# Sandalwood : ರಿಲೀಸ್ ಆಗಿ ನಾಲ್ಕು ದಿನ – ಮಾರ್ಕ್ ಮತ್ತು 45 ಚಿತ್ರ ಕಲೆಕ್ಷನ್ ಮಾಡಿದ್ದೆಷ್ಟು?

- Link: https://hosakannada.com/entertainment/sandalwood-four-days-after-its-release-how-much-has-mark-and-45-collected/
- Published: 2025-12-29T13:53:37+00:00
- Author: ಹೊಸಕನ್ನಡ ನ್ಯೂಸ್

Sandalwood : ದರ್ಶನ್ ನಟನೆಯ ‘ಡೆವಿಲ್’ ಸಿನಿಮಾ ಡಿಸೆಂಬರ್ 11ರಂದು ರಿಲೀಸ್ ಆಯಿತು. ಈ ಚಿತ್ರ 
ರಿಲೀಸ್ ಆದ ಎರಡು ವಾರಗಳ ಬಳಿಕ ಕನ್ನಡಿಗರು ಕಾದು ಕುಳಿತಿದ್ದಂತಹ, ಕನ್ನಡ ಚಿತ್ರರಂಗದ ಬಹುನಿರೀಕ್ಷಿತ’
45’ ಹಾಗೂ ‘ಮಾರ್ಕ್’ ಸಿನಿಮಾ (Mark Movie) ತೆರೆಗೆ (ಡಿಸೆಂಬರ್ 25) ಬಂದವು. ಇದೀಗ ಈ ಚಿತ್ರಗಳು
ರಿಲೀಸ್ ಆಗಿ ನಾಲ್ಕು ದಿನಗಳಾಗಿವೆ. ಹಾಗಿದ್ದರೆ ಎರಡು ಚಿತ್ರಗಳು ಕೇವಲ ನಾಲ್ಕು ದಿನದಲ್ಲಿ ಎಷ್ಟು
ಗಳಿಕೆ ಮಾಡಿದೆ ನೋಡೋಣ ಬನ್ನಿ.

Sponsored

ಮಾರ್ಕ್ ಸಿನಿಮಾ ಥ್ರಿಲ್ಲರ್ ಶೈಲಿಯಲ್ಲಿ ಮೂಡಿ ಬಂದಿದೆ. ವಿಜಯ್ ಕಾರ್ತಿಕೇಯ ಅವರು ಈ ಸಿನಿಮಾ ನಿರ್ದೇಶನ
ಮಾಡಿದ್ದಾರೆ. ಈ ಚಿತ್ರ ‘ಮಾರ್ಕ್’ ಶೇಡ್​​ನಲ್ಲಿಯೇ ಮೂಡಿ ಬಂದಿದೆ ಎಂಬ ಮಾತಿದೆ. ಈ ಚಿತ್ರವನ್ನು 
ಜನರು ಇಷ್ಟಪಟ್ಟಿದ್ದಾರೆ. ಈ ಸಿನಿಮಾ ಕಲೆಕ್ಷನ್ ಬಗ್ಗೆ sacnilk ವರದಿ ಮಾಡಿದೆ. ಇದರ ವರದಿ ಪ್ರಕಾರ
ಸಿನಿಮಾದ ಒಟ್ಟೂ ಕಲೆಕ್ಷನ್ 18.50 ಕೋಟಿ ರೂಪಾಯಿ ಆಗಿದೆ. ಮೊದಲ ದಿನ ಈ ಚಿತ್ರ 8.6 ಕೋಟಿ ರೂಪಾಯಿ(
sacnilk ವರದಿ ಪ್ರಕಾರ), ಎರಡು, ಮೂರು ಹಾಗೂ ನಾಲ್ಕನೇ ದಿನ ಸಿನಿಮಾ ಸರಾಸರಿ 3.5 ಕೋಟಿ ರೂಪಾಯಿ 
ಕಲೆಕ್ಷನ್ ಮಾಡಿದೆ. ಈ ಮೂಲಕ ಚಿತ್ರದ ಒಟ್ಟಾರೆ ಕಲೆಕ್ಷನ್ 18.5 ಕೋಟಿ ರೂಪಾಯಿ ಆಗಿದೆ. ಗ್ರಾಸ್ ಕಲೆಕ್ಷನ್
22 ಕೋಟಿ ರೂಪಾಯಿ ಆಗಿದೆ.

Advertisement

Advertisement

’45’ ಸಿನಿಮಾಗೆ ಅರ್ಜುನ್ ಜನ್ಯ ನಿರ್ದೇಶನ ಮಾಡಿದ್ದಾರೆ. ಈ ಚಿತ್ರದಲ್ಲಿ ಉಪೇಂದ್ರ, ಶಿವರಾಜ್​ಕುಮಾರ್,
ರಾಜ್ ಬಿ. ಶೆಟ್ಟಿ ನಟಿಸಿದ್ದಾರೆ. ಈ ಸಿನಿಮಾದ ಗ್ರಾಸ್ ಕಲೆಕ್ಷನ್ 15 ಕೋಟಿ ರೂಪಾಯಿ ಸಮೀಪಿಸಿದೆ 
ಎಂದು sacnilk ಹೇಳಿದೆ. ಈ ಚಿತ್ರ ಮೊದಲ ದಿನ 6 ಕೋಟಿ ರೂಪಾಯಿ ಅಷ್ಟು ಕಲೆಕ್ಷನ್ ಮಾಡಿತು. ನಂತರವೂ
ಸಿನಿಮಾ ಒಳ್ಳೆಯ ಗಳಿಕೆ ಮಾಡುತ್ತಾ ಇದೆ.

Advertisement