# Bigg Boss Kannada-11: ಬಿಗ್ ಬಾಸ್ ಮನೆಯೊಳಗೆ ಶುರುವಾಯ್ತು ದೆವ್ವದ ಕಾಟ, ಇದ್ದಕ್ಕಿದ್ದಂತೆ ಒಡೆಯುತ್ತಿವೆ ತಟ್ಟೆಗಳು – ಶಾಕಿಂಗ್ ವಿಡಿಯೋ ಹಂಚಿಕೊಂಡ ಬಿಗ್ ಬಾಸ್ ಟೀಮ್ !!

- Link: https://hosakannada.com/entertainment/bigg-boss-kannada-11-devils-fight-started-inside-bigg-boss-house/
- Published: 2024-10-10T08:11:35+00:00
- Author: ಹೊಸಕನ್ನಡ ನ್ಯೂಸ್

Bigg Boss Kannada-11: ಕನ್ನಡ ಬಿಗ್‌ ಬಾಸ್(‌Bigg Boss Kannada-11) ಆಟ ಎರಡನೇ ವಾರಕ್ಕೆ ಕಾಲಿಟ್ಟಿದೆ.
ಈ ನಡುವೆ ಮನೆಯೊಳಗೆ ದೆವ್ವದ ಕಾಟ ಎದುರಾಗಿದ್ದು, ಸ್ಪರ್ಧಿಗಳಿಗೆ ನಡುಕ ಶುರುವಾಗಿದೆ.

Sponsored

ಹೌದು, ಬಿಗ್‌ ಬಾಸ್‌(Bigg Boss) ಮನೆಯಲ್ಲಿ ದೆವ್ವ ಇದ್ಯಾ!? ಇಂಥದ್ದೊಂದು ಪ್ರಶ್ನೆ ಇದೀಗ ಮನೆ 
ಮಂದಿಯನ್ನು ಭಯಭೀತಗೊಳಿಸಿದೆ. ಸುಖಾಸುಮ್ಮನೆ ಮನೆಯಲ್ಲಿನ ಪಿಂಗಾಣಿ ತಟ್ಟೆಗಳು ಕೆಳಕ್ಕೆ ಬಿದ್ದು ಒಡೆಯುತ್ತಿವೆ.
ಈ ನಿಗೂಢಕ್ಕೆ ಮನೆ ಮಂದಿ ಬೆಚ್ಚಿ ಬಿದ್ದಿದ್ದಾರೆ. ಹೀಗಾಗಿ ಬಿಗ್‌ ಬಾಸ್‌ ಮನೆಯಲ್ಲಿ ದೆವ್ವದ ಕಾಟ
ಶುರುವಾಗಿದೆ ಎಂದು ಸ್ಪರ್ಧಿಗಳು ಮಾತನಾಡಿಕೊಳ್ಳುತ್ತಿದ್ದಾರೆ.

Advertisement

Advertisement

**ಅಷ್ಟಕ್ಕೂ ಆಗಿದ್ದೇನು?**
 ಸ್ವರ್ಗ ನಿವಾಸಿಗಳು ಒಂದು ಕಡೆ ಕೂತುಕೊಂಡು ಟಾಸ್ಕ್‌ ವಿಚಾರದ ಬಗ್ಗೆ
ಮಾತನಾಡುತ್ತಿದ್ದಾರೆ. ಈ ನಡುವೆ ಇದ್ದಕ್ಕಿದ್ದಂತೆ ತಟ್ಟೆಯೊಂದು ಕೆಳಗೆ ಬಿದ್ದು ಒಡೆದು ಹೋಗಿದೆ. 
ಇದನ್ನು ನೋಡಿದ ಸ್ಪರ್ಧಿಗಳು ಅತ್ತ ಕಡೆ ಹೋಗಿದ್ದಾರೆ. ತಟ್ಟೆಗಳು ಹೆಂಗೆ ಒಡೆದು ಹೋಗುತ್ತಿದೆ. ಈ 
ಮನೆಯಲ್ಲಿ ದೆವ್ವ ಇರಬಹುದೆಂದು ಸ್ಪರ್ಧಿಯೊಬ್ಬರು ಗಾಬರಿಯಿಂದ ಮಾತನಾಡಿದ್ದಾರೆ. ಐಶ್ವರ್ಯಾ ಹೆಚ್ಚು
ಭಯ ಬಿದ್ದಿದ್ದು, ಈ ಮನೆಯಲ್ಲಿ ಏನೋ ನೆಗೆಟಿವ್‌ ಶಕ್ತಿಯಿದೆ. ನನ್ನ ತಲೆಯಲ್ಲಿ ಅದೇ ಓಡುತ್ತಿದೆ ಎಂದು
ಹೇಳಿದ್ದಾರೆ.

