# Telangana : ಒಂದೇ ವರ್ಷದಲ್ಲಿ 3 ಸರ್ಕಾರಿ ಉದ್ಯೋಗ ಗಿಟ್ಟಿಸಿಕೊಂಡು ಮೂರನ್ನೂ ನಿರಾಕರಿಸಿದ ಯುವತಿ – ಕಾರಣ ಏನಿರಬಹುದು?

- Link: https://hosakannada.com/interesting/a-young-woman-got-3-government-jobs-in-a-single-year-and-rejected-all-three-what-could-be-the-reason/
- Published: 2026-03-23T18:21:19+00:00
- Author: ಹೊಸಕನ್ನಡ ನ್ಯೂಸ್

Telangana : ಸರ್ಕಾರಿ ಉದ್ಯೋಗವನ್ನು ಪಡೆಯಬೇಕೆಂಬುದು ಪ್ರತಿಯೊಬ್ಬರ ಆಸೆ.   ಹೀಗಾಗಿ ಇಂದು ಅನೇಕ
ಯುವಕ ಯುವತಿಯರು ಈ ನಿಟ್ಟಿನಲ್ಲಿ ಪ್ರಯತ್ನಪಟ್ಟು, ಉದ್ಯೋಗ ಗಿಟ್ಟಿಸಿಕೊಳ್ಳಲು ಹಾತೊರೆಯುತ್ತಾರೆ.
ಆದರೂ ಇಂದಿನ ಸ್ಪರ್ಧಾತ್ಮಕ ಯುಗದಲ್ಲಿ ಸರ್ಕಾರಿ ಉದ್ಯೋಗವನ್ನು ಪಡೆಯುವುದು ಅಷ್ಟು ಸುಲಭದ ಮಾತಲ್ಲ.
ಆದರೆ ಇಲ್ಲೊಬ್ಬಳು ಯುವತಿ ಕಷ್ಟಪಟ್ಟು ಒಂದೇ ವರ್ಷದಲ್ಲಿ ಮೂರು ಸರ್ಕಾರಿ ಉದ್ಯೋಗಗಳನ್ನು ಗಿಟ್ಟಿಸಿಕೊಂಡು
ಆ ಮೂರನ್ನು ನಿರಾಕರಿಸಿದ ಅಪರೂಪದ ಘಟನೆ ನಡೆದಿದೆ. 

Sponsored

ಯಸ್, ಒಂದು ಸರ್ಕಾರಿ ಉದ್ಯೋಗ ಪಡೆಯೋದೇ ಕಷ್ಟವಿರುವಾಗ ತೆಲಂಗಾಣದ ನಲ್ಗೊಂಡ ಜಿಲ್ಲೆಯ ಮಾತಂಪಳ್ಳಿ 
ಮಂಡಲದ ಜಮ್ಲಥಂಡ ಗ್ರಾಮದ ಮೌನಿಕಾ ಎಂಬ ಯುವತಿಗೆ ಒಂದೇ ವರ್ಷದಲ್ಲಿ ಮೂರು ಸರ್ಕಾರಿ ಉದ್ಯೋಗಗಳು ಅರಸಿ
ಬಂದಿವೆ. ಆದರೆ, ಈ ಎಲ್ಲ ಹುದ್ದೆಗಳನ್ನು ಆಕೆ ನಿರಾಕರಿಸಿದ್ದಾರೆ. ಕಾರಣ ಅವರ ಕುಟುಂಬ! ಹೌದು, ಮನೆಯವರಿಂದ
ದೂರ ಉಳಿಯಲು ಇಷ್ಟವಿಲ್ಲದ ಯುವತಿ ಸಿಕ್ಕ ಅವಕಾಶಗಳನ್ನು ಬೇಡ ಎಂದು ದೂರ ತಳ್ಳಿದ್ದಾರೆ.

