# ದೇಶದಲ್ಲಿ ಹೊಸದಾಗಿ 5,000 ಮೆಡಿಕಲ್ ಪಿಜಿ, 5,023 ಎಂಬಿಬಿಎಸ್ ಸೀಟುಗಳ ಸೇರ್ಪಡೆಗೆ ಕೇಂದ್ರ ಸರ್ಕಾರ ನಿರ್ಧಾರ

- Link: https://hosakannada.com/education/central-government-decides-to-add-5000-new-medical-pg-and-5023-mbbs-seats-in-the-country/
- Published: 2026-08-10T15:13:12+00:00
- Author: ಹೊಸಕನ್ನಡ ನ್ಯೂಸ್

ದೇಶದಲ್ಲಿ ವೈದ್ಯಕೀಯ ಶಿಕ್ಷಣದ ಅವಕಾಶಗಳನ್ನು ವಿಸ್ತರಿಸುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರ ಮಹತ್ವದ
ನಿರ್ಧಾರ ಕೈಗೊಂಡಿದೆ. 2028-29ರ ಶೈಕ್ಷಣಿಕ ವರ್ಷದ ವೇಳೆಗೆ 5,000 ಹೆಚ್ಚುವರಿ ಸ್ನಾತಕೋತ್ತರ ವೈದ್ಯಕೀಯ
ಸೀಟುಗಳನ್ನು ಹಾಗೂ 5,023 ಹೊಸ ಎಂಬಿಬಿಎಸ್ ಸೀಟುಗಳನ್ನು ಹಂತ ಹಂತವಾಗಿ ಸೇರ್ಪಡೆಗೊಳಿಸಲು ಕೇಂದ್ರ
ಸರ್ಕಾರ ಚಿಂತಿಸಿದೆ ಎನ್ನಲಾಗಿದೆ.

Sponsored

ಲೋಕಸಭೆಯಲ್ಲಿ ಈ ಬಗ್ಗೆ ಕೇಂದ್ರ ಆರೋಗ್ಯ ಸಚಿವ ಜೆ.ಪಿ. ನಡ್ಡಾ ಅವರು ಈ ಬಗ್ಗೆ ಮಾಹಿತಿ ನೀಡಿದ್ದಾರೆ.
ಸಧ್ಯ ದೇಶದಲ್ಲಿ 86,360 ಮೆಡಿಕಲ್ ಪಿಜಿ ಸೀಟುಗಳು ಲಭ್ಯವಿವೆ. ಹೊಸ ಸೀಟುಗಳ ಸೇರ್ಪಡೆಯೊಂದಿಗೆ ಈ 
ಸಂಖ್ಯೆ 90 ಸಾವಿರದ ಗಡಿ ದಾಟಲಿದೆ. ಸರ್ಕಾರಿ ವೈದ್ಯಕೀಯ ಕಾಲೇಜುಗಳು, ಪಿಜಿ ಸಂಸ್ಥೆಗಳು ಮತ್ತು ಆಸ್ಪತ್ರೆಗಳ
ಮೂಲಸೌಕರ್ಯ ಅಭಿವೃದ್ಧಿಪಡಿಸುವ ಕೇಂದ್ರ ಪ್ರಾಯೋಜಿತ ಯೋಜನೆಯ ಮೂರನೇ ಹಂತದಡಿ ಈ ಸೀಟುಗಳನ್ನು ಹೆಚ್ಚಿಸಲಾಗುತ್ತಿದೆ.

Advertisement

Advertisement

ದೇಶಾದ್ಯಂತ ವಿವಿಧ ರಾಜ್ಯಗಳಲ್ಲಿರುವ 86,360 ಮೆಡಿಕಲ್ ಪಿಜಿ ಸೀಟುಗಳ ಪೈಕಿ ಅತಿಹೆಚ್ಚು ಸೀಟುಗಳಿರುವುದು
ಕರ್ನಾಟಕದಲ್ಲೇ. ಈ ರಾಜ್ಯದಲ್ಲಿ 10,092 ಸೀಟುಗಳಿವೆ ಎನ್ನಲಾಗಿದೆ. ಇದರಲ್ಲಿ ಸರ್ಕಾರಿ ಸೀಟುಗಳು 
2,805 ಇದ್ದರೆ, ಖಾಸಗಿ ಸೀಟುಗಳು 7,287 ಇದೆ. ಅತಿಹೆಚ್ಚು ವೈದ್ಯಕೀಯ ಸ್ನಾತಕೋತ್ತರ ಸೀಟುಗಳನ್ನು
ಹೊಂದಿರುವ ಟಾಪ್-3 ರಾಜ್ಯಗಳು ಈ ಕೆಳಕಂಡಂತಿವೆ:

ಕರ್ನಾಟಕ: 10,092 ಸೀಟುಗಳು

ಮಹಾರಾಷ್ಟ್ರ: 9,216 ಸೀಟುಗಳು

ತಮಿಳುನಾಡು: 8,023 ಸೀಟುಗಳು

ಈ ಯೋಜನೆಯು ನೀಟ್-ಪಿಜಿ (NEET-PG) ಆಕಾಂಕ್ಷಿಗಳಿಗೆ ಹೆಚ್ಚಿನ ಅವಕಾಶಗಳನ್ನು ಕಲ್ಪಿಸಲಿದ್ದು, ಗ್ರಾಮೀಣ
ಹಾಗೂ ಸಣ್ಣ ನಗರಗಳಲ್ಲಿ ತಜ್ಞ ವೈದ್ಯರ ಲಭ್ಯತೆಯನ್ನು ಹೆಚ್ಚಿಸಲಿದೆ.

Advertisement