# ‘ಬೆಂಕಿಯ ಮಳೆ ಸುರಿಸುತ್ತೇನೆ’ ಎಂದಿದ್ದ ಕಾಂತೇರಿ ಜುಮಾದಿ ದೈವ –  ಅದಕ್ಕೇ ಸ್ಪೋಟವಾಯ್ತಾ MRPL ಬಾಯ್ಲರ್?

- Link: https://hosakannada.com/interesting/kanteri-jumadi-god-who-said-i-will-rain-fire-mrpl-boiler-exploded-because-of-that/
- Published: 2026-10-01T11:17:15+00:00
- Author: ಹೊಸಕನ್ನಡ ನ್ಯೂಸ್

ಮಂಗಳೂರು ನಗರದ ಸುರತ್ಕಲ್ ಬಳಿ ಇರುವ MRPL ಸಂಸ್ಥೆಯ ಕೋಕರ್ ಹೈಡ್ರೋ ಟ್ರೀಟರ್ ಘಟಕದಲ್ಲಿ ಉಂಟಾದ 
ಭಾರೀ ಸ್ಪೋಟದಿಂದ ಒಬ್ಬ ಕಾರ್ಮಿಕ ಮೃತ ಪಟ್ಟರೆ, 8 ಮಂದಿ ಗಾಯಗೊಂಡಿದ್ದಾರೆ. ಈ ದುರಂತದ ಬೆನ್ನಲ್ಲೇ,
ಶ್ರೀಕಾಂತೇರಿ ಜುಮಾದಿಯ ದೈವನುಡಿಗಟ್ಟು ಭಾರೀ ಚರ್ಚೆಗೆ ಗ್ರಾಸವಾಗಿದೆ.

Sponsored

ಹೌದು, ಈ ವರ್ಷದಲ್ಲಿ ನಡೆದ ನೇಮೋತ್ಸವದ ವೇಳೆ, ಜುಮಾದಿ ದೈವವು, ನಮ್ಮ ಕುಟುಂಬಕ್ಕೆ ಬೆಲೆ ಕೊಡದಿದ್ದರೆ,
ಬೆಂಕಿಯ ಮಳೆಯನ್ನು ಸುರಿಸುತ್ತೇನೆ ಎನ್ನುವ ಎಚ್ಚರಿಕೆಯನ್ನು ನೀಡಿತ್ತು. ಅದರ ಶಾಪವೇ, ಮಂಗಳೂರು ರಿಫೈನರಿ
ಅಗ್ನಿ ದುರಂತಕ್ಕೆ ಕಾರಣ ಎನ್ನುವುದು ಬಹುಪಾಲು ಸ್ಥಳೀಯರ ಮಾತಾಗಿದೆ. 

Advertisement

Advertisement

ಮಂಗಳೂರು ಹೊರವಲದ ಬಜಪೆಯ ವಿಮಾನ ನಿಲ್ದಾಣ ಇರುವ ಪ್ರದೇಶದ ಕೆಲವು ಭಾಗಗಳು SEZ ವ್ಯಾಪ್ತಿಗೆ ಬರುತ್ತದೆ.
ಅಲ್ಲಿನ ನೆಲ್ಲಿದಡಿ ಎನ್ನುವಲ್ಲಿ ಸುಮಾರು ಎಂಟು ಶತಮಾನಗಳ ಇತಿಹಾಸ ಇರುವ ಕಾಂತೇರಿ ಜುಮಾದಿಯ ದೈವಸ್ಥಾನವಿದೆ.
ಭೂಸ್ವಾಧೀನದ ವೇಳೆ, ಸ್ಥಳೀಯರಿಗೆ ಜುಮಾದಿ ದೈವಗುಡಿಗೆ ತೆರಳಿ, ಪೂಜೆ ಸಲ್ಲಿಸಲು SEZ ಅಧಿಕಾರಿಗಳು
ನಿರ್ಬಂಧವನ್ನು ಹೇರಿದ್ದರು 

ಇದನ್ನು ಸ್ಥಳೀಯರು ದೈವದ ಮುಂದಿಟ್ಟಾಗ “ಇದು ನನ್ನ ಮಣ್ಣು, ನನ್ನ ಪೂಜೆಗೆ, ನಮ್ಮ ಜನರಿಗೆ ತೊಂದರೆ
ಕೊಟ್ಟರೆ, ಬೆಂಕಿಯ ಮಳೆಯನ್ನು ಸುರಿಸುತ್ತೇನೆ, ನನ್ನ ಮಣ್ಣನ್ನು ಹೇಗೆ ರಕ್ಷಿಸಿಕೊಳ್ಳಬೇಕು ಎನ್ನುವುದು
ನನಗೆ ಗೊತ್ತಿದೆ, ಯಾರೂ ಭಯಪಡಬೇಡಿ. ಒಂದು ವರ್ಷದೊಳಗೆ ನನ್ನ ಶಕ್ತಿಯನ್ನು ತೋರಿಸುತ್ತೇನೆ” ಎನ್ನುವ
ನುಡಿಗಟ್ಟು ಬಂದಿತ್ತು. ಅದರಂತೆಯೇ, ದೈವವು ತನ್ನ ಪವಾಡವನ್ನು ತೋರಿಸಿದೆ. ಕಾರ್ಮಿಕರ ಶಿಫ್ಟ್ ಬದಲಾವಣೆಯ
ವೇಳೆ, ಈ ಸ್ಪೋಟ ಸಂಭವಿಸಿದ್ದರಿಂದ ಹೆಚ್ಚಿನ ಅನಾಹುತವಾಗಿಲ್ಲ. ಇದೆಲ್ಲಾ ದೈವದ ಕಾರ್ಣಿಕ ಎನ್ನುವುದು
ಸ್ಥಳೀಯರ ಅಭಿಪ್ರಾಯವಾಗಿದೆ.

Advertisement