್ನು ಇಲ್ಲಿ ಹರಡಲಾಗುತ್ತಿದೆ ಎಂದು ನಂಬಲಾಗಿದೆ.

![](https://hosakannada.com/wp-content/uploads/2021/11/IMG-20211108-WA0042-1024x568.
jpg)

**ಹೊರಗೆ ನಿಂತರೆ ಕಾಡಿನಂತೆ ಭಾಸವಾಗುತ್ತದೆ :**

ಈ ಮನೆಯ ಹೊರಗಿನ ಚಿತ್ರಗಳನ್ನು ನೋಡಿದಾಗ ಮನೆಯ ಹೊರಗೆ ಸಾಕಷ್ಟು ಹುಲ್ಲು ಬೆಳೆದಿರುವುದು ಗೊತ್ತಾಗುತ್ತದೆ.
ಮನೆಯ ಗಡಿಯ ಮೂಲಕ, ಈ ಹುಲ್ಲು ಛಾವಣಿಯವರೆಗೆ ತಲುಪಿದೆ. ವರ್ಷಗಳೇ ಕಳೆದರೂ ಅದನ್ನು ಕಟ್ ಮಾಡಿಲ್ಲ.

ಅಷ್ಟಕ್ಕೂ ಈ ಮನೆ ಯಾರದ್ದು ಅಂತ ಯೋಚಿಸುತ್ತಿದ್ದೀರಾ?? ಪ್ರಸ್ತುತ, ಈ ಮನೆಯನ್ನು ಪ್ರಾಪರ್ಟಿ ಕಂಪನಿ
ಸ್ವಾಧೀನಪಡಿಸಿಕೊಂಡಿದೆ. ಈ ಮನೆಯು ಮೂಲತಃ ವಯಸ್ಸಾದ ದಂಪತಿಗಳು ಮತ್ತು ಅವರ ಮಗನಿಗೆ ಸೇರಿದ್ದಂತೆ.
ಮನೆಯ ಸ್ಥಿತಿ ನೋಡಿದರೆ ವೃದ್ಧ ತಂದೆ-ತಾಯಿ ಇಬ್ಬರೂ ತೀರಿ ಹೋಗಿದ್ದು, ಮನೆಯ ಹೊರಗೆ ವಾಸವಿದ್ದ ಮಗನಿಗೆ
ಈ ಮನೆಯನ್ನು ನಿರ್ವಹಣೆ ಮಾಡಲು ಸಾಧ್ಯವಾಗುತ್ತಿಲ್ಲ ಎಂದು ಹೇಳಲಾಗುತ್ತಿದೆ. ಅದಕ್ಕೇ ಅವನು ಈ ಮನೆಯನ್ನು
ಕೆಟ್ಟ ಸ್ಥಿತಿಯಲ್ಲಿ ಬಿಟ್ಟು ಹೋಗಿದ್ದ. ಡಿಸೆಂಬರ್ 2008 ರ ಹಿಂದಿನ ಬೆಡ್ ರೂಮ್‌ನ ನೆಲದ ಮೇಲೆ ಅವಶೇಷಗಳ
ನಡುವೆ ಬಿದ್ದಿರುವ ವೃತ್ತಪತ್ರಿಕೆ ಕಂಡುಬಂದಿದೆ. ಇದರಿಂದ ಮನೆ ಹಲವು ವರ್ಷಗಳಿಂದ ಪಾಳು ಬಿದ್ದಿರುವುದು
ಗೊತ್ತಾಗುತ್ತದೆ.

ಹಲವು ವರ್ಷಗಳಿಂದ ಖಾಲಿ ಬಿದ್ದಿರುವ ಈ ಮನೆ ಈಗ ಮಾರಾಟವಾಗಲಿದೆ. ಆದರೆ, ಮನೆಯನ್ನು ಸ್ವಚ್ಛಗೊಳಿಸದೇ
ಮಾರಾಟಕ್ಕೆ ಇಟ್ಟಿರುವುದು ಅತ್ಯಂತ ಅಚ್ಚರಿಯ ಸಂಗತಿ. ಅದಲ್ಲದೆ, ಈ ಮನೆಯನ್ನು ಯಾರು ಖರೀದಿಸುತ್ತಾರೋ
ಅವರಿಗೆ 13 ವರ್ಷಗಳಿಂದ ಸಂಗ್ರಹವಾದ ಕಸವೂ ಬಿಟ್ಟಿಯಾಗೇ ಸಿಗುತ್ತದೆ.

Advertisement