# ತನ್ನದೇ ಹೆಂಡತಿಯ 2ನೇ ಮದುವೆಗೆ ಬಂದು ಶುಭ ಕೋರಿದ ಮಾಜಿ ಗಂಡ

- Link: https://hosakannada.com/entertainment/ex-husband-came-to-his-wifes-second-wedding-to-wish-her-well/
- Published: 2026-06-26T17:36:02+00:00
- Author: ಹೊಸಕನ್ನಡ ನ್ಯೂಸ್

ವೈವಾಹಿಕ ಜೀವನದಲ್ಲಿ ವಿಚ್ಛೇದನ ಎನ್ನುವುದು ಕಹಿ ನೆನಪು. ಆದರೆ ಮಲಯಾಳಂನ ಖ್ಯಾತ ಗಾಯಕಿ ಮತ್ತು ಸಂಗೀತ
ನಿರ್ದೇಶಕಿ ಗೌರಿ ಲಕ್ಷ್ಮಿ ಅವರ ವಿವಾಹದ ವೇದಿಕೆಯಲ್ಲಿ ಇದು ಭಿನ್ನವಾಗಿದೆ. ಅದೇನೆಂದರೆ ಗೌರಿ ಲಕ್ಷ್ಮಿ
ಅವರು ಇತ್ತೀಚೆಗೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದು, ಈ ಮದುವೆ ಸಂಭ್ರಮದಲ್ಲಿ ಅವರ ಮಾಜಿ ಪತಿ ಗಣೇಶ್‌
ವೆಂಕಟರಮಣಿ ಅವರು ಭಾಗವಹಿಸಿ ಎಲ್ಲರ ಗಮನ ಸೆಳೆದಿದ್ದಾರೆ.

Sponsored

ಮಲಯಾಳಂ ಸಿನಿರಂಗದ ಸೂಪರ್‌ಸ್ಟಾರ್‌ ಮೋಹನ್‌ಲಾಲ್‌ ನಟಿಸಿರುವ ʼಕಾಸನೋವಾʼ ಚಿತ್ರದ ಸಖಿಯೇ….ಎನ್ನುವ
ಹಾಡಿಗೆ ಸಂಗೀತ ಸಂಯೋಜನೆಯನ್ನು ಗೌರಿ ಲಕ್ಷ್ಮಿ ಅವರು ತಮ್ಮ 13 ನೇ ವಯಸ್ಸಿನಲ್ಲಿಯೇ ಮಾಡಿದ್ದು, ಭಾರತದ
ಅತ್ಯಂತ ಕಿರಿಯ ಮಹಿಳಾ ಸಂಗೀತ ನಿರ್ದೇಶಕಿ ಎನ್ನುವ ಹೆಗ್ಗಳಿಕೆಗೆ ಪಾತ್ರರಾಗಿದ್ದರು. ಇವರು ಅನಂತರ
ಹಲವು ಹಿನ್ನೆಲೆ ಗೀತೆಗಳ ಮೂಲಕ ಮನೆ ಮಾತಾಗಿದ್ದಾರೆ.

Advertisement

Advertisement

ಕಳೆದ ಭಾನುವಾರ ಗೌರಿ ಲಕ್ಷ್ಮಿ ಅವರು ಖ್ಯಾತ ದೃಶ್ಯ ಕಲಾವಿದ ಕಲೇಶ್‌ ಗೋವಿಂದನ್‌ ಅವರನ್ನು ವಿವಾಹವಾದರು.
ಈ ಮದುವೆಯಲ್ಲಿ ಅವರ ಮಾಜಿ ಪತಿ ಹಾಗೂ ಪ್ರಸಿದ್ಧ ಡ್ರಮ್ಮರ್‌ ಗಣೇಶ್‌ ವೆಂಕಟರಮಣಿ ಅವರು ಹಾಜರಿದ್ದು,
ನವದಂಪತಿಗಳ ಜೊತೆ ಫೋಟೋ ತೆಗೆಸಿಕೊಂಡಿದ್ದಾರೆ. ಅಲ್ಲದೇ ಈ ಫೋಟೋವನ್ನು ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ
ಶೇರ್‌ ಮಾಡಿ, ʼಎಲ್ಲಾ ಕುಟುಂಬ ಸದಸ್ಯರೂ ಒಂದೇ ರಕ್ತಕ್ಕೆ ಸೇರಿದವರಾಗಿರಬೇಕು ಎಂದೇನಿಲ್ಲʼ ಎನ್ನುವ
ಸಾಲುಗಳನ್ನು ಬರೆದಿದ್ದಾರೆ.

ಗೌರಿ ಮತ್ತು ಗಣೇಶ್‌ ಅವರು ಪ್ರೀತಿ ಮಾಡುತ್ತಿದ್ದು, ನಂತರ 2018 ರಲ್ಲಿ ವಿವಾಹವಾಗಿದ್ದರು. ಆದರೆ
ವೈಯಕ್ತಿಕ ಕಾರಣಗಳಿಂದ ಕಾನೂನುಬದ್ಧವಾಗಿ ವಿಚ್ಛೇದನ ಪಡೆದಿದ್ದರು. ಆದರೂ ಇವರಿಬ್ಬರ ನಡುವಿನ ಸ್ನೇಹ,
ಗೌರವ ಹಾಗೇ ಇತ್ತು. ಗೌರಿ ಅವರ ಸಂಗೀತ ಕಾರ್ಯಕ್ರಮದಲ್ಲಿ ಇಂದಿಗೂ ಗಣೇಶ್‌ ಅವರೇ ಡ್ರಮ್ಮರ್‌ ಆಗಿದ್ದಾರೆ.

ತನ್ನ ಮಾಜಿ ಪತ್ನಿಯ ಹೊಸ ಜೀವನಕ್ಕೆ ಹಾರೈಸಲು ಬಂದ ಗಣೇಶ್‌ ಅವರ ನಡೆ ಮತ್ತು ಅದನ್ನು ಅಷ್ಟೇ ಪ್ರೀತಿಯಿಂದ
ಸ್ವೀಕಾರ ಮಾಡಿದ ಗೌರಿ-ಕಲೇಶ್‌ ದಂಪತಿಗಳ ಗುಣ ಅನೇಕರಿಗೆ ಮಾದರಿಯಾಗಿದೆ.

https://www.instagram.com/p/DZ3-ZgMkSeg/?utm_source=ig_embed&ig_rid=AdJVjaamQy7ucqBuW9-
v0Kv&img_index=4

Advertisement