# ನಮ್ಮ ಗಂಡಂದಿರನ್ನು ಎಕ್ಸ್ಚೇಂಜ್ ಮಾಡಿಕೊಡಿ – ಜಡ್ಜ್ ಮುಂದೆ ಅಕ್ಕ ತಂಗಿಯರ ವಿಚಿತ್ರ ಬೇಡಿಕೆ, ಬಂದ ತೀರ್ಪೇನು?

- Link: https://hosakannada.com/interesting/exchange-our-husbands-strange-demand-of-sisters-before-the-judge-what-was-the-verdict/
- Published: 2026-05-05T09:22:00+00:00
- Author: ಹೊಸಕನ್ನಡ ನ್ಯೂಸ್

ಸ್ವಂತ ಸಹೋದರಿಯರಿಬ್ಬರೂ ನ್ಯಾಯಾಲಯದ ಮೆಟ್ಟಿಲೇರಿ ನ್ಯಾಯಾಧೀಶರ ಮುಂದೆ ನಮ್ಮ ಗಂಡಂದಿರನ್ನು ಎಕ್ಸ್ಚೇಂಜ್
ಮಾಡಿಕೊಡಿ ಎಂದು ವಿಚಿತ್ರವಾದ ಬೇಡಿಕೆ ಇಟ್ಟಿರುವ ಘಟನೆ ಮಧ್ಯಪ್ರದೇಶ ಹೈಕೋರ್ಟ್‌ನ ಗ್ವಾಲಿಯರ್ ಪೀಠದಲ್ಲಿ
ನಡೆದಿದೆ.

Sponsored

ಹೌದು, ಮಧ್ಯ ಪ್ರದೇಶದ ಹೈಕೋರ್ಟ್ ನಲ್ಲಿ ವಿಚಾರಣೆ ಎದುರಿಸಿರುವ ಈ ಒಂದು ವಿಚಿತ್ರ ಪ್ರಕರಣ ಇದೀಗ 
ದೇಶಾದ್ಯಂತ ಸದ್ದು ಮಾಡುತ್ತಿದೆ. ಆರಂಭದಲ್ಲಿ ಈ ಪ್ರಕರಣವು ‘ಅಪಹರಣ’ (Kidnapping) ಪ್ರಕರಣವಾಗಿ
ದಾಖಲಾಗಿತ್ತು. ಆದರೆ ಕೋರ್ಟ್ ಕಲಾಪದ ವೇಳೆ ಇದು ಸಂಪೂರ್ಣವಾಗಿ ವಿಭಿನ್ನವಾದ ಕೌಟುಂಬಿಕ ವಿವಾದವಾಗಿ
ಹೊರಹೊಮ್ಮಿದೆ.

Advertisement

Advertisement

ಏನಿದು ಪ್ರಕರಣ?

ದತಿಯಾ ಮೂಲದ ವ್ಯಕ್ತಿಯೊಬ್ಬರು ಹೈಕೋರ್ಟ್‌ನಲ್ಲಿ ತನ್ನ ಪತ್ನಿ ಮತ್ತು ಮಗಳನ್ನು ತನ್ನ ಹೆಂಡತಿಯ ತಂಗಿಯ
ಪತಿಯಾದ ಮಾಯಾರಾಮ್ ಎಂಬಾತ ಅಪಹರಿಸಿದ್ದಾನೆ ಎಂದು ಆರೋಪಿಸಿ, ನ್ಯಾಯ ದೊರಕಿಸುವಂತೆ ಕೋರ್ಟ್ ಗೆ ಅರ್ಜಿ
ಸಲ್ಲಿಸಿದ್ದರು. ಇದರ ಆಧಾರದ ಮೇಲೆ ನ್ಯಾಯಾಲಯವು ಮಹಿಳೆಯನ್ನು ಹಾಜರುಪಡಿಸುವಂತೆ ಪೊಲೀಸರಿಗೆ ಆದೇಶಿಸಿತ್ತು.
ವಿಚಿತ್ರ ಎಂದರೆ ಅರ್ಜಿದಾರನ ಪತ್ನಿಯ ತಂಗಿಯೆ ಮಾಯಾರಾಮ್ ನ ಹೆಂಡತಿ.

