# Contact lenses : ಬರೋಬ್ಬರಿ 23 ಕಾಂಟ್ಯಾಕ್ಟ್ ಲೆನ್ಸ್ ಗಳನ್ನು ತನ್ನ ಕಣ್ಣಲ್ಲೇ ಇಟ್ಟ ಮಹಿಳೆ !!! ಇದನ್ನು ತೆಗೆಯಲು ಡಾಕ್ಟರ್ ಬಳಸಿದ ಸಾಧನ ಯಾವುದು ಗೊತ್ತೇ?

- Link: https://hosakannada.com/health/trending-shocking-video-23-contact-lenses-from-patient-eye-forgot-to-take-them-off/
- Published: 2022-10-14T15:40:38+00:00
- Author: ನಿಶ್ಮಿತಾ ಎನ್.

Sponsored

ಕೆಲವರು ಕನ್ನಡಕದ ಬದಲಾಗಿ ಕಾಂಟ್ಯಾಕ್ಟ್​ ಲೆನ್ಸ್​ ಹಾಕಿಕೊಳ್ಳುವುದನ್ನು ಅಭ್ಯಾಸ ಮಾಡಿಕೊಂಡಿರುತ್ತಾರೆ.
ಕೆಲವರಿಗೆ ಕನ್ನಡಕ ಹಾಕಿಕೊಳ್ಳಲು ಮುಜುಗರ, ಇನ್ನು ಕೆಲವರಿಗೆ ಕನ್ನಡಕ ಅಂದರೆ ಇರಿಟೇಷನ್, ಇನ್ನು 
ಕೆಲವರಿಗಂತೂ ಕನ್ನಡಕ ಅನಿವಾರ್ಯ, ಒಂದಿಷ್ಟು ಜನರಿಗೆ ಪ್ಯಾಷನ್ ಆಗಿದೆ. ಏನೇ ಆಗಲಿ ಆದರೆ ಲೆನ್ಸ್​
ಹಾಕಿಕೊಳ್ಳಬೇಕೆಂದರೆ ಕೆಲವು ನಿಯಮಗಳನ್ನು ಕಡ್ಡಾಯವಾಗಿ ಅನುಸರಿಸಲೇಬೇಕು. ಇಲ್ಲವಾದಲ್ಲಿ ಕಣ್ಣಿಗೆ
ತೊಂದರೆಯಾಗುವ ಅಪಾಯವಿರುತ್ತದೆ. ಕಣ್ಣು ನಮ್ಮ ದೇಹದ ಪಂಚೇಂದ್ರಿಯಗಳಲ್ಲಿ ಒಂದಾಗಿದೆ. ಕಣ್ಣಿನ ಮಹತ್ವ
ತುಂಬಾ ಇದೆ.

Sponsored

ಇಲ್ಲೊಬ್ಬ ಹಿರಿಯ ಮಹಿಳೆಯು ಹಲವಾರು ದಿನಗಳು ರಾತ್ರಿ ಮಲಗುವಾಗ ಲೆನ್ಸ್​ ತೆಗೆದಿಡುವುದನ್ನು ಮರೆತು
ಹಾಗೇ ಮಲಗಿದ್ದಾರೆ. ಆದರೆ ಪ್ರತೀ ದಿನ ಬೆಳಗ್ಗೆ ಹೊಸ ಲೆನ್ಸ್​ ಹಾಕಿಕೊಳ್ಳುವುದನ್ನು ಮಾತ್ರ ಮರೆತಿಲ್ಲ!
ಆ ಎಲ್ಲ ಲೆನ್ಸ್​ಗಳು ಕಣ್ಣುಗಳಲ್ಲಿ ಸಂಗ್ರಹವಾಗಿ ತೊಂದರೆ ಕೊಡಲಾರಂಭಿಸಿವೆ. ಆಗ ಡಾ. ಕ್ಯಾಟರೀನಾ 
ಕುರ್ಟೀವಾ ಎಂಬ ಡಾಕ್ಟರ್​ ಬಳಿ ಕಣ್ಣು ತಪಾಸಣೆ ಮಾಡಲೆಂದು ಹೋಗಿದ್ದಾರೆ. ಆಗ ಡಾಕ್ಟರ್​ ಆಕೆಯ ಕಣ್ಣನ್ನು
ಪರೀಕ್ಷಿಸಿದಾಗ ಒಳಗೆ ಲೆನ್ಸ್​ ಇರುವುದು ಪತ್ತೆಯಾಗಿದೆ. ನಂತರ ಆಕೆಯ ಕಣ್ಣಿನಿಂದ ಒಂದೊಂದೇ ಲೆನ್ಸ್​
ಗಳನ್ನು ತೆಗೆಯಲು ಶುರುಮಾಡಿದ್ದಾರೆ. ಒಂದಲ್ಲ ಎರಡಲ್ಲ ಬರೋಬ್ಬರಿ 23 ಲೆನ್ಸ್​ಗಳು! ಇದೊಂದು ಆತಂಕಕಾರಿ
ವಿಷಯವಿದು.

