# BBK 9 : ಬಿಗ್ ಬಾಸ್ ನಲ್ಲಿ ನಾಮಿನೇಟ್ ಆದ ಸ್ಟ್ರಾಂಗ್ ಸ್ಪರ್ಧಿಗಳು | ಆದರೆ ಈ ವಾರ ಎಲಿಮಿನೇಷನ್ ಆಗಲ್ಲ!!

- Link: https://hosakannada.com/entertainment/no-elimination-for-this-week-bigg-boss-voot-voting/
- Published: 2022-11-08T16:30:43+00:00
- Author: ಕೆ. ಎಸ್. ರೂಪಾ

ಕನ್ನಡಿಗರಲ್ಲಿ ಮನೆ ಮಾಡಿರುವ ಅಚ್ಚು ಮೆಚ್ಚಿನ ರಿಯಾಲಿಟಿ ಶೋ ಬಿಗ್ ಬಾಸ್ ಬಗ್ಗೆ ಈಗಾಗಲೇ ನಮಗೆ ಗೊತ್ತೇ
ಇದೆ. ಹಾಗೆಯೇ ಬಿಗ್ ಬಾಸ್​ನಲ್ಲಿ ಪ್ರತಿ ವಾರದ ನಾಮಿನೇಷನ್ ಹಾಗೂ ಎಲಿಮಿನೇಷನ್ ಪ್ರಕ್ರಿಯೆ ತಪ್ಪುವುದಿಲ್ಲ.
ಇಡೀ ಸೀಸನ್​ನಲ್ಲಿ ಎಲ್ಲಾದರೂ ಒಮ್ಮೆ ಎಲಿಮಿನೇಷನ್​ ಇಲ್ಲದೆ ವಾರ ಪೂರ್ಣಗೊಳ್ಳುತ್ತದೆ. ಈ ಬಾರಿಯೂ
ಬಿಗ್ ಬಾಸ್​​ನಲ್ಲಿ ಹಾಗೆಯೇ ಆಗುವ ಸೂಚನೆ ಸಿಕ್ಕಿದೆ.

Sponsored

ಈಗಾಗಲೇ ಸ್ಪರ್ಧಿಗಳ ಮೇಲೆ ಎಲಿಮಿನೇಷನ್​ ತೂಗುಗತ್ತಿ ಇದೆ. ಹೀಗಿರುವಾಗಲೇ ಈ ವಾರ ಬಿಗ್ ಬಾಸ್ ಮನೆಯಲ್ಲಿ
ಎಲಿಮಿನೇಷನ್ ನಡೆಯೋದು ಅನುಮಾನ ಎನ್ನಲಾಗುತ್ತಿದೆ. ಬಿಗ್ ಬಾಸ್ ನೀಡಿದ ವಿಶೇಷ ಸೂಚನೆ ಹೀಗೊಂದು ಕುತೂಹಲವನ್ನು
ಉಂಟು ಮಾಡಿದೆ.

Advertisement

Advertisement

ಬಿಗ್ ಬಾಸ್​ನಲ್ಲಿ ಈ ವಾರ ಎಲಿಮಿನೇಷನ್​ಗೆ ನಾಮಿನೇಷನ್ ಪ್ರಕ್ರಿಯೆ ನಡೆದಿದೆ. ಅನುಭವಿ ಪ್ರಶಾಂತ್
ಸಂಬರ್ಗಿ ಅವರು ಕ್ಯಾಪ್ಟನ್ ಆಗಿದ್ದರಿಂದ ಇಮ್ಯುನಿಟಿ ಪಡೆದಿದ್ದು ಅಲ್ಲದೆ ನಾಮಿನೇಷನ್​ನಿಂದ ಬಚಾವ್
ಆಗಿದ್ದಾರೆ.

ವಿಶೇಷವಾಗಿ ಕಳೆದ ವಾರದ ಟಾಸ್ಕ್​ನಲ್ಲಿ ಸಿಕ್ಕ ಆಯ್ಕೆಯ ಪ್ರಕಾರ ವಿನೋದ್ ಗೊಬ್ಬರಗಾಲ ಅವರು ತಮ್ಮ 
ಸ್ವ ಇಚ್ಛೆಯಿಂದ ಕಾವ್ಯಾ ಅವರನ್ನು ನಾಮಿನೇಷನ್​ನಿಂದ ತಪ್ಪಿಸಿದ್ದಾರೆ. ಇದರಿಂದಾಗಿ ಕಾವ್ಯ ಅವರು 
ಸೇಫ್ ಆಗಿದ್ದಾರೆ.

