# Cricket World cup: ಭಾರತ ವರ್ಲ್ಡ್ ಕಪ್ ಸೋಲಲು ಅಮಿತಾಬ್ ಬಚ್ಚನ್ ಕಾರಣ ?!

- Link: https://hosakannada.com/entertainment/sports-news-reason-for-india-losing-world-cup-is-because-amitabh-bachchan/
- Published: 2023-11-21T08:24:19+00:00
- Author: ಕೆ. ಎಸ್. ರೂಪಾ

Cricket World cup: ಭಾರತೀಯರ ಹತ್ತಾರು ವರ್ಷಗಳ ಕನಸು ಕೊನೆಗೂ ನನಸಾಗಲಿಲ್ಲ. ಹೌದು, ಇಡೀ ವಿಶ್ವವೇ
ಎದುರು ನೋಡುತ್ತಿದ್ದ ಕ್ರಿಕೆಟ್ ವಿಶ್ವಕಪ್(Cricket World cup) ನಲ್ಲಿ ಆಸ್ಟ್ರೇಲಿಯಾ ವಿರುದ್ಧ
ಭಾರತ ಸೋಲುಂಡಿದೆ. ಇದರಿಂದಾಗಿ ಅನೇಕ ಕ್ರಿಕೆಟ್ ಪ್ರಿಯರು ಕಣ್ಣುಗಳೂ ಒದ್ದೆಯಾಗಿದ್ದುಂಟು. ಆದರೆ 
ಇದೀಗ ಈ ಸೋಲಿಗೆ ಬಾಲಿವುಡ್ ಬಿಗ್ ಬಿ ಅಮಿತಾಬ್ ಬಚ್ಚನ್ ಅವರು ಕಾರಣ ಎಂಬ ಸ್ವರವೊಂದು ಕೇಳಿಬರುತ್ತಿದೆ.

Sponsored

ಮೊನ್ನೆ ಮೊನ್ನೆ ತಾನೆ ಗುಜರಾತ್(Gujarath) ನ ನರೇಂದ್ರ ಮೋದಿ ಸ್ಟೇಟಿಯಂನಲ್ಲಿ ನಡೆದ ಕ್ರಿಕೆಟ್ 
ವಿಶ್ವಕಪ್ ನಲ್ಲಿ ಆಸ್ಟ್ರೇಲಿಯಾ ಎದುರು ಭಾರತ ಪರಾಭಾವಗೊಂಡಿದೆ. ಒಂದು ರೀತಾಯಲ್ಲಿ ಇದು ಭಾರತೀಯರಿಗೆ
ನೋವಿನ ಸಂಗತಿ. ಆದರೂ ರೋಹಿತ್ ಶರ್ಮ ನೇತೃತ್ವದ ತಂಡಕ್ಕೆ ಎಲ್ಲರೂ ಸಪೋರ್ಟ್ ಮಾಡುತ್ತಿದ್ದಾರೆ. ಈ 
ನಡುವೆ ನಟ ಅಮಿತಾಭ್​ ಬಚ್ಚನ್​ ಸಕತ್​ ಸುದ್ದಿಯಾಗುತ್ತಿದ್ದು ಭಾರತ ತಂಡವು ಫೈನಲ್​ನಲ್ಲಿ ಸೋಲಲು 
ನಟ ಅಮಿತಾಭ್​ ಬಚ್ಚನ್​(Amithab bacchan) ಅವರೇ ಕಾರಣ ಎಂಬ ಸುದ್ದಿಯೊಂದು ಕೇಳಿಬರುತ್ತಿದೆ.

Advertisement

Advertisement

ಹೌದು, ಆಸ್ಟ್ರೇಲಿಯಾ ಎದುರು ಭಾರತ ಸೋಲಲು ನಟ ಅಮಿತಾಬ್ ಬಚ್ಚನ್ ಕಾರಣ ಎಂದು ಕೆಲವು ಕ್ರಿಕೆಟ್​ ಪ್ರೇಮಿಗಳು
ನಟನ ಕಾಲೆಳೆಯುತ್ತಿದ್ದಾರೆ. ಅಷ್ಟಕ್ಕೂ ಕ್ರಿಕೆಟ್​ ವಿಶ್ವಕಪ್​ ಗೆಲಲ್ಲು ಭಾರತ ವಿಫಲವಾಗಿರುವುದಕ್ಕೂ,
ನಟ ಅಮಿತಾಭ್​ ಬಚ್ಚನ್​ ಅವರಿಗೂ ಏನು ಕಾರಣ ಎಂದು ಅಚ್ಚರಿಯಾಗಬಹುದು. ಅಲ್ಲದೆ ಕ್ರಿಕೆಟ್ ಆರಂಭಕ್ಕೂ
ಮುನ್ನ ಕೆಲ ದಿನಗಳ ಹಿಂದೆ ಹಲವು ಅಭಿಮಾನಿಗಳು ಅಮಿತಾಬ್ ದಯವಿಟ್ಟು ನೀವು ಈ ಸಲದ ವರ್ಡ್ ಕಪ್ ಮ್ಯಾಚ್
ನೋಡಬೇಡಿ ಎಂದು ಮನವಿ ಮಾಡಿದ್ರು. ಹಾಗಿದ್ರೆ ಈ ಬಾಲಿವುಡ್ ಬಿಗ್’ಬಿ ಗೂ ಕ್ರಿಕೆಟ್ ಮ್ಯಾಚ್ ಗೂ ಏನು
ಸಂಬಂಧ?!