Advertisement

Advertisement

ಡಾ. ಕ್ಯಾಟರೀನಾ ತಮ್ಮ ಇನ್​ಸ್ಟಾಗ್ರಾಂ ಪುಟದಲ್ಲಿ ಈ ವಿಡಿಯೋ ಅಪ್​ಲೋಡ್ ಮಾಡಿದ್ದಾರೆ. ಮತ್ತು ‘ಯಾರೂ
ಕಾಂಟ್ಯಾಕ್ಟ್​ ಲೆನ್ಸ್​ ತೆಗೆಯದೇ ಮಲಗಬೇಡಿ. ನೋಡಿ ಈಗ ಈ ಮಹಿಳೆಯ ಪರಿಸ್ಥಿತಿ. ಎಲ್ಲಾ ಲೆನ್ಸ್​ಗಳನ್ನು
ಹೊರತೆಗೆದ ಮೇಲೆ ಒಂದಕ್ಕೊಂದು ಅಂಟಿಕೊಂಡಿದ್ದ 23 ಲೆನ್ಸ್​ಗಳನ್ನು ಆಭರಣದಂಗಡಿಯವರು ಉಪಯೋಗಿಸುವ ಫೋರ್ಸೆಪ್ಸ್​
ನ ಸಹಾಯದಿಂದ ಬೇರ್ಪಡಿಸಬೇಕಾಯಿತು. ಏಕೆಂದರೆ 23 ದಿನಗಳ ಕಾಲ ಒಂದರ ಮೇಲೆ ಒಂದು ಲೆನ್ಸ್​ ಹಾಕಿಕೊಂಡ
ಪರಿಣಾಮ ಆ 23 ಲೆನ್ಸ್​ಗಳು ಕಣ್ಣಗುಡ್ಡೆಯ ಮೇಲೆ ಅಂಟಿಕೊಂಡು ಕುಳಿತಿದ್ದವು.’ ಎಂದು ತಿಳಿಸಿದ್ದಾರೆ
ಕ್ಯಾಟರೀನಾ. ಡಾ. ಕ್ಯಾಟರೀನಾ ತಮ್ಮ ಇನ್​ಸ್ಟಾಗ್ರಾಂ ನಲ್ಲಿ ಅಪ್ಲೋಡ್ ಮಾಡಿದ ವಿಡಿಯೋವನ್ನು 3 ಮಿಲಿಯನ್​
ಜನರು ವೀಕ್ಷಿಸಿರುವ ಸುದ್ದಿಯಾಗಿದೆ.

 https://www.instagram.com/p/CjIzDvzrP2Y/?utm_source=ig_web_copy_link

ವೀಕ್ಷಕರು ಈ ವಿಡಿಯೋ ನೋಡಿ ಗಾಬರಿಗೆ ಬಿದ್ದಿದ್ದಾರೆ. ಮತ್ತು ಹಲವಾರು ಕಮೆಂಟ್ ಗಳನ್ನು ಮಾಡಿದ್ದಾರೆ.

Advertisement
