ಕೆಲವು ದಿನಗಳಿಂದ ಸೋಶಿಯಲ್ ಮೀಡಿಯಾದಲ್ಲಿ ಜಪಾನಿನ ವ್ಯಕ್ತಿ ಒಬ್ಬರು ಬರೋಬ್ಬರಿ 220 ಕೋಟಿ ಖರ್ಚು ಮಾಡಿ ನಾಯಿಯಂತೆ ಬದಲಾಗಿದ್ದಾರೆ ಎಂಬ ವಿಡಿಯೋ ಒಂದು ಸಿಕ್ಕಾಪಟ್ಟೆ ವೈರಲಾಗುತ್ತಿದೆ. ಅನೇಕರು ಇದನ್ನು ನಿಜವೆಂದು ನಂಬಿದರೆ ಮತ್ತೆ ಕೆಲವರು ಇದು ಸುಳ್ಳು, ಪ್ರಚಾರಕ್ಕಾಗಿ ಮಾಡುತ್ತಿರುವ ಗಿಮಿಕ್ ಎಂದೆಲ್ಲಾ ಹೇಳುತ್ತಿದ್ದಾರೆ. ಹಾಗಿದ್ರೆ ಇದು ನಿಜವೋ, ಸುಳ್ಳೋ ನೋಡೋಣ ಬನ್ನಿ.
ವೈರಲ್ ಆಗಿರುವ ಪೋಸ್ಟ್ನ ಪ್ರಕಾರ, “ಜಾಸೊ” ಎಂಬ 26 ವರ್ಷದ ಕೋಟ್ಯಾಧಿಪತಿಯೊಬ್ಬರು ನಾಯಿಯಂತಹ ರೂಪ ಮತ್ತು ನಡವಳಿಕೆಯನ್ನು ಪಡೆಯಲು ಶಸ್ತ್ರಚಿಕಿತ್ಸೆಗಳಿಗಾಗಿ ಸುಮಾರು 220 ಕೋಟಿ ರೂಪಾಯಿಗಳನ್ನು ಖರ್ಚು ಮಾಡಿದ್ದಾರೆ. ಈಗ ನಾಯಿಯಂತೆ ಕಾಣುತ್ತಾರೆ ಮತ್ತು ವರ್ತಿಸುತ್ತಾರೆ ಎಂದು ಹೇಳಲಾಗಿದೆ.
ಆದರೆ ಈ ವಿಡಿಯೋ ಸುಳ್ಳು ಎಂಬುದು ವರದಿಗಳು ಹೇಳಿವೆ. ಅವರು ನಾಯಿಯಂತೆ ಬದಲಾಗಿದ್ದಾರೆ, ಆದರೆ ಯಾವುದೇ ಶಸ್ತ್ರಚಿಕಿತ್ಸೆಗೆ ಒಳಗಾಗಿಲ್ಲ, ನಾಯಿಯ ರೀತಿ ವೇಷಭೂಷಣವನ್ನು ಮಾತ್ರ ತೊಟ್ಟಿದ್ದಾರೆ ಎನ್ನಲಾಗಿದೆ. ಇದರ ಬೆಲೆ ಸುಮಾರು 2 ಮಿಲಿಯನ್ ಜಪಾನೀಸ್ ಯೆನ್ (ಸುಮಾರು 11-12 ಲಕ್ಷ ರೂಪಾಯಿಗಳು) ಆಗಿದ್ದು, ಆ ವ್ಯಕ್ತಿ ಸಂಪೂರ್ಣವಾಗಿ ಮನುಷ್ಯನಾಗಿಯೇ ಉಳಿದಿದ್ದಾರೆ ಮತ್ತು ಯಾವುದೇ ದೈಹಿಕ ಬದಲಾವಣೆಗೆ ಒಳಗಾಗಿಲ್ಲ. ಅವರು ತಮ್ಮ ವೈಯಕ್ತಿಕ ಹವ್ಯಾಸದ ಭಾಗವಾಗಿ ಮತ್ತು ಪ್ರಾಣಿಯಂತೆ ಬದುಕುವ ಬಾಲ್ಯದ ಕನಸನ್ನು ನನಸಾಗಿಸಿಕೊಳ್ಳಲು ಆ ನೈಜ ವೇಷಭೂಷಣವನ್ನು ಧರಿಸುತ್ತಾರೆ.