# Wheat Price In 1987: ಒಂದು ಕೆಜಿ ಗೋಧಿ ಬೆಲೆಯ ಬೆಲೆ 1987 ರಲ್ಲಿ ಎಷ್ಟಿತ್ತು?

- Link: https://hosakannada.com/interesting/wheat-priced-in-1987/
- Published: 2023-01-03T15:15:18+00:00
- Author: ಕೆ. ಎಸ್. ರೂಪಾ

ನಾವು ಯಾವುದೇ ವಸ್ತು ಖರೀದಿಸಿದಾಗ ಜೊತೆಗೆ ಬಿಲ್ ದೊರೆಯುತ್ತದೆ. ಕೆಲವೊಂದು ಬಿಲ್ ನಾವು ಜೋಪಾನವಾಗಿ
ಇರಿಸಿಕೊಳ್ಳುತ್ತೇವೆ. ನಂತರ ಕೆಲವು ವರ್ಷಗಳ ನಂತರ ಅದೇ ಬಿಲ್ ನೋಡಿದಾಗ ಆಶ್ಚರ್ಯ ಎನಿಸುತ್ತದೆ. ಅದೇ
ರೀತಿ ಇತ್ತೀಚೆಗೆ ಹಳೆಯ ಬಿಲ್​ಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುವುದು ಸಾಕಷ್ಟು ಟ್ರೆಂಡ್
ಆಗುತ್ತಿದೆ. ಇದೀಗ 1987ರಲ್ಲಿ ಖರೀದಿಸಿದ ಗೋಧಿಯ ಬೆಲೆ ಬಿಲ್ ದೊಡ್ಡ ಮಟ್ಟದಲ್ಲಿ ಸುದ್ದಿಯಾಗಿದೆ.

Sponsored

ಹೌದು ಇದೀಗ ಐಎಫ್‌ಎಸ್ ಅಧಿಕಾರಿ ಪರ್ವೀನ್ ಕಸ್ವಾನ್ ಅವರು ತಮ್ಮ ಅಜ್ಜನ “ಜೆ ಫಾರ್ಮ್” ನ ಬಿಲ್​ನ್ನು
ಟ್ವಿಟರ್​​​ ಮೂಲಕ ಹಂಚಿಕೊಂಡಿದ್ದಾರೆ. ಜೆ ಫಾರ್ಮ್​ ಎಂದರೆ ಧಾನ್ಯ ಮಾರುಕಟ್ಟೆಯಲ್ಲಿ ರೈತರ ಕೃಷಿ
ಉತ್ಪನ್ನಗಳ ಮಾರಾಟದ ರಶೀದಿಯಾಗಿದೆ. ಇದರಲ್ಲಿ 1987ರಲ್ಲಿ ಒಂದು ಕೆಜಿ ಗೋಧಿಗೆ 1.6 ರೂಪಾಯಿ ಇತ್ತು
ಎಂದು ತೋರಿಸುತ್ತದೆ.

Advertisement

Advertisement

ಭಾರತೀಯ ಅರಣ್ಯ ಸೇವೆ (IFS) ಅಧಿಕಾರಿ ಪರ್ವೀನ್ ಕಸ್ವಾನ್ ಅವರು 1987 ರ ಬಿಲ್‌ನ ಛಾಯಾಚಿತ್ರವನ್ನು
ಹಂಚಿಕೊಂಡಿದ್ದಾರೆ. ಗೋಧಿಯ ಬೆಲೆ ಕೆಜಿಗೆ ₹ 1.6 ಆಗಿತ್ತು ಎಂದು ಕೂಡ ಬರೆದುಕೊಂಡಿದ್ದಾರೆ. ಅವರು
ಹಂಚಿಕೊಂಡಿರುವ ಪೋಸ್ಟ್ ಇಲ್ಲಿದೆ.

ಹಿಂದೆ ಗೋಧಿ ಕೆಜಿಗೆ 1.6 ರೂಪಾಯಿ ಇತ್ತು. ನನ್ನ ಅಜ್ಜ 1987 ರಲ್ಲಿ ಫುಡ್ ಕಾರ್ಪೊರೇಷನ್ ಆಫ್ ಇಂಡಿಯಾಗೆ
ಮಾರಾಟ ಮಾಡಿದ ಗೋಧಿ ಬೆಳೆ ಬಿಲ್​​ ಇದು. ಅವರಿಗೆ ಎಲ್ಲಾ ದಾಖಲೆಗಳನ್ನು ಹಾಗೆಯೇ ಸಂಗ್ರಹ ಮಾಡಿ ಇಡುವ
ಅಭ್ಯಾಸವನ್ನು ಹೊಂದಿದ್ದಾರೆ ಎಂದು ಟ್ವಿಟರ್​​ನಲ್ಲಿ ಬರೆದುಕೊಂಡಿದ್ದಾರೆ.

> Time when wheat used to be at 1.6 rupees per kg. The wheat crop my grandfather
> sold in 1987 to Food Corporation of India. [pic.twitter.com/kArySiSTj4](https://t.co/kArySiSTj4)
> — Parveen Kaswan, IFS (@ParveenKaswan) [January 2, 2023](https://x.com/ParveenKaswan/status/1609941054006104069?ref_src=twsrc%5Etfw)

ಇದೀಗ ಈ ಪೋಸ್ಟ್ ನ್ನು ಸಾವಿರಾರು ಜನ ವೀಕ್ಷಿಸಿದ್ದು ಅಲ್ಲದೆ ಸಾವಿರಾರು ಲೈಕು ಮತ್ತು ಸಾಕಷ್ಟು ಕಾಮೆಂಟ್​​
ಗಳನ್ನು ಮಾಡಿದ್ದಾರೆ. ಸದ್ಯ ನೀವು ಸಹ ನಿಮ್ಮ ಪೂರ್ವಜರು ಸಂಗ್ರಹಣೆ ಮಾಡಿರುವ ಇಂತಹ ಬಿಲ್ ಗಳನ್ನು
ಸಾಮಾಜಿಕ ಜಾಲತಾಣಗಳಲ್ಲಿ ಶೇರ್ ಮಾಡಿಕೊಳ್ಳಬಹುದು.

Advertisement