# ಇನ್ಸ್ಟಾಗ್ರಾಮ್ ರೀಲ್ಸ್ ಗಾಗಿ ರೈಲನ್ನೇ ಬ್ಯಾಗ್ರೌಂಡ್ ಮಾಡಿಕೊಂಡ ಬಾಲಕ ;  ಮುಂದೆ ಸೆರೆಯಾದ್ದು ಸೂಪರ್ ದೃಶ್ಯ!

- Link: https://hosakannada.com/entertainment/boy-capturing-instagram-reels/
- Published: 2022-09-05T09:15:03+00:00
- Author: ಹೊಸಕನ್ನಡ ನ್ಯೂಸ್

ಅಯ್ಯೋ… ಇಂದು ಇನ್ಸ್ಟಾಗ್ರಾಮ್ ರೀಲ್ಸ್ ಹುಚ್ಚು ಇರದವರು ಸಿಗೋದೇ ಕಮ್ಮಿ. ಹೆಚ್ಚಿನವರು ರೀಲ್ಸ್ ಮಾಡೋದ್ರಲ್ಲೇ
ಟೈಮ್ ಪಾಸ್ ಮಾಡುತ್ತಾರೆ. ಆದ್ರೆ, ಕೆಲವೊಂದಷ್ಟು ಜನ ಮಾತ್ರ ಈ ರೀಲ್ಸ್ ಗಾಗಿ ತನ್ನ ಜೀವವನ್ನೇ ಪಣಕ್ಕಿಡುತ್ತಾರೆ.
ಅದೇ ರೀತಿ ಈ ಹಿಂದೆ ಒಂದು ಹುಡುಗಿ ದನದ ಮುಂದೆಯೇ ನೃತ್ಯ ಮಾಡಿ ಅಟ್ಟಾಡಿಸಿ ಬಂದಿರುವ ವಿಡಿಯೋ ವೈರಲ್
ಆಗಿದ್ದು, ಎಲ್ಲರನ್ನೂ ಬಿದ್ದು-ಬಿದ್ದು ನಗುವಂತೆ ಮಾಡಿತ್ತು.

Sponsored

ಅದರಂತೆ ಇಲ್ಲೊಬ್ಬ ರೀಲ್ಸ್ ಗಾಗಿ ರೈಲನ್ನೇ ಬ್ಯಾಗ್ರೌಂಡ್ ಮಾಡಿಕೊಂಡು ಮತ್ತೆ ಅವನಿಗಾದ ಪರಿಸ್ಥಿತಿ
ಎಂತದ್ದು ಗೊತ್ತಾ?..ತೆಲಂಗಾಣದ ವಾರಂಗಲ್​ ಮೂಲದ 11ನೇ ತರಗತಿ ವಿದ್ಯಾರ್ಥಿ ಅಜಯ್ ರೈಲು ಹಳಿಯ ಮೇಲೆ
ನಿಂತು ಇನ್​ಸ್ಟಾಗ್ರಾಂ ರೀಲ್ಸ್​ ಮಾಡುವಾಗ, ಹಿಂಬದಿಯಿಂದ ರೈಲು ಡಿಕ್ಕಿ ಹೊಡೆದು ಗಂಭೀರವಾಗಿ ಗಾಯಗೊಂಡಿದ್ದ.
ಇದೀಗ ಚಿಕಿತ್ಸೆ ಫಲಿಸದೇ ಸಾವನ್ನಪ್ಪಿದ್ದಾನೆ.

Advertisement

Advertisement

ಅಜಯ್​​ಗೆ ಚಲಿಸುವ ರೈಲಿನ ಬ್ಯಾಕ್​ಗ್ರೌಂಡ್​ ಇರುವ ವಿಡಿಯೋ ಬೇಕಾಗಿತ್ತು. ಅದಕ್ಕಾಗಿ ಆತ ವಾರಂಗಲ್​
ನ ಕಾಜೀಪೇಟ್​ ಬಳಿಯಿರುವ ವದ್ದೆಪಲ್ಲಿಯ ರೈಲು ಹಳಿಗಳ ಮೇಲೆ ನಿಂತು, ರೈಲು ಬರುವ ಸಮಯದಲ್ಲಿ ವಿಡಿಯೋ
ಮಾಡುವಾಗ, ರೈಲು ಹಿಂದಿನಿಂದ ಬಂದು ಡಿಕ್ಕಿ ಹೊಡೆದಿದೆ.

ಡಿಕ್ಕಿಯ ರಭಸೆಕ್ಕೆ ಅಜಯ್​ ಹಾರಿ ಹೋಗಿಬಿದ್ದಿದ್ದಾನೆ. ಗಂಭೀರ ಗಾಯಗೊಂಡಿದ್ದ ಅಜಯ್​ನನ್ನು ಆತನ ಪಕ್ಕದಲ್ಲೇ
ವಿಡಿಯೋ ಮಾಡುತ್ತಿದ್ದ ಸ್ನೇಹಿತರು ತಕ್ಷಣ ಆಸ್ಪತ್ರೆಗೆ ದಾಖಲಿಸಿದ್ದರು. ಒಟ್ಟಾರೆ, ಈ ರೀಲ್ಸ್ ಹುಚ್ಚು
ಯುವಕನ ಪ್ರಾಣವನ್ನೇ ತೆಗೆದಿದೆ.

Advertisement