# Men Health: ಪುರುಷರೇ ನಿಮಗೊಂದು ಶಾಕಿಂಗ್‌ ನ್ಯೂಸ್‌! ಅತಿಯಾದ ಮೊಬೈಲ್‌ ಬಳಕೆ ನಿಮ್ಮ ವೀರ್ಯದ ಗುಣಮಟ್ಟವನ್ನು ಕಡಿಮೆ ಮಾಡುತ್ತದೆ- ಅಧ್ಯಯನ

- Link: https://hosakannada.com/health/health-news-high-mobile-phone-use-may-impact-sperm-count-in-men-study-finds/
- Published: 2023-11-03T14:03:48+00:00
- Author: ಹೊಸಕನ್ನಡ ನ್ಯೂಸ್

Men Health: ಮೊಬೈಲ್ ಫೋನ್‌ (Mobile Phone)ಜನರ ಮೇಲೆ ಹೇಗೆ ಪ್ರಭಾವ ಬೀರುತ್ತದೆ ಎಂಬುದರ ಕುರಿತು
ಅಧ್ಯಯನವೊಂದು ಅಚ್ಚರಿಯ ಸಂಗತಿಗಳನ್ನು ಬಹಿರಂಗಪಡಿಸಿದೆ. ಮೊಬೈಲ್ ಫೋನ್ ಬಳಕೆ ಪುರುಷರ ವೀರ್ಯದ (Men
Health)ಗುಣಮಟ್ಟ ಮತ್ತು ಪ್ರಮಾಣದ ಮೇಲೆ ಪರಿಣಾಮ ಬೀರುತ್ತದೆ ಎಂಬ ಆಘಾತಕಾರಿ ಅಂಶ ಬಹಿರಂಗವಾಗಿದೆ.

Sponsored

ಸ್ವಿಟ್ಜರ್ಲೆಂಡ್‌ನ ಜಿನೀವಾ ವಿಶ್ವವಿದ್ಯಾಲಯದ ತಂಡ 2005 ಮತ್ತು 2018 ರ ನಡುವೆ ನೇಮಕಗೊಂಡ 18 ರಿಂದ
22 ವರ್ಷ ವಯಸ್ಸಿನ 2,886 ಪುರುಷರ ಡೇಟಾವನ್ನು ಆಧರಿಸಿ ಅಧ್ಯಯನವನ್ನು ನಡೆಸಿದೆ. ಡೇಟಾವು ಮೊಬೈಲ್
ಫೋನ್‌ಗಳ ಹೆಚ್ಚು ಬಳಕೆ ಮಾಡುವವರಲ್ಲಿ ಕಡಿಮೆ ವೀರ್ಯ ಸಾಂದ್ರತೆ ಇರುವುದನ್ನು ಬಹಿರಂಗಪಡಿಸಿದೆ.ಅತಿಯಾದ
ಫೋನ್ ಬಳಕೆ ಪುರುಷರಲ್ಲಿ ಬಂಜೆತನಕ್ಕೆ ಕಾರಣವಾಗುವ ಸಾಧ್ಯತೆಯಿದೆ. ವಿದ್ಯುತ್ಕಾಂತೀಯ ವಿಕಿರಣವನ್ನು
ಉತ್ಪಾದಿಸುವ ಮೊಬೈಲ್ ಫೋನ್‌ಗಳ ಬಳಕೆಯು ವೀರ್ಯದ ಮೇಲೆ ಪರಿಣಾಮ ಬೀರುವ ಜೊತೆಗೆ ಒಟ್ಟು ವೀರ್ಯಾಣು 
ಸಂಖ್ಯೆಯನ್ನು ಕಡಿಮೆ ಮಾಡುವ ಕುರಿತು ಅಧ್ಯಯನ ಮಾಹಿತಿ ನೀಡಿದೆ.

Advertisement

Advertisement

ಪುರುಷರ ವೀರ್ಯದ ಸಂಖ್ಯೆಯು ಪ್ರತಿ ಮಿಲಿಲೀಟರ್‌ಗೆ ಸರಾಸರಿ 99 ಮಿಲಿಯನ್ ವೀರ್ಯದಿಂದ ಪ್ರತಿ ಮಿಲಿಲೀಟರ್‌ಗೆ
47 ಮಿಲಿಯನ್‌ಗೆ ಇಳಿದಿದೆ ಎಂದು ವರದಿಯಾಗಿದೆ. ವಿಶ್ವ ಆರೋಗ್ಯ ಸಂಸ್ಥೆ (WHO) ಮಾನದಂಡಗಳ ಅನುಸಾರ,
ಒಬ್ಬ ಪುರುಷನ ವೀರ್ಯದ ಸಾಂದ್ರತೆಯು ಪ್ರತಿ ಮಿಲಿಲೀಟರ್‌ಗೆ 15 ಮಿಲಿಯನ್‌ಗಿಂತ ಕಡಿಮೆಯಿದ್ದಲ್ಲಿ 
ಸಂತಾನೋತ್ಪತ್ತಿಗೆ ಒಂದು ವರ್ಷಕ್ಕಿಂತ ಹೆಚ್ಚು ಸಮಯ ಬೇಕಾಗಬಹುದು. ಇದಲ್ಲದೆ, ವೀರ್ಯದ ಸಾಂದ್ರತೆಯು
ಪ್ರತಿ ಮಿಲಿಲೀಟರ್‌ಗೆ 40 ಮಿಲಿಯನ್‌ಗಿಂತ ಕಡಿಮೆಯಿದ್ದಲ್ಲಿ ಸಂತಾನೋತ್ಪತ್ತಿಯ ಸಾಧ್ಯತೆಗಳು ಕಡಿಮೆಯಾಗುತ್ತವೆ.

ಇದನ್ನೂ ಓದಿ: [EMI ಪಾವತಿ ಕುರಿತು RBI ನೀಡಿದೆ ಬಿಗ್ ಅಪ್ಡೇಟ್!!! ಇನ್ನು ಈ ಟೆನ್ಶನ್ ನಿಮಗಿಲ್ಲ!!!](https://hosakannada.com/2023/11/03/business-news-rbi-big-update-on-emi-payment-latest-news/)

Advertisement