ಪೊಲೀಸರು ಮಹಿಳೆಯನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿದಾಗ, ಆಕೆ ತನ್ನನ್ನು ಯಾರೂ ಅಪಹರಿಸಿಲ್ಲ. ತಾನು
ಸ್ವಂತ ಇಚ್ಛೆಯಿಂದ ಮಾಯಾರಾಮ್ ಜೊತೆ ವಾಸಿಸುತ್ತಿರುವುದಾಗಿ ಮತ್ತು ಈಗಾಗಲೇ ತನ್ನ ಪತಿಗೆ ವಿಚ್ಛೇದನ(
Divorce) ನೀಡಲು ಅರ್ಜಿ ಸಲ್ಲಿಸಿರುವುದಾಗಿ ಹೇಳಿದಳು. ಆಗ ಮಾಯಾರಾಮ್‌ನ ಪತ್ನಿ (ಅರ್ಜಿದಾರನ ಹೆಂಡತಿಯ
ತಂಗಿ) ತನ್ನ ಅಕ್ಕ ತನ್ನ ಪತಿಯೊಂದಿಗೆ ವಾಸಿಸಲು ತನಗೆ ಯಾವುದೇ ಅಭ್ಯಂತರವಿಲ್ಲ ಎಂದು ಆಕೆ ಕೋರ್ಟ್‌ಗೆ
ತಿಳಿಸಿದಳು. ಅಷ್ಟೇ ಅಲ್ಲದೆ, ನನ್ನ ಅಕ್ಕ ಹೇಗೆ ತನ್ನ ಗಂಡನ ಜೊತೆ ಬದುಕುವುದಾಗಿ ಇಷ್ಟಪಡುತ್ತಾಳೋ,
ಹಾಗೆಯೇ ನಾನು ಕೂಡ ನನ್ನ ಅಕ್ಕನ ಗಂಡ,  ಅಂದರೆ ಭಾವನ ಜೊತೆ ಬದುಕಲು ಸಿದ್ಧಳಿದ್ದೇನೆ ಎಂದು ಹೇಳಿದ್ದಾಳೆ.

 ಅರ್ಜಿಯ ವಿಚಾರಣೆ ಮುಂದುವರೆದಂತೆ ಪ್ರಕರಣ ಧೈರ್ಯ ಸ್ವರೂಪವನ್ನು ಪಡೆದುಕೊಂಡಿದೆ. ಅದೇನೆಂದರೆ ಇಬ್ಬರು
ಹೆಣ್ಣು ಮಕ್ಕಳು ತಾವು ತಮ್ಮ ಗಂಡಂಡಿರೊಂದಿಗೆ ನೆಮ್ಮದಿಯ ಸಂಸಾರವನ್ನು ಮಾಡುತ್ತಿಲ್ಲ. ಹೀಗಾಗಿ ಗಂಡಂದಿರನ್ನು
ಅದಲು ಬದಲು ಮಾಡಿ ಕೊಡುವಂತೆ ಅವರು ನ್ಯಾಯಾಲಯದಲ್ಲಿ ಬೇಡಿಕೆ ಇಟ್ಟಿದ್ದಾರೆ.  

ಕೊನೆಗೆ ಇಬ್ಬರೂ ಮಹಿಳೆಯರ ವಾದವನ್ನು ಆಲಸಿದ ನ್ಯಾಯಾಲಯವು ಇವರಿಬ್ಬರು ವಯಸ್ಕರಾಗಿದ್ದು, ತಮ್ಮ ಸ್ವಂತ
ಇಚ್ಛೆಯಿಂದ ಈ ನಿರ್ಧಾರಗಳನ್ನು ತೆಗೆದುಕೊಳ್ಳುತ್ತಿದ್ದಾರೆ. ಈ ಪ್ರಕರಣದಲ್ಲಿ ಯಾವುದೇ ಅಪಹರಣ ನಡೆದಿಲ್ಲ.
ಇದು ವೈಯಕ್ತಿಕ ಕೌಟುಂಬಿಕ ವಿಷಯ. ಕ್ರಿಮಿನಲ್ ಪ್ರಕರಣವಲ್ಲ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದೆ. ಅಲ್ಲದೆ
ಈ ಆಧಾರದ ಮೇಲೆ ಮಧ್ಯಪ್ರದೇಶ ಹೈಕೋರ್ಟ್, ಪತಿ ಸಲ್ಲಿಸಿದ್ದ ಹೆಬಿಯಸ್ ಕಾರ್ಪಸ್ ಅರ್ಜಿಯನ್ನು ವಜಾಗೊಳಿಸಿದೆ.

Advertisement