# ಬೆಳಗಿನ ತಿಂಡಿಗೆ ದಾಲ್ ಚಿಲ್ಲಾ ಮಾಡಿ ಸವಿಯಿರಿ | ಪಾಕ ಮಾಡುವ ವಿಧಾನ ಇಲ್ಲಿದೆ

- Link: https://hosakannada.com/health/daal-recipe/
- Published: 2022-09-18T21:05:52+00:00
- Author: ಕೆ. ಎಸ್. ರೂಪಾ

ಬೆಳಗಿನ ಉಪಾಹಾರದಲ್ಲಿ ಬೇಳೆಕಾಳುಗಳ ರೆಸಿಪಿ ಸೇವನೆ ಮಾಡುವುದು ದೀರ್ಘಕಾಲ ಹೊಟ್ಟೆ ತುಂಬಿದ ಅನುಭವ
ನೀಡುತ್ತದೆ. ಹಾಗೂ ಆಹಾರ ತಜ್ಞರ ಪ್ರಕಾರ ನಿಮ್ಮ ಆಹಾರದಲ್ಲಿ ಬೇಳೆಕಾಳುಗಳನ್ನು ಸೇರಿಸುವುದು ನಿಮ್ಮ
ಹೃದಯದ ಆರೋಗ್ಯ ಸುಧಾರಿಸುತ್ತದೆ.

Sponsored

ಸಾಮಾನ್ಯವಾಗಿ ನೀವು ಬೇಳೆಕಾಳುಗಳನ್ನು ತಡ್ಕಾ ದಾಲ್, ದಾಲ್ ಕಡುಬು, ದಾಲ್ ಖಿಚಡಿ, ಲೆಂಟಿಲ್ ಡಂಪ್ಲಿಂಗ್ಸ್
ಹೀಗೆ ಇತ್ಯಾದಿ ರೆಸಿಪಿ ಮೂಲಕ ಸೇವಿಸಿರಬಹುದು. ಆದರೆ ಇಂದು ಬೆಳಗಿನ ತಿಂಡಿಗೆ ಬೇಳೆಕಾಳು ದಾಲ್ ಚಿಲ್ಲಾ
ಪಾಕವಿಧಾನ ನೋಡೋಣ.

Advertisement

Advertisement

**ಬೇಳೆಕಾಳು ದಾಲ್ ಚಿಲ್ಲಾ ಪಾಕವಿಧಾನಕ್ಕೆ ಬೇಕಾಗುವ ಸಾಮಗ್ರಿಗಳು**

ಬೇಳೆಕಾಳು ದಾಲ್ ಎರಡು ಕಪ್, ಎರಡರಿಂದ ಮೂರು ಹಸಿರು ಮೆಣಸಿನಕಾಯಿ, ಮಧ್ಯಮ ಗಾತ್ರದ ಸಣ್ಣಗೆ ಕತ್ತರಿಸಿದ
ಈರುಳ್ಳಿ, ಉದ್ದಿನ ಬೇಳೆ ಎರಡು ಟೀಸ್ಪೂನ್, ಕಪ್ಪು ಉಪ್ಪು ರುಚಿಗೆ ತಕ್ಕಷ್ಟು, ಹಸಿರು ಕೊತ್ತಂಬರಿ.

**ಬೆಳಗಿನ ತಿಂಡಿಗೆ ಬೇಳೆಕಾಳು ದಾಲ್ ಚಿಲ್ಲಾ ತಯಾರಿಸುವ ವಿಧಾನ?**

ಮೊದಲು ತೊಗರಿಬೇಳೆ ತೊಳೆದು ಎರಡು ಗಂಟೆಗಳ ಕಾಲ ನೆನೆಸಿಡಿ. ಅದು ನೆನೆದು ಊದಿಕೊಂಡು ಮೃದುವಾಗುತ್ತದೆ.
ಉದ್ದಿನಬೇಳೆಯನ್ನೂ ನೆನೆಸಿ, ಈಗ ಬೇಳೆಕಾಳು ಮತ್ತು ಉದ್ದಿನ ಬೇಳೆಯನ್ನು ಎರಡು ಬಾರಿ ತೊಳೆದು ಮಿಕ್ಸಿಯಲ್ಲಿ
ರುಬ್ಬಿಕೊಂಡು ದಪ್ಪನೆಯ ಪೇಸ್ಟ್ ತಯಾರಿಸಿ. ರುಬ್ಬುವಾಗ ಬೇಳೆ ಕಾಳಿಗೆ ಸ್ವಲ್ಪ ನೀರು ಸೇರಿಸಿ ಇದರಿಂದ
ಸರಿಯಾದ ಪೇಸ್ಟ್ ಸಿದ್ಧವಾಗುತ್ತದೆ.

ಈಗ ಬೇಳೆಕಾಳು ದಾಲ್ ಚಿಲ್ಲಾ ಹಿಟ್ಟನ್ನು ತಯಾರಿಸಲು ದಾಲ್ ಪೇಸ್ಟ್ ಅನ್ನು ದೊಡ್ಡ ಬಟ್ಟಲಿಗೆ ಹಾಕಿ.
ಚೆನ್ನಾಗಿ ಮಿಶ್ರಣ ಮಾಡಿ. ಮುಂದಿನ ಹಂತದಲ್ಲಿ ನುಣ್ಣಗೆ ಕತ್ತರಿಸಿದ ಈರುಳ್ಳಿ ಸೇರಿಸಿ. ಮತ್ತು ನುಣ್ಣಗೆ
ಕತ್ತರಿಸಿದ ಹಸಿರು ಕೊತ್ತಂಬರಿ, ಹಸಿರು ಮೆಣಸಿನಕಾಯಿ ಮತ್ತು ಕಪ್ಪು ಉಪ್ಪನ್ನು ರುಚಿಗೆ ತಕ್ಕಂತೆ 
ಸೇರಿಸಿ. ಚೆನ್ನಾಗಿ ಮಿಶ್ರಣ ಮಾಡಿ.