ಆದರೆ ಇದೀಗ ಈ ವಾರ ಬಿಗ್ ಬಾಸ್​ ಮನೆಯಲ್ಲಿ ಎಲಿಮಿನೇಷನ್ ನಡೆಯೋದು ಅನುಮಾನ ಎನ್ನಲಾಗುತ್ತಿದೆ. ಪ್ರತಿ
ವಾರ ಎಲಿಮಿನೇಷನ್​​ಗೆ ನಾಮಿನೇಷನ್ ನಡೆದ ಬಳಿಕ ವೂಟ್ ಆ್ಯಪ್​ನಲ್ಲಿ ವೋಟಿಂಗ್ ಮಾಡಲು ಅವಕಾಶ ನೀಡಲಾಗುತ್ತಿತ್ತು.
ಆದರೆ, ಈ ಬಾರಿ ಅದಕ್ಕೆ ಅವಕಾಶ ಇಲ್ಲ. ‘ವೀಕ್ಷಕರ ಗಮನಕ್ಕೆ, ವೋಟಿಂಗ್ ಲೈನ್ಸ್ ತೆರೆದಿರುವುದಿಲ್ಲ’
ಎಂಬ ಲೈನ್ ತೋರಿಸಲಾಗಿದೆ. ಇದು ಸಾಕಷ್ಟು ಕುತೂಹಲ ಹುಟ್ಟು ಹಾಕಿದೆ. ಎಲಿಮಿನೇಷನ್ ಇಲ್ಲದ ಸಂದರ್ಭದಲ್ಲಿ
ಮಾತ್ರ ಬಿಗ್ ಬಾಸ್ ಈ ರೀತಿ ಮಾಡುತ್ತಾರೆ

ಈಗಾಗಲೇ ರೂಪೇಶ್ ರಾಜಣ್ಣ ಅವರಿಗೆ ಬಿಗ್ ಬಾಸ್ ಮನೆಯಲ್ಲಿ ಹೆಚ್ಚು ವೋಟ್​ಗಳು ಬಿದ್ದಿವೆ . ಅದಲ್ಲದೆ
ಅರುಣ್ ಸಾಗರ್ ಅವರನ್ನು ಮನೆಯಲ್ಲಿ ಅನೇಕರು ನಾಮಿನೇಟ್ ಮಾಡಿದ್ದಾರೆ . ಅನುಪಮಾ ಗೌಡ, ದೀಪಿಕಾ ದಾಸ್​,
ದಿವ್ಯಾ ಉರುಡುಗ, ಆರ್ಯವರ್ಧನ್ ಗುರೂಜಿ ಅವರನ್ನು ಮನೆ ಮಂದಿ ನಾಮಿನೇಟ್ ಮಾಡಿದರು.

ಜೊತೆಗೆ ಕ್ಯಾಪ್ಟನ್ ಪ್ರಶಾಂತ್ ಅವರು ಮನೆಯಲ್ಲಿ ಒಬ್ಬರನ್ನು ನೇರವಾಗಿ ನಾಮಿನೇಟ್ ಮಾಡಬೇಕಿತ್ತು. 
ಈ ಆಯ್ಕೆಯಲ್ಲಿ ಅವರು ಅಮೂಲ್ಯ ಗೌಡ ಅವರ ಹೆಸರನ್ನು ತೆಗೆದುಕೊಂಡರು. ಹೀಗಾಗಿ, ಅಮೂಲ್ಯ ನೇರವಾಗಿ ನಾಮಿನೇಟ್
ಆಗಿದ್ದಾರೆ.

ಪ್ರಸ್ತುತ ಗುರುವಾರದ ಒಳಗೆ ವೋಟಿಂಗ್ ಆಯ್ಕೆ ತೆರೆಯಲಿದೆಯೇ ಇಲ್ಲವೋ ಎಂಬುದನ್ನು ಕಾದು ನೋಡಬೇಕಾಗಿದೆ.
ಒಂದೊಮ್ಮೆ ವೋಟಿಂಗ್ ಲೈನ್ಸ್ ತೆರೆಯದೇ ಇದ್ದರೆ ಈ ವಾರ ಎಲಿಮಿನೇಷನ್ ಇರುವುದಿಲ್ಲ ಅನ್ನೋದು ಖಚಿತ 
ಆಗಲಿದೆ. ಒಟ್ಟಿನಲ್ಲಿ ಈ ವಾರ ಎಲಿಮಿನೇಷನ್ ಗೊಂದಲದ ಛಾಯೆ ಉಂಟು ಮಾಡಿದೆ.

Advertisement