# PVR-Inox: ಕೇವಲ ಒಂದು ರೂ. ಪಾವತಿಸಿ, ಪಿವಿಆರ್, ಐನಾಕ್ಸ್​  ಮಲ್ಟಿಪ್ಲೆಕ್ಸ್​ಗಳಲ್ಲಿ ಭರ್ಜರಿ ಮನರಂಜನೆ ಪಡೆಯಿರಿ!!

- Link: https://hosakannada.com/entertainment/pay-one-rupee-and-get-entertainment-at-pvr-inox-multiplexes/
- Published: 2023-04-21T17:41:40+00:00
- Author: ವಿದ್ಯಾ ಗೌಡ

PVR-Inox: ಒಂದು ರೂಪಾಯಿಗೆ ಚಾಕಲೇಟ್ ಸಿಗೋದೇ ಅಪರೂಪಕ್ಕೆ ಅಂತದ್ರಲ್ಲಿ ಒಂದು ರೂ. ಗೆ ಪಿವಿಆರ್,
ಐನಾಕ್ಸ್​ಗಳಲ್ಲಿ (PVR-Inox) ಭರಪೂರ ಮನರಂಜನೆ ಪಡೆಯಬಹುದು ಅಂದ್ರೆ ಆಶ್ಚರ್ಯವೇ!!. ಆದರೆ ಇದು ನಿಜ.
ನೀವು ಕೇವಲ ಒಂದು ರೂಪಾಯಿಯಲ್ಲಿ ಸಿನಿಮಾ ಟ್ರೈಲರ್ (movie trailer) ನೋಡಬಹುದು. ಎಂತಾ ಚಾನ್ಸ್ 
ಅಲ್ವಾ!! ಹಾಗಿದ್ರೆ ಬನ್ನಿ ಪೂರ್ತಿ ಮಾಹಿತಿ ತಿಳಿಯೋಣ.

Sponsored

ಸಾಮಾನ್ಯವಾಗಿ ಪಿವಿಆರ್ (PVR), ಐನಾಕ್ಸ್​ (Inox) ಗಳಂತಹ ಮಲ್ಟಿಪ್ಲೆಕ್ಸ್​ಗಳಲ್ಲಿ (multiplex)
ಸಿನಿಮಾ ನೋಡಬೇಕು ಅಂದ್ರೆ ಕೈಯಲ್ಲಿ ಕಂತೆ ಕಂತೆ ಇರಬೇಕು. ಭಾರೀ ಖರ್ಚಾಗುತ್ತದೆ. ಆದರೆ, ಈ ಸುದ್ಧಿ
ಸಿನಿಪ್ರಿಯರಿಗೆ ಸಿಹಿಸುದ್ದಿ (Good news) ಎಂದೇ ಹೇಳಬಹುದು. ಹೌದು, ದುಪ್ಪಟ್ಟು ಹಣ ಪಾವತಿಸಿ ಸಿನಿಮಾ
ನೋಡುವ ಐನಾಕ್ಸ್ ಹಾಗೂ ಪಿವಿಆರ್​ ಮಲ್ಟಿಪ್ಲೆಕ್ಸ್ ಗಳಲ್ಲಿ ನೀವು ಕೇವಲ ಒಂದು ರುಪಾಯಿ ಪಾವತಿಸಿ 30
ನಿಮಿಷಗಳ ಕಾಲ ಸಿನಿಮಾ ಟ್ರೈಲರ್​ಗಳನ್ನು ನೋಡಬಹುದು. ಅದ್ಭುತ ಸೌಂಡ್ , ಗುಣಮಟ್ಟದ ದೃಶ್ಯಗಳನ್ನು 
ವೀಕ್ಷಿಸಿ, ಭರಪೂರ ಮನರಂಜನೆ ಪಡೆಯಬಹುದು.

