# Tumkur: ಪೋಷಕರೇ ಎಚ್ಚರ..! ತುಮಕೂರಿನ ಕುಣಿಕೇನಹಳ್ಳಿಯ ಮಕ್ಕಳಲ್ಲಿ ಕಾಣಿಸಿದ ವಿಚಿತ್ರ ಕಪ್ಪು ಚುಕ್ಕೆ..!

- Link: https://hosakannada.com/health/latest-news-health-news-tumkur-black-spot-disease-found-in-children-of-kunikenahalli/
- Published: 2023-06-27T13:23:24+00:00
- Author: ಕೆ. ಎಸ್. ರೂಪಾ

Tumkur: ತುಮಕೂರು : ಜಿಲ್ಲೆಯ ತುರುವೇಕೆರೆ ಹಾಗೂ ಕೊರಟಗೆರೆಯ ಗ್ರಾಮದ ಶಾಲಾ ಮಕ್ಕಳ ಅಂಗೈ- ಕಾಲುಗಳಡಿ
ಇದ್ದಕ್ಕಿಂದತೆ ಕಪ್ಪು ಕಲೆಗಳು ಮೂಡುತ್ತಿದ್ದು , ವಿಚಿತ್ರವಾದ ಕಾಯಿಲೆಯನ್ನ ಕಂಡು ಮಕ್ಕಳ ಪೋಷಕರಿಗೆ
ಹೊಸ ಭಯ ಶುರುವಾಗಿದೆ.

Sponsored

ತುಮಕೂರು (Tumkur) ಜಿಲ್ಲೆಯ ಕುಣಿಕೇನಹಳ್ಳಿಯ ಗ್ರಾಮದ 21 ಮಕ್ಕಳು ಹಾಗೂ ಯಲಚೇನಹಳ್ಳಿ ಗ್ರಾಮದ 5
ಮಕ್ಕಳ ಕೈ ಕಾಲುಗಳು ಹಾಗೂ ಅಂಗೈಗಳಲ್ಲಿ ಕಪ್ಪಾಗಿರುವ ಚುಕ್ಕೆಗಳಂತಹ ವಿಚಿತ್ರವಾದ ಚರ್ಮದ ಫಂಗಸ್‌ 
ಪ್ರತ್ಯಕ್ಷವಾಗುತ್ತಿದೆ. ಶಾಲೆಗೆ ಹೋಗಿ ಮನೆ ಬರುತ್ತಿದ್ದ ಮಕ್ಕಳಲ್ಲಿ ಏಕಾಏಕಿ ಕಾಣಿಸಿಕೊಂಡಿದ್ದಲ್ಲದೇ
ಆ ಶಾಲೆಯ ಶಿಕ್ಷಕರಲ್ಲೂ ಕಾಣಿಸುತ್ತಿದೆ. ಇದನ್ನು ಕಂಡ ಶಾಲಾ ಶಿಕ್ಷಕರು ಹಾಗೂ ಪೋಷಕರು ಬೆಚ್ಚಿಬಿದ್ದಿದ್ದಾರೆ.

Advertisement

Advertisement

ಈ ವಿಚಿತ್ರ ಕಾಯಿಲೆಗಳು ಯಾವ ಕಾರಣದಿಂದ ಬಂದಿದೆ ಅನ್ನೋದರ ಬಗ್ಗೆ ಚಿಂತೆಗೆ ಒಳಾಗಿದ್ದಾರೆ. ಈ ವಿಚಾರ
ತಿಳಿಯುತ್ತಿದ್ದಂತೆ ಶಾಲೆಗೆ ಭೇಟಿ ಕೊಟ್ಟ ತುರುವೇಕೆರೆ ಶಾಸಕ ಎಂ.ಟಿ ಕೃಷ್ಣಪ್ಪ ಹಾಗೂ ವೈದ್ಯರ ತಂಡ
ಭೇಟಿ ನೀಡಿ ಪರಿಶೀಲನೆ ನಡೆಸಲಾಗಿದೆ.

ಈ ವಿಚಿತ್ರ ಕಪ್ಪು ಚುಕ್ಕೆಯ ಬಗ್ಗೆ ತುರುವೇಕೆರೆ ಶಾಸಕ ಎಂ.ಟಿ ಕೃಷ್ಣಪ್ಪ ಮಾತನಾಡಿ, ಈ ಫಂಗಸ್‌ ಬಗ್ಗೆ
ವೈದ್ಯರು ಪರಿಶೀಲನೆ ನಡೆಸಲಾಗುತ್ತಿದೆ. ಇದು ಶಾಲೆಯ ಪಕ್ಕದಲ್ಲೇ ಇರುವ ತಿಪ್ಪೆಯ ಗುಂಡಿಯಿಂದಲೇ ಹೊರ
ಬರುವ ಕೀಟಗಳಿಂದಲೇ ಕಾಣಿಸಿಕೊಳ್ಳುತ್ತಿದೆ ಎಂದು ಮೇಲ್ನೋಟಕ್ಕೆ ಹೇಳಿದ್ದಾರೆ. ಅಲ್ಲದೇ ಮುನ್ನೆಚ್ಚರಿಕೆ
ವಹಿಸುವಂತೆ ಖಡಕ್‌ ಎಚ್ಚರಿಕೆಯನ್ನು ನೀಡಲಾಗಿದೆ.

Advertisement
