# Spam Call: ಸ್ಪ್ಯಾಮ್ ಕರೆಗಳು ತುಂಬಾ ಕಿರಿ ಕಿರಿ ಅಲ್ವಾ? ಈ ಸಿಂಪಲ್ ಟ್ರಿಕ್ಸ್ ಫಾಲೋ ಮಾಡಿದ್ರೆ ಮತ್ತೆಂದೂ ಕಾಲ್ ಬರಲ್ಲ

- Link: https://hosakannada.com/interesting/spam-calls-are-so-annoying-arent-they-follow-these-simple-tricks-and-youll-never-get-a-call-again/
- Published: 2025-10-17T22:30:17+00:00
- Author: ಹೊಸಕನ್ನಡ ನ್ಯೂಸ್

 

Sponsored

Spam Call: ದಿನನಿತ್ಯದ ಬಿಡುವಿಲ್ಲದ ಕೆಲಸದ ವೇಳೆ ಪರಿಚಿತರು ಕರೆ ಮಾಡಿದಾಗ ರಿಸೀವ್ ಮಾಡಿ ಮಾತನಾಡುವುದೇ
ತುಂಬಾ ಕಷ್ಟದ ಕೆಲಸವಾಗಿರುತ್ತದೆ. ಇದರ ನಡುವೆ ಆಗಾಗ ಸ್ಪ್ಯಾಮ್ ಕರೆಗಳು ಬಂದು ತುಂಬಾ ಕಿರಿಕಿರಿಯನ್ನು
ಉಂಟು ಮಾಡುತ್ತವೆ. ಕೆಲವರಂತೂ ಈ ಕರೆಗಳಿಂದ ಬೇಸತ್ತು ಹೋಗಿದ್ದಾರೆ. ಆದರೆ ನೀವು ಈ ಸಿಂಪಲ್ ಟ್ರಿಕ್ಸ್
ಫಾಲೋ ಮಾಡಿದರೆ ಮತ್ತೆಂದು ಕೂಡ ಈ ರೀತಿಯ ಸ್ಪ್ಯಾಮ್ ಕರೆಗಳು ಬರುವುದಿಲ್ಲ.

Advertisement

Advertisement

 

ಹೌದು, ಶೇ 64 ರಷ್ಟು ಭಾರತೀಯರು ಪ್ರತಿದಿನ 3 ಅಥವಾ ಹೆಚ್ಚಿನ ಸ್ಪ್ಯಾಮ್ ಕರೆಗಳನ್ನು ಸ್ವೀಕರಿಸುತ್ತಾರೆ
ಎಂದು ಕಂಡುಬಂದಿದೆ. ಟ್ರೂಕಾಲರ್ ಡೇಟಾ ಪ್ರಕಾರ, ಭಾರತವು ಅತ್ಯಧಿಕ ಸ್ಪ್ಯಾಮ್ ಕರೆಗಳನ್ನು ಸ್ವೀಕರಿಸುವ
ದೇಶಗಳ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನದಲ್ಲಿದೆ. ಆದರೆ ನೀವು, ನಾವು ಹೇಳುವ ಟ್ರಿಕ್ಸ್ ಯೂಸ್ ಮಾಡಿ 
ಈ ಕರೆಗಳನ್ನು ತಡೆಯಿರಿ.

 

**ಡು ನಾಟ್ ಡಿಸ್ಟರ್ಬ್ (DND) ಆನ್ ಮಾಡಿ**

ಭಾರತೀಯ ಟೆಲಿಕಾಂ ನಿಯಂತ್ರಣ ಪ್ರಾಧಿಕಾರ (TRAI) ಅನಗತ್ಯ ಕರೆಗಳು ಮತ್ತು ಸಂದೇಶಗಳನ್ನು ತಡೆಯಲು 
ರಾಷ್ಟ್ರೀಯ ಗ್ರಾಹಕರ ಆದ್ಯತಾ ನೋಂದಣಿ (NCPR) ಸೇವೆಯನ್ನು ಆರಂಭಿಸಿದೆ. ಈ ವ್ಯವಸ್ಥೆಯ ಮೂಲಕ ನೀವು
ಟೆಲಿಮಾರ್ಕೆಟರ್‌ಗಳಿಂದ ಅಥವಾ ಯಾವುದೇ ಸ್ಪ್ಯಾಮ್ ಕರೆಗಳಿಂದ ನಿಮ್ಮ ಸಂಖ್ಯೆಯನ್ನು ರಕ್ಷಿಸಬಹುದು.

 

**ಟ್ರೂಕಾಲರ್ ಅಥವಾ ಇತರ ಕಾಲ್-ಐಡೆಂಟಿಫಿಕೇಶನ್ ಆಪ್‌ಗಳನ್ನು ಬಳಸಿ**

ಟ್ರೂಕಾಲರ್‌ನಂತಹ ಆಪ್‌ಗಳು ಸ್ಪ್ಯಾಮ್ ಕರೆಗಳನ್ನು ಗುರುತಿಸಿ, ಮುಂಚಿತವಾಗಿ ಎಚ್ಚರಿಸುತ್ತವೆ. ಇವುಗಳ
ಮೂಲಕ ನೀವು ಶಂಕಾಸ್ಪದ ಸಂಖ್ಯೆಗಳನ್ನು ಸ್ವಯಂಚಾಲಿತವಾಗಿ ಬ್ಲಾಕ್ ಮಾಡಬಹುದು.

 

**ಸ್ಪ್ಯಾಮ್ ಕರೆಗಳನ್ನು ರಿಪೋರ್ಟ್ ಮಾಡಿ..**

ಯಾವುದೇ ಅನಗತ್ಯ ಅಥವಾ ಕಿರುಕುಳದ ಕರೆ ಬಂದರೆ TRAI ಅಥವಾ ನಿಮ್ಮ ಟೆಲಿಕಾಂ ಸೇವಾಪ್ರದಾತನಿಗೆ ದೂರು
ನೀಡಬಹುದು. ಈ ಮೂಲಕ ನೀವು ಸ್ಪ್ಯಾಮ್ ಕರೆಗಳನ್ನು ತಡೆಗಟ್ಟಬಹುದಾಗಿದೆ.

Advertisement