Advertisement

Advertisement

ಈ ಟ್ರೈಲರ್ ಪ್ರದರ್ಶನ ಭಾರತದಾದ್ಯಂತ ಪಿವಿಆರ್ ಹಾಗೂ ಐನಾಕ್ಸ್​ಗಳಲ್ಲಿ ಏಪ್ರಿಲ್ 7 ರಿಂದಲೇ ಪ್ರಾರಂಭವಾಗಿದೆ.
ಮುಂದಿನ ದಿನಗಳಲ್ಲಿ ಬಿಡುಗಡೆಯಾಗಲಿರುವ ಹಾಲಿವುಡ್, ಬಾಲಿವುಡ್ ಸೇರಿದಂತೆ ಸಿನಿರಂಗದ ಸಿನಿಮಾಗಳ ಟೀಸರ್
ಹಾಗೂ ಟ್ರೈಲರ್​ಗಳನ್ನು ಈ ಶೋಗಳಲ್ಲಿ ಪ್ರದರ್ಶನವಾಗುತ್ತದೆ. ಇದೀಗ
 ಕಿಸಿ ಕ ಭಾಯ್ ಕಿಸಿ ಕಿ ಜಾನ್(
Kisi Ka Bhai Kisi Ki Jaan), ಪೊನ್ನಿಯನ್ ಸೆಲ್ವನ್ 2 (Ponniyin Selvan: 2), ಇನ್ನೂ ಕೆಲವು
ಸಿನಿಮಾ ಟ್ರೈಲರ್​ಗಳನ್ನು ಪ್ರದರ್ಶನ ಮಾಡಲಾಗುತ್ತಿದೆ. ನೀವೂ ವೀಕ್ಷಿಸುತ್ತೀರಾ ಎಂದಾದರೆ, ಈ ಶೋ 
ಗೆ ಆನ್​ಲೈನ್ ಹಾಗೂ ಕೌಂಟರ್​ನಲ್ಲಿ ಟಿಕೆಟ್ ಖರೀದಿ ಮಾಡಬಹುದಾಗಿದೆ.

ಇನ್ನು ಈ ಬಗ್ಗೆ ಮಾತನಾಡಿದ ಐನಾಕ್ಸ್​ನ ಸಿಇಓ ಅಲೋಕ್ ಟಂಡನ್, ”ಪ್ರೇಕ್ಷಕರಿಗೆ ಅದ್ಭುತ ಅನುಭೂತಿಯ
ಪರಿಚಯ ಮಾಡಿಸುವುದು ಹಾಗೂ ಸಿನಿಮಾವನ್ನು ನೋಡಲು ಹುರಿದುಂಬಿಸುವುದು ಈ ಯೋಜನೆಯ ಉದ್ದೇಶ. ಈ ಟ್ರೈಲರ್​
ಶೋಗಳಿಗೆ 50% ಗೂ ಹೆಚ್ಚು ಆಕ್ಯುಪೆನ್ಸಿ ಇದೆ. ಟ್ರೈಲರ್ ಶೋಗಳು ಲಾಂಚ್ ಆದಾಗಿನಿಂದ ಎರಡು ವಾರದೊಳಗಾಗಿ
ಸುಮಾರು 40000 ಮಂದಿ ಈ ಶೋಗಳನ್ನು ನೋಡಿದ್ದಾರೆ”ಎಂದು ಹೇಳಿದರು.

”ಒಂದು ರುಪಾಯಿ ಬೆಲೆ ಯಾಕೆ ಇಟ್ಟಿದ್ದೇವೆ ಎಂದರೆ, ಶೋಗೆ ಬರುವ ಪ್ರತಿಕ್ರಿಯೆಗಳು ಹೇಗಿರುತ್ತವೆ ಎಂದು
ನೋಡಲು. ಟಿಕೆಟ್ ಶೋ ಆದರಷ್ಟೆ ಅಂಕಿ-ಅಂಶಗಳು ಸಿಗುತ್ತವೆ. ಈ ಟ್ರೈಲರ್ ಶೋಗಳಿಂದ ಬಿಗ್​ಬಜೆಟ್ ಸಿನಿಮಾಗಳಿಗೆ
ಹಾಗೂ ಇನ್ನಿತರೆ ಸಣ್ಣ-ಮಧ್ಯಮ ಬಜೆಟ್ ಸಿನಿಮಾಗಳಿಗೆ ದೊಡ್ಡ ಮಟ್ಟದಲ್ಲಿ ಸಹಕಾರಿಯಾಗಲಿದೆ. ಟ್ರೈಲರ್
ಶೋಗಳ ಮೂಲಕ ಸಿನಿಮಾಗಳಿಗೆ ಹೆಚ್ಚು ಪ್ರಚಾರ ಸಿಗಲಿದೆ. ಈ ಯೋಜನೆಯಿಂದ ಮುಂದಿನ ಕೆಲವು ತಿಂಗಳಲ್ಲಿ 
ಸಿನಿಮಾ ವೀಕ್ಷಕರ ಸಂಖ್ಯೆ ಗಣನೀಯವಾಗಿ ಹೆಚ್ಚಳವಾಗಲಿದೆ ಎಂಬುದು ನಮ್ಮ ನಂಬಿಕೆ” ಎಂದು ಪಿವಿಆರ್ ಸಿಇಓ
ಗೌತಮ್ ದತ್ತ ಹೇಳಿದರು.

 

ಇದನ್ನು ಓದಿ: [EPFO Account : ಇಂಟರ್ನೆಟ್ ಇಲ್ಲದೇ ಇಪಿಎಫ್​ ಬ್ಯಾಲೆನ್ಸ್​ ಈ ರೀತಿ ಚೆಕ್ ಮಾಡಿ! ](https://hosakannada.com/2023/04/21/check-your-epf-balance-without-internet/)

Advertisement