# ಬಾವಿಯಲ್ಲಿ ಸಮುದ್ರದ ರೀತಿ ಅಲೆಗಳು!! ಭೂಕಂಪ ಎಂದುಕೊಂಡಿದ್ದ ಜನರಿಗೆ ವಿಜ್ಞಾನಿಗಳು ಹೇಳಿದ್ದೇನು?

- Link: https://hosakannada.com/interesting/waves-like-the-ocean-in-the-well-what-did-the-scientists-say-to-the-people-who-thought-it-was-an-earthquake/
- Published: 2026-08-08T08:54:28+00:00
- Author: ಹೊಸಕನ್ನಡ ನ್ಯೂಸ್

ಗುಜರಾತ್‌ನ ಮೋರ್ಬಿ ತಾಲೂಕಿನ ವೀರಪರ್ದಾ ಗ್ರಾಮದಲ್ಲಿರುವ ನಿಗೂಢ ಬಾವಿಯ ನೀರಿನಲ್ಲಿ ಗುರುವಾರ ಮಧ್ಯಾಹ್ನ
ತನ್ನಷ್ಟಕ್ಕೆ ಅಲೆಗಳು ಆರಂಭವಾಗಿದ್ದು, ಎಲ್ಲರ ಕುತೂಹಲಕ್ಕೆ ಕಾರಣವಾಗಿದೆ.

Sponsored

ಗ್ರಾಮದ ಪ್ರಾಣಜೀವನ್ ಸದಾರಿಯಾ ಎಂಬುವವರಿಗೆ ಸೇರಿದ, ಮೂರು ತಿಂಗಳ ಹಿಂದಷ್ಟೇ ತೋಡಲಾಗಿದ್ದ ಬಾವಿಯಲ್ಲಿ
ಆಗಸ್ಟ್ 2 ರಿಂದ ನೀರು ಈ ರೀತಿ ಅಲೆಗಳಂತೆ ಚಿಮ್ಮುತ್ತಿದೆ. ಸುತ್ತಮುತ್ತಲಿನ ಬಾವಿಗಳಲ್ಲಿ ನೀರು ಪ್ರಶಾಂತವಾಗಿದ್ದರೂ,
ಈ ಒಂದೇ ಬಾವಿಯಲ್ಲಿ ನೀರು ಕುದಿಯುವಂತೆ ಅಲೆ ಏಳುತ್ತಿರುವುದು ಸ್ಥಳೀಯರಲ್ಲಿ ಭೂಕಂಪದ ಮುನ್ಸೂಚನೆಯೋ
ಎಂಬ ಆತಂಕ ಸೃಷ್ಟಿಸಿದೆ.

Advertisement

Advertisement

ಸ್ಥಳಕ್ಕೆ ಭೇಟಿ ನೀಡಿದ ಜಿಲ್ಲಾ ಭೂವಿಜ್ಞಾನಿ ಜೆ.ಎಸ್. ವಧೇರ್ ಹಾಗೂ ಗಾಂಧಿನಗರದ ಇನ್‌ಸ್ಟಿಟ್ಯೂಟ್
ಆಫ್ ಸೀಸ್ಮೋಲಾಜಿಕಲ್ ರಿಸರ್ಚ್ (ISR) ಸಂಸ್ಥೆಯು ಇದು ಯಾವುದೇ ಭೂಕಂಪನ ಚಟುವಟಿಕೆಯಲ್ಲ, ಬದಲಿಗೆ 
ಸಂಪೂರ್ಣ ನೈಸರ್ಗಿಕ ಜಲವೈಜ್ಞಾನಿಕ ಪ್ರಕ್ರಿಯೆಯಾಗಿದೆ. ಇತ್ತೀಚಿನ ಭಾರಿ ಮಳೆಯಿಂದಾಗಿ ಭೂಗರ್ಭದ ಅಂತರ್ಜಲ
ಮಟ್ಟ ಹಠಾತ್ತಾಗಿ ಹೆಚ್ಚಾಗಿದೆ. ಬಂಡೆಗಳ ರಂಧ್ರಗಳಲ್ಲಿ ಸಿಲುಕಿದ್ದ ಗಾಳಿಯನ್ನು ನೂಕಿ ನೀರು ನುಗ್ಗಿದಾಗ,
ಆ ಗಾಳಿಯು ತೀವ್ರ ಒತ್ತಡದೊಂದಿಗೆ ಹೊರಬರಲು ಯತ್ನಿಸಿದೆ. ಈ ಗಾಳಿಯು ಬಾವಿಯ ಕೆಳಭಾಗದಿಂದ ಜಲಸ್ಥಿತಿಯ
ಒತ್ತಡವನ್ನು ಸೃಷ್ಟಿಸುತ್ತಿರುವುದರಿಂದ ನೀರು ಅಲೆಗಳಂತೆ ಚಿಮ್ಮುತ್ತಿದೆ. ಸಾರ್ವಜನಿಕರು ಆತಂಕಪಡುವ
ಅಗತ್ಯವಿಲ್ಲ ಎಂದು ಜಿಲ್ಲಾಡಳಿತ ತಿಳಿಸಿದೆ.

Advertisement