ಈಗ ನಾನ್ ಸ್ಟಿಕ್ ಪ್ಯಾನ್ ಅನ್ನು ಬಿಸಿ ಮಾಡಿ ಮತ್ತು ದೊಡ್ಡ ಚಮಚದ ಸಹಾಯದಿಂದ ಹಿಟ್ಟನ್ನು ಸುರಿದು
ರೌಂಡ್ ಶೇಪ್ ಗೆ ತನ್ನಿ. ಚಿಲ್ಲಾ ಬೆಂದು ಕಂದು ಬಣ್ಣಕ್ಕೆ ತಿರುಗಿದಾಗ ಸ್ವಲ್ಪ ದೇಸಿ ತುಪ್ಪ ಅನ್ವಯಿಸಿ.
ಮತ್ತು ಎರಡೂ ಬದಿ ಚೆನ್ನಾಗಿ ಬೇಯಿಸಿ, ತಟ್ಟೆಗೆ ಹಾಕಿ. ಈಗ ನಿಮ್ಮ ಬೇಳೆಕಾಳು ದಾಲ್ ಚಿಲ್ಲಾ ರೆಡಿಯಾಗಿದೆ.
ನಿಮ್ಮಿಷ್ಟದ ಚಟ್ನಿ ಜೊತೆ ಸವಿಯಿರಿ.

**ಬೇಳೆ ಕಾಳು ದಾಲ್ ಚಿಲ್ಲಾ ಪಾಕ ವಿಧಾನ ನಿಮಗೆ ಹೇಗೆ ಪ್ರಯೋಜನಕಾರಿ**

ಇದು ತೂಕ ಇಳಿಕೆ ಜೊತೆಗೆ ಅನೇಕ ಆರೋಗ್ಯ ಪ್ರಯೋಜನ ನೀಡುತ್ತದೆ. ಬೆಳಗಿನ ತಿಂಡಿಗೆ ಬೇಳೆ ಕಾಳು ದಾಲ್
ಚಿಲ್ಲಾ ಪಾಕ ವಿಧಾನ ನಿಮಗೆ ಹೇಗೆ ಪ್ರಯೋಜನಕಾರಿ ಎಂದು ಇಲ್ಲಿ ನೋಡೋಣ.

ಆಯುರ್ವೇದ ಪ್ರಕಾರ, ಬೇಳೆ ಕಾಳು ನಮ್ಮ ಆರೋಗ್ಯಕ್ಕೆ ಉತ್ತಮ ಮೂಲಿಕೆಯಾಗಿ ಕಾರ್ಯ ನಿರ್ವಹಿಸುತ್ತದೆ.
ಮಲಬದ್ಧತೆ ಸಮಸ್ಯೆ ನಿವಾರಣೆ ಹಾಗೂ ಜೀರ್ಣಕ್ರಿಯೆ ಸುಧಾರಿಸಲು ಬೇಳೆ ಕಾಳು ತುಂಬಾ ಪ್ರಯೋಜನಕಾರಿ ಆಗಿದೆ.

ದೇಹದ ದೌರ್ಬಲ್ಯ ಸಮಸ್ಯೆ ನಿವಾರಿಸುತ್ತದೆ. ಜೊತೆಗೆ ರಕ್ತದೊತ್ತಡ, ಶುಗರ್ ಮತ್ತು ಕೊಲೆಸ್ಟ್ರಾಲ್ 
ಸಮಸ್ಯೆ ನಿಯಂತ್ರಿಸುತ್ತದೆ. ಮುಖದ ಮೈಬಣ್ಣ ಹೆಚ್ಚಿಸುವುದರ ಜೊತೆಗೆ ಸುಕ್ಕುಗಳ ಸಮಸ್ಯೆ ನಿವಾರಿಸುತ್ತದೆ.
ತ್ವಚೆಗೆ ಆರೈಕೆಗೆ ತುಂಬಾ ಪ್ರಯೋಜನಕಾರಿ.

ಇದು ಜೀರ್ಣಾಂಗ ವ್ಯವಸ್ಥೆಗೆ ಪ್ರಯೋಜನಕಾರಿಯಾಗಿದೆ. ಬೇಳೆಕಾಳು ದಾಲ್ ಚಿಲ್ಲಾ ತುಪ್ಪದ ಪ್ರಮಾಣವು 
ತುಂಬಾ ಕಡಿಮೆಯಾಗಿದೆ. ಇದು ನಿಮ್ಮ ತೂಕ ನಷ್ಟಕ್ಕೆ ಆರೋಗ್ಯಕರ ಪಾಕವಿಧಾನವಾಗಿದೆ. ಕಪ್ಪು ಉಪ್ಪನ್ನು
ಅದರಲ್ಲಿ ಬಳಸುವುದರಿಂದ ಜೀರ್ಣಕ್ರಿಯೆ ಮತ್ತು ಆಮ್ಲೀಯತೆಗೆ ಪ್ರಯೋಜನಕಾರಿ.

Advertisement