# ವೈದ್ಯ ಲೋಕವೇ ಬೆರಗಾಗುವ ಘಟನೆ – ಒಂದೇ ಸಮಯದಲ್ಲಿ ಹುಟ್ಟಿದ ಅವಳಿ ಮಕ್ಕಳ ತಂದೆ ಬೇರೆ ಬೇರೆ!!

- Link: https://hosakannada.com/interesting/a-shocking-incident-in-the-medical-world-twins-born-at-the-same-time-have-different-fathers/
- Published: 2026-05-06T10:55:33+00:00
- Author: ಹೊಸಕನ್ನಡ ನ್ಯೂಸ್

ವೈದ್ಯ ಲೋಕಕ್ಕೆ ಸವಾಲ್ ಎಸೆಯುವಂತಹ ಅಚ್ಚರಿಯ ಘಟನೆ ಒಂದು ಯುಕೆಯಲ್ಲಿ ನಡೆದಿದ್ದು, ಒಂದೇ ಸಮಯದಲ್ಲಿ
ಹುಟ್ಟಿದ ಅವಳಿ ಮಕ್ಕಳ ತಂದೆ ಬೇರೆ ಬೇರೆ ಎಂದು ತಿಳಿದು ಬಂದಿದೆ. ಅದು ಕೂಡ ಬರೋಬ್ಬರಿ 49 ವರ್ಷಗಳ
ಬಳಿಕ ಈ ವಿಚಾರ ಅವಳಿ ಸಹೋದರಿಯರಿಗೆ ತಿಳಿದು ಬಂದಿದೆ.

Sponsored

ಯಸ್, 49 ವರ್ಷಗಳ ಹಿಂದೆ ಅವಳಿಗಳಾಗಿ ಜನಿಸಿದ ಇಬ್ಬರು ಸಹೋದರಿಯರು, ತಮ್ಮ 40ರ ದಶಕದ ಅಂತ್ಯದಲ್ಲಿ
ತಮಗೆ ಜನ್ಮ ನೀಡಿದ ತಂದೆ ಒಬ್ಬನೇ ಅಲ್ಲ ಎಂಬ ಆಘಾತಕಾರಿ ಸತ್ಯವನ್ನು ತಿಳಿದುಕೊಂಡಿದ್ದಾರೆ. ನಾಟಿಂಗ್‌ಹ್ಯಾಮ್‌ನಲ್ಲಿ
1976 ರಲ್ಲಿ ಕೇವಲ ನಿಮಿಷಗಳ ಅಂತರದಲ್ಲಿ ಜನಿಸಿದ ಮಿಚೆಲ್ ಮತ್ತು ಲಾವಿನಿಯಾ ಓಸ್ಬೋರ್ನ್ (49), ಇತ್ತೀಚೆಗೆ
ಮನೆಯಲ್ಲೇ ಡಿಎನ್‌ಎ (DNA) ಪರೀಕ್ಷೆ ಮಾಡಿಕೊಂಡಾಗ ಈ ಸತ್ಯ ಬಯಲಾಗಿದೆ.

Advertisement

Advertisement

ಒಬ್ಬ ಮಹಿಳೆ ತನ್ನ ಋತುಚಕ್ರದ ಅವಧಿಯಲ್ಲಿ ಒಂದಕ್ಕಿಂತ ಹೆಚ್ಚು ಅಂಡಾಣುಗಳನ್ನು ಬಿಡುಗಡೆ ಮಾಡಿದಾಗ
ಮತ್ತು ಆ ಪ್ರತ್ಯೇಕ ಅಂಡಾಣುಗಳು ಬೇರೆ ಬೇರೆ ಪುರುಷರ ವೀರ್ಯಾಣುಗಳೊಂದಿಗೆ ಫಲಿತಗೊಂಡಾಗ ಇಂತಹ ಅಪರೂಪದ
ವಿದ್ಯಮಾನ ಸಂಭವಿಸುತ್ತದೆಯಂತೆ. ವೈದ್ಯಕೀಯ ವಿಜ್ಞಾನದಲ್ಲಿ ಇದನ್ನು ‘ಹೆಟೆರೊಪಟರ್ನಲ್ ಸೂಪರ್‌ಫೆಕಂಡೇಶನ್’(
Heteropaternal superfecundation) ಎಂದು ಕರೆಯಲಾಗುತ್ತದೆ. 

ಈ ವಿಚಾರವನ್ನು ತಿಳಿದ ಸಹೋದರಿಯರಲ್ಲಿ ಒಬ್ಬಳು ಇದು ನನಗೆ ನಿಜಕ್ಕೂ ಆಘಾತವನ್ನು ಉಂಟು ಮಾಡಿತು. ಬಾಲ್ಯದಿಂದಲೂ
ನನ್ನವಳು ಎಂದು ಹೇಳಿಕೊಳ್ಳಲು ಒಬ್ಬಳು ಸಹೋದರಿ ನನಗಾಗಿ ಇದ್ದಳು ಆದರೆ ಇದೀಗ ಪರೀಕ್ಷೆಯ ಬಳಿಕ ಸತ್ಯ
ಹೊರ ಬಂದಿರುವುದು ನಿಜಕ್ಕೂ ಅರಗಿಸಿಕೊಳ್ಳದಾದ ಪರಿಸ್ಥಿತಿಯನ್ನು ತಂದಿಕ್ಕಿದೆ ಎಂದು ಹೇಳಿಕೊಂಡಿದ್ದಾರೆ.
ಆದರೆ ಮತ್ತೊಬ್ಬ ಸಹೋದರಿ ಮಾತ್ರ ಇದರಲ್ಲಿ ಅಘಾತಕ್ಕೆ ಒಳಗಾಗುವ ಸುದ್ದಿಯೇನಿಲ್ಲ. ಇದೊಂದು ಅಪರೂಪದ
ಪ್ರಕರಣ ಎಂದಷ್ಟೇ ನಾವು ನೋಡಬೇಕಿದೆ ಎಂಬುದಾಗಿ ಹೇಳಿದ್ದಾರೆ.

ದುರದೃಷ್ಟವಶಾತ್, ಇವರಿಗೆ ಡಿಎನ್‌ಎ ವರದಿ ಬಂದ ದಿನವೇ ಅವರ ತಾಯಿ ನಿಧನರಾಗಿದ್ದಾರೆ. ಇದರಿಂದಾಗಿ 
ಅವರ ಮನಸ್ಸಿನಲ್ಲಿದ್ದ ಹಲವು ಪ್ರಶ್ನೆಗಳಿಗೆ ಉತ್ತರ ಸಿಗದಂತಾಗಿದೆ.

Advertisement