# ನಟ, ಬಿಗ್ ಬಾಸ್-7 ರ ವಿನ್ನರ್ ಶೈನ್ ಶೆಟ್ಟಿಯಿಂದ ಬಂತು ಮದುವೆಯ ಬಗ್ಗೆ ಸ್ಪಷ್ಟನೆ | ಏನಿರಬಹುದು? ಇಲ್ಲಿದೆ ಕುತೂಹಲಕಾರಿ ಉತ್ತರ!

- Link: https://hosakannada.com/entertainment/shine-shetty-given-clarity-about-his-wedding-gossips/
- Published: 2022-11-20T13:12:01+00:00
- Author: Mallika

ಶೈನ್ ಶೆಟ್ಟಿ ಯಾರಿಗೆ ತಾನೇ ಗೊತ್ತಿಲ್ಲ ಹೇಳಿ. ಕಿರುತೆರೆಯ ನಂಬರ್ ಒನ್ ಶೋ ಎಂದೇ ಹೆಸರುವಾಸಿಯಾಗಿರುವ
ಬಿಗ್ ಬಾಸ್ ಸೀಸನ್ 7 ರ ವಿನ್ನರ್ ಆಗಿದ್ದ ಶೈನ್ ಶೆಟ್ಟಿ ಮೊನ್ನೆ ಮದುವೆ ವಿಷಯಕ್ಕೆ ಸುದ್ದಿಯಾಗಿದ್ದಾರೆ.
ಈಗ ಮತ್ತೆ ಸುದ್ದಿಯಲ್ಲಿದ್ದಾರೆ. ವಿಷಯ ಅದೇ ಮದುವೆಗೆ ಸಂಬಂಧಪಟ್ಟಿದ್ದು. ಸುಕೃತ ನಾಗ್ ಜೊತೆಗಿನ 
ಮದುವೆಯ ಬಗ್ಗೆ ವಿಚಾರಕ್ಕೆ ಇದೀಗ ಶೈನ್ ಶೆಟ್ಟಿ ಈ ವದಂತಿಗೆಲ್ಲ ಸ್ಪಷ್ಟನೆ ನೀಡಿದ್ದಾರೆ.

Sponsored

ಜೇಮ್ಸ್, ಕಾಂತಾರ ಚಿತ್ರದ ನಂತರ ಮತ್ತೆ ಸಾಕಷ್ಟು ಸಿನಿಮಾಗಳಲ್ಲಿ ಶೈನ್ ಆಕ್ಟೀವ್ ಆಗಿದ್ದಾರೆ. ಇದರ
ಮಧ್ಯೆ ಶೈನ್ ಶೆಟ್ಟಿ ಹೆಸರು ಸುಕೃತ ನಾಗ್ ಜೊತೆ ಕೇಳಿ ಬರುತ್ತಿದೆ. `ಲಕ್ಷಣ’ ನಟಿ ಸುಕೃತ ಜೊತೆ ಶೈನ್
ಶೆಟ್ಟಿ ಮದುವೆ ಅಂತಾ ಸಾಕಷ್ಟು ಸಮಯದಿಂದ ಈ ಸುದ್ದಿ ಸದ್ದು ಮಾಡುತ್ತಿದೆ. ಅಷ್ಟಕ್ಕೂ ಈ ಸುದ್ದಿ ನಿಜಾನಾ
ಎಂಬುದನ್ನ ಬಿಗ್ ಬಾಸ್ ವಿನ್ನರ್ ಶೈನ್ ಶೆಟ್ಟಿ ಮಾಧ್ಯಮವೊಂದಕ್ಕೆ ಸ್ಪಷ್ಟನೆ ನೀಡಿದ್ದಾರೆ.

Advertisement

Advertisement

“ಕಲಾವಿದರು ಆಗಿರುವ ಕಾರಣ ನನಗೂ ಸುಕೃತ ಅವರಿಗೂ ಪರಿಚಯವಿದೆ ಆದರೆ ಯಾವುದೇ ಕಾನ್‍ಟಾಕ್ಟ್ ಇಲ್ಲ. 
ನಾವು ಇದುವರೆಗೂ ಭೇಟಿಯಾಗಿಲ್ಲ. ಯಾವುದೇ ಮಾತುಕತೆಯಿಲ್ಲ. ಈ ಮದುವೆ ಸುದ್ದಿ ಎಲ್ಲಾ ಸುಳ್ಳು, ಆ ತರಹ
ಏನು ವಿಚಾರವಿಲ್ಲ ಎಂದಿದ್ದಾರೆ. ದಯವಿಟ್ಟು ಈ ರೀತಿಯ ಸುಳ್ಳು ಸುದ್ದಿಯನ್ನು ಹಬ್ಬಿಸಬೇಡಿ, ಮತ್ತು
ಇದನ್ನೂ ಯಾರು ನಂಬಬೇಡಿ” ಎಂದು ಶೈನ್ ಶೆಟ್ಟಿ ಸ್ಪಷ್ಟನೆ ನೀಡಿದ್ದಾರೆ. ಸದ್ಯ ನಾನು ನನ್ನ ಕೆರಿಯರ್‍ನತ್ತ
ಗಮನ ಹರಿಸುತ್ತಿದ್ದೇನೆ. ಮದುವೆಯ ಬಗ್ಗೆ ನಾನು ಆಲೋಚನೆ ಮಾಡಿಲ್ಲ ಎಂದು ಮಾಧ್ಯಮವೊಂದಕ್ಕೆ ಹೇಳಿಕೆ
ಮಾತನಾಡಿದ್ದಾರೆ. ಈ ಮೂಲಕ ಸುಕೃತ ನಾಗ್ ಜೊತೆಗಿನ ಮದುವೆ ವದಂತಿಗೆ ಶೈನ್ ಬ್ರೇಕ್ ಹಾಕಿದ್ದಾರೆ.

ಅಂತೂ ಈ ವಿಷಯದಿಂದ ಶೈನ್ ಶೆಟ್ಟಿ ಅಭಿಮಾನಿಗಳು ಅದರಲ್ಲೂ ಮಹಿಳಾ‌ ಅಭಿಮಾನಿಗಳಿಗೆ ಖುಷಿಯಾಗಿರುವುದಂತೂ
ನಿಜ.

Advertisement