ಅಂದಹಾಗೆ ನ.15ರಂದು ಅಮಿತಾಭ್​ ತಮ್ಮ ಎಕ್ಸ್​ (ಈ ಹಿಂದೆ ಟ್ವಿಟರ್​) ಖಾತೆಯಲ್ಲಿ ಪೋಸ್ಟ್​ ಒಂದನ್ನು
ಹಂಚಿಕೊಂಡಿದ್ದರು. ನಾನು ವೀಕ್ಷಣೆ ಮಾಡದ ಪಂದ್ಯಗಳನ್ನೆಲ್ಲ ಭಾರತ ಗೆದ್ದಿದೆ ಎಂದಿದ್ದರು. ಅದಕ್ಕೆ
ಅಭಿಮಾನಿಗಳು ಈ ಸಲ ದಯವಿಟ್ಟು ವಿಶ್ವಕಪ್ ನೋಡಬೇಡಿ ಎಂದು ಮನವಿ ಮಾಡಿದ್ದರು. ನಂತರ ಮತ್ತೊಂದು ಪೋಸ್ಟ್​
ಶೇರ್​ ಮಾಡಿದ ಅಮಿತಾಭ್​, ಫೈನಲ್​ ಪಂದ್ಯ ನೋಡಲು ಹೋಗಬೇಕೋ ಬೇಡವೋ? ಎಂದು ಬರೆದುಕೊಂಡಿದ್ದರು. ಅಮಿತಾಭ್​
ಪೋಸ್ಟ್​ಗೆ ಸಾಕಷ್ಟು ಪ್ರತಿಕ್ರಿಯೆಗಳು ಬಂದಿದ್ದು, ಬಹುತೇಕರು ಫೈನಲ್​ ಪಂದ್ಯಕ್ಕೆ ಹೋಗದಂತೆ ಬಾಲಿವುಡ್​
ಸಿನಿಮಾ ದಿಗ್ಗಜನ ಬಳಿ ಮನವಿ ಮಾಡಿದ್ದಲ್ಲದೆ ದಯವಿಟ್ಟು ಹೋಗಬೇಡಿ ಎಂದು ಪರಿಪರಿಯಾಗಿ ಬೇಡಿಕೊಂಡಿದ್ದರು.

ಆದರೆ ಅಮಿತಾಭ್​ ಅವರು ವಿಶ್ವಕಪ್ ಮ್ಯಾಚ್​ ನೋಡಿದ್ದಾರೆ. ಭಾರತ ಸೋಲುತ್ತಿದ್ದಂತೆ ಈ ಬಗ್ಗೆ ನೋವನ್ನು
ತೋಡಿಕೊಂಡಿದ್ದರು. ಜೊತೆಗೆ ಭಾರತ ಸರ್ವ ಪ್ರಯತ್ನ ಮಾಡಿ ಫೈನಲ್​ ತಲುಪಿರುವಕ್ಕೆ ಹೆಮ್ಮೆ ಎನ್ನಿಸುತ್ತದೆ
ಎಂದಿದ್ದರು. ಆದರೆ ಕಾಕತಾಳೀಯ ಎನ್ನುವಂತೆ ಅಮಿತಾಭ್​ ಅವರು ಮ್ಯಾಚ್​ ನೋಡಿದಾಗಲೇ ಭಾರತ ಸೋಲನ್ನು 
ಅನುಭವಿಸಿದ್ದು, ಅದಕ್ಕೆ ನೀವೇ ಕಾರಣ ಎಂದು ಫ್ಯಾನ್ಸ್​ ನಟನ ಕಾಲೆಳೆಯುತ್ತಿದ್ದಾರೆ.

ಇದನ್ನೂ ಓದಿ: [Yuva Nidhi: ಕಾಂಗ್ರೆಸ್ ಸರ್ಕಾರದ 5ನೇ ಗ್ಯಾರಂಟಿ ಯುವನಿಧಿ ಜಾರಿಗೆ ದಿನಾಂಕ ಫಿಕ್ಸ್ !!](https://hosakannada.com/2023/11/21/karnataka-news-congress-5th-guarantee-yuvanidhi-scheme-implementation-date-fix-said-cm-siddaramaiah/)

Advertisement