# B Saroja Devi:  ಹಿರಿಯ ನಟಿ ಬಿ ಸರೋಜಾ ದೇವಿ ನಿಧನ

- Link: https://hosakannada.com/entertainment/veteran-actress-b-saroja-devi-passes-away/
- Published: 2025-07-14T10:08:29+00:00
- Author: V R

B Saroja Devi: ಕನ್ನಡದ ಹಿರಿಯ ನಟಿ[ ಬಿ.ಸರೋಜಾ ದೇವಿ](https://kn.wikipedia.org/wiki/%E0%B2%AC%E0%B2%BF.%E0%B2%B8%E0%B2%B0%E0%B3%8B%E0%B2%9C%E0%B2%BE%E0%B2%A6%E0%B3%87%E0%B2%B5%E0%B2%BF)
ಸೋಮವಾರ (ಜು.14) ನಿಧನ ಹೊಂದಿದ್ದಾರೆ. ವಯೋಸಹಜ ಖಾಯಿಲೆಯಿಂದ ಬಳಲುತ್ತಿದ್ದ ಅವರಿಗೆ 87 ವರ್ಷ ವಯಸ್ಸಾಗಿತ್ತು.

Sponsored

ತಮ್ಮ ಬೆಂಗಳೂರಿನ ಮಲ್ಲೇಶ್ವರಂ ನಿವಾಸದಲ್ಲಿ ಇವರು ಕೊನೆಯುಸಿರೆಳೆದಿದ್ದಾರೆ.

Advertisement

Advertisement

![](https://hosakannada.com/wp-content/uploads/2025/07/saroja-devi-a23-18.jpg)

ಸರೋಜಾ ಅವರ ಪತಿ ಹರ್ಷ ಸಮಾಧಿ ಪಕ್ಕದಲ್ಲಿಯೇ ಅವರ ಅಂತ್ಯಕ್ರಿಯೆ ನಡೆಯಲಿದೆ. ಕೊಡಿಗೆಹಳ್ಳಿಯ ತೋಟದಲ್ಲಿ
ಒಕ್ಕಲಿಗ ಸಂಪ್ರದಾಯ ಪ್ರಕಾರ ಅಂತ್ಯಕ್ರಿಯೆ ನಡೆಯಲಿದೆ.

ಸರೋಜಾ ದೇವಿ ಅವರು ಜನವರಿ 7, 1938 ರಂದು ಬೆಂಗಳೂರಿನಲ್ಲಿ ಜನಿಸಿದರು. ತಂದೆ ಬೈರಪ್ಪ ಪೊಲೀಸ್‌ ಅಧಿಕಾರಿ,
ತಾಯಿ ರುದ್ರಮ್ಮಾ ಗೃಹಿಣಿ. ಚಿತ್ರರಂಗಕ್ಕೆ ಬರಲು ಸರೋಜಾ ಅವರಿಗೆ ಅವರ ತಂದೆಯೇ ಪ್ರೋತ್ಸಾಹ ನೀಡಿದ್ದರು.

ʼಮಹಾಕವಿ ಕಾಳಿದಾಸʼ ಚಿತ್ರದ ಮೂಲಕ 1955 ರಲ್ಲಿ ಸರೋಜಾ ದೇವಿ ಹಿರಿ ತೆರೆಗೆ ಬಂದರು. ನಂತರ ಅವರು 
ಕನ್ನಡ, ತಮಿಳು, ತೆಲುಗು, ಹಿಂದಿ ಸಿನಿಮಾಗಳಲ್ಲಿ ನಟಿಸಿದರು. ಏಳು ದಶಕಗಳಲ್ಲಿ ಸುಮಾರು 2೦೦ ಚಿತ್ರಗಳಲ್ಲಿ
ನಟಿಸಿದ್ದಾರೆ.

ಕನ್ನಡದಲ್ಲಿ ಡಾ.ರಾಜ್‌ಕುಮಾರ್, ಕಲ್ಯಾಣ್‌ಕುಮಾರ್, ಉದಯಕುಮಾರ್ ಅವರ ಜೊತೆ ನಟಿಸಿದರು. ತೆಲುಗಿನಲ್ಲಿ
ಎ. ನಾಗೇಶ್ವರರಾವ್, ಎನ್.ಟಿ. ರಾಮರಾವ್ ಅವರ ಜೊತೆ ನಟಿಸಿದರು. ತಮಿಳಿನಲ್ಲಿ ಜೆಮಿನಿ ಗಣೇಶನ್, ಶಿವಾಜಿಗಣೇಶನ್,
ಎಂ.ಜಿ. ರಾಮಚಂದ್ರನ್‌, ಹಿಂದಿಯಲ್ಲಿ ದಿಲೀಪ್ ಕುಮಾರ್, ರಾಜೇಂದ್ರಕುಮಾರ್, ಶಮ್ಮೀಕಪೂರ್, ಸುನಿಲ್‌ದತ್
ಜೊತೆ ನಟಿಸಿದ ಸರೋಜಾದೇವಿ, ಚತುರ್ಭಾಷಾ ತಾರೆ ಎಂಬ ಹೆಗ್ಗಳಿಕೆಗೆ ಪಾತ್ರರಾದ ಮೊದಲ ಕನ್ನಡ ನಟಿ.

Advertisement