Advertisement

Advertisement

ಕೃಷಿ ಕುಟುಂಬದ ಮೌನಿಕಾ ಯಾವುದೇ ತರಬೇತಿ ಪಡೆಯದೇ, ತನ್ನದೇ ಇಚ್ಛಾಶಕ್ತಿಯಿಂದ ಅಧ್ಯಯನ ಮಾಡಿ ಸರ್ಕಾರಿ
ಉದ್ಯೋಗಗಳನ್ನು ಒಲಿಸಿಕೊಂಡಿರುವುದು ವಿಶೇಷ. ಎಂಜಿನಿಯರಿಂಗ್​ ಪದವೀಧರೆಯಾಗಿರುವ ಮೌನಿಕಾ ಸ್ಪರ್ಧಾತ್ಮಕ
ಪರೀಕ್ಷೆಗಳಿಗೆ ತಯಾರಿ ನಡೆಸಲು ಕೆಲ ದಿನಗಳ ಕಾಲ ಹೈದರಾಬಾದ್​ನಲ್ಲಿ ತಂಗಿದ್ದರು. ಈ ವೇಳೆ ಆಕೆ ಮಕ್ಕಳಿಗೆ
ಟ್ಯೂಷನ್​ ಹೇಳಿಕೊಡುವ ಮೂಲಕ ತಮ್ಮ ಖರ್ಚುಗಳನ್ನು ನಿಭಾಯಿಸಿಕೊಳ್ಳುತ್ತಿದ್ದರು. ಅಲ್ಲದೆ ಯಾವುದೇ 
ಕೋಚಿಂಗ್ ಸೇರದೆ ತಾನೆ ಸ್ವತಹ ಅಭ್ಯಾಸ ಮಾಡಿದ್ದಳು. 

ಆಕೆಯ ಅವರ ಕಠಿಣ ಪರಿಶ್ರಮಕ್ಕೆ 2024 ರಲ್ಲಿ ಫಲ ಸಿಕ್ಕಿದ್ದು, ತಿಂಗಳುಗಳ ಅಂತರದಲ್ಲಿ ರೈಲ್ವೆ ಇಲಾಖೆಯಲ್ಲಿ
ಎರಡು ಹುದ್ದೆಗಳಿಗೆ ಆಯ್ಕೆಯಾಗಿದ್ದರು. ಬಳಿಕ ಪಂಚಾಯತ್ ರಾಜ್ ಇಲಾಖೆಯಲ್ಲಿ ಗೆಜೆಟೆಡ್ ಮಟ್ಟದ ಹುದ್ದೆಯನ್ನೂ
ಪಡೆದರು.  ಆದ್ರೆ ಆ ಮೂರೂ ಹುದ್ದೆಗಳನ್ನು ಅವರು ಕೈಬಿಟ್ಟಿದ್ದಾರೆ. 

ಈ ಬಗ್ಗೆ ಮಾತನಾಡಿದ ನನ್ನ ಪೋಷಕರು ನಾನು ಜೀವನದಲ್ಲಿ ಯಶಸ್ಸು ಕಾಣುವುದನ್ನು ನೋಡಲು ಬಯಸಿದ್ದರು. 
ಅದರಂತೆ ನಾನು ಉತ್ತಮವಾಗಿ ಅಧ್ಯಯನ ಮಾಡಿ ಹಲವು ಹುದ್ದೆಗಳನ್ನು ಗಿಟ್ಟಿಸಿಕೊಂಡೆ. ಆದರೆ, ಕುಟುಂಬದಿಂದ
ದೂರ ಉಳಿಯಲು ಇಷ್ಟವಿಲ್ಲದೆ, ಅವನ್ನು ಕೈಬಿಟ್ಟೆ. ನನ್ನ ಕಿರಿಯ ಸಹೋದರನ ಶಿಕ್ಷಣಕ್ಕೂ ನೆರವಾಗುತ್ತಿರುವೆ”
ಎಂದು ಅವರು ಹೇಳಿದ್ದಾರೆ 

Advertisement