# Education News: ಈ ವರ್ಷ ಮಕ್ಕಳನ್ನು ಶಾಲೆಗೆ ಸೇರಿಸುವ ಪೋಷಕರಿಗೆ ಮಹತ್ವದ ಮಾಹಿತಿ!

- Link: https://hosakannada.com/education/karnataka-education-news-important-information-for-parents-enrolling-their-children-in-school-this-year/
- Published: 2025-05-06T09:02:28+00:00
- Author: ಹೊಸಕನ್ನಡ ನ್ಯೂಸ್

1st standard school admission age limit in karnataka: ಶಾಲಾ ಶಿಕ್ಷಣ ಇಲಾಖೆ 2025-26 
ನೇ ಶೈಕ್ಷಣಿಕ ಶಾಲೆಗೆ ಒಂದನೇ ತರಗತಿ ಪ್ರವೇಶಕ್ಕೆ ವಯೋಮಿತಿ ಸಡಿಲಿಕೆ ಮಾಡಿದೆ. ಉಳಿದಂತೆ ಪೂರ್ವ 
ಪ್ರಾಥಮಿಕ ಪ್ರವೇಶಕ್ಕೆ ಕಳೆದ ವರ್ಷದ ವಯೋಮತಿ ಅನುಸರಿಸುವುದನ್ನು ಕಟ್ಟುನಿಟ್ಟಾಗಿ ಪಾಲಿಸಲು ತಿಳಿಸಲಾಗಿದೆ.
ಈ ಕುರಿತು ಶಿಕ್ಷಣ ಅಧಿಕಾರಿಗಳು ಮತ್ತು ಶಾಲಾ ಮುಖ್ಯಸ್ಥರಿಗೆ ಪ್ರಾಥಮಿಕ ಶಿಕ್ಷಣ ನಿರ್ದೇಶಕರು ಸೂಚನೆ
ನೀಡಿದ್ದಾರೆ.

Sponsored

2023-24ರಿಂದಲೇ ಎಲ್‌ಕೆಜಿ ಸೇರ್ಪಡೆಗೆ 4 ವರ್ಷ ತುಂಬಿರಬೇಕು ಎನ್ನುವ ನಿಯಮವಿದೆ. ಯುಕೆಜಿಗೆ 5 ವರ್ಷ
ವಯೋಮಿತಿ ನಿಗದಿ ಮಾಡಲಾಗಿದೆ. ಪೂರ್ವ ಪ್ರಾಥಮಿಕ ಶಾಲೆಗೆ ಈ ನಿಯಮಗಳನ್ನು ಪಾಲಿಸದೆ ಬೇಕಾಬಿಟಿ ಪ್ರವೇಶ
ಮಾಡುತ್ತಿರುವುದರಿಂದ ಈ ವರ್ಷ ಗೊಂದಲ ಉಂಟಾಗಿ ಪೋಷಕರು ಶಿಕ್ಷಣ ಸಚಿವರ ಮೇಲೆ ಒತ್ತಡ ಹೇರಿ ಈ ವರ್ಷದಿಂದ
ಜಾರಿಯಾಗಬೇಕಿದ್ದ ಒಂದನೇ ತರಗತಿಗೆ ಜೂನ್‌ ಒಂದಕ್ಕೆ ಆರು ವರ್ಷ ತುಂಬಿರಬೇಕು ಎಂಬ ನಿಯಮವನ್ನು ಸಡಿಲಗೊಳಿಸಿದ್ದಾರೆ.

Advertisement

Advertisement

5.5 ವರ್ಷ ತುಂಬಿರುವ ಪೂರ್ವ ಪ್ರಾಥಮಿಕ ಶಿಕ್ಷಣ ಪೂರ್ಣಗೊಳಿಸದ ಮಕ್ಕಳು ಒಂದನೇ ತರಗತಿ ಪ್ರವೇಶಕ್ಕೆ
ಅವಕಾಶಕ್ಕೆ ಸರಕಾರ ಈ ವರ್ಷಕ್ಕೆ ಅನುವು ಮಾಡಿದೆ. ಆದರೆ ಕೆಲವೊಂದು ಪೂರ್ವ ಪ್ರಾಥಮಿಕ ಶಾಲೆಗಳು ಮತ್ತು
ಪೋಷಕರು ಜೂನ್‌ 1 ಕ್ಕೆ ನಾಲ್ಕು ವರ್ಷ ತುಂಬಿರದ ಮಕ್ಕಳನ್ನು ಎಲ್‌ಕೆಜಿಗೆ ದಾಖಲು ಮಾಡುತ್ತಿರುವ ಕುರಿತು
ದೂರು ಬಂದ ಹಿನ್ನೆಲೆಯಲ್ಲಿ, ಶಿಕ್ಷಣ ಇಲಾಖೆ ಶಾಲಾ ಮಕ್ಕಳ ದಾಖಲಾತಿಗೆ ವಯೋಮಿತಿ ನಿಯಮ ಕಟ್ಟುನಿಟ್ಟಾಗಿ
ಪಾಲಿಸುವಂತೆ ಸೂಚನೆ ನೀಡಿದೆ.

Advertisement