ಇದಕ್ಕೆ ಉಗ್ರಂ ಮಂಜು ಹಾಗೂ ಇತರರು ಇಲ್ಲ ಹಾಗೇನಿಲ್ಲ. ದೆವ್ವ- ಗಿವ್ವಾ ಏನೂ ಇರಲ್ಲ ಎಂದಿದ್ದಾರೆ.
ಮತ್ತೊಬ್ಬರು ನೆಗೆಟಿವ್‌ ಎನರ್ಜಿ ಎಲ್ಲ ಹೋಯಿತು ಅನ್ಕೊಳ್ಳಿ ಎಂದು ಐಶ್ವರ್ಯಾ ಅವರಿಗೆ ಧೈರ್ಯ ತುಂಬಿದ್ದಾರೆ.
ಹೀಗೆ ಮಾತನಾಡುವಾಗಲೇ ಸ್ಪರ್ಧಿಗಳ ಮುಂದೆಯೇ ಮತ್ತೊಂದು ತಟ್ಟೆ ಒಡೆದು ಹೋಗಿರುವುದನ್ನು ಪ್ರೋಮೊದಲ್ಲಿ
ತೋರಿಸಲಾಗಿದೆ.

**8 ಮಂದಿ ನಾಮಿನೇಟ್‌ :**
 ಇನ್ನು ಮುಖಕ್ಕೆ ಮಸಿ ಹಚ್ಚಿಸಿಕೊಳ್ಳುವ ಸ್ಪರ್ಧಿಗಳು ಈ ವಾರದ ನಾಮಿನೇಟ್‌
ಆಗಲಿದ್ದಾರೆ ಎಂದು ಹೇಳಿದ್ದರು ಬಿಗ್‌ ಬಾಸ್‌. ಅದರಂತೆ, ಎರಡನೇ ವಾರ ಮನೆಯಿಂದ ಹೊರ ಹೋಗಲು 8 ಮಂದಿ
ನಾಮಿನೇಟ್‌ ಆಗಿದ್ದಾರೆ. ಸ್ವರ್ಗ ನಿವಾಸಿಗಳಾದ ತ್ರಿವಿಕ್ರಮ್, ಐಶ್ವಯಾ, ಧನ್‌ರಾಜ್‌ ಮತ್ತು ರಂಜಿತ್‌
ನಾಮಿನೇಟ್‌ ಆದರೆ, ನರಕ ನಿವಾಸಿಗಳಲ್ಲಿ ಅನುಷಾ ರೈ, ಗೋಲ್ಡ್ ಸುರೇಶ್, ಜಗದೀಶ್, ಮಾನಸಾ ಸಂತೋಷ್‌ 
ನಾಮಿನೇಟ್‌ ಆಗಿ ಮುಖಕ್ಕೆ ಮಸಿ ಬಳಿಸಿಕೊಂಡರು. ಈ ಮೂಲಕ ಈ ವಾರ ಒಟ್ಟು 8 ಮಂದಿ ಮನೆಯಿಂದ ಹೊರಹೋಗಲು
ನಾಮಿನೇಟ್‌ ಆಗಿದ್ದಾರೆ.

https://twitter.com/ColorsKannada/status/1843991702773944622

 

Advertisement
