# ಆಂಬುಲೆನ್ಸ್‌ ಸಿಗದೆ ಆಟೋರಿಕ್ಷಾದಲ್ಲೇ ನಾಲ್ಕು ಮಕ್ಕಳ ಹೆತ್ತ ಮಹಿಳೆ!

- Link: https://hosakannada.com/death/woman-gives-birth-to-four-babies-in-an-auto-rickshaw-after-failing-to-get-an-ambulance/
- Published: 2026-07-08T12:32:37+00:00
- Author: ಹೊಸಕನ್ನಡ ನ್ಯೂಸ್

ಗರ್ಭಿಣಿಯೊಬ್ಬರಿಗೆ ಆಂಬುಲೆನ್ಸ್‌ ಸಕಾಲಕ್ಕೆ ಸಿಗದೆ ಆಟೋರಿಕ್ಷಾದಲ್ಲಿಯೇ ನಾಲ್ಕು ಮಕ್ಕಳಿಗೆ ಜನ್ಮ
ನೀಡಿರುವ ಘಟನೆ ನಡೆದಿದ್ದು, ಆದರೆ ದುರದೃಷ್ಟವಶಾತ್‌ ಜನಿಸಿದ ಕೆಲವೇ ಕ್ಷಣಗಳಲ್ಲಿ ನಾಲ್ಕೂ ನವಜಾತ
ಶಿಶುಗಳು ಕೊನೆಯುಸಿರೆಳೆದಿರುವ ಅತ್ಯಂತ ಕರುಣಾಜನಕ ಘಟನೆ ಮಧ್ಯಪ್ರದೇಶದ ಮಂಡ್ಲಾ ಜಿಲ್ಲೆಯಲ್ಲಿ ಮಂಗಳವಾರ
ನಡೆದಿದೆ.

Sponsored

ಆಂಬುಲೆನ್ಸ್‌ ಸರಿಯಾದ ಸಮಯಕ್ಕೆ ಬರದೇ ಇದ್ದುದ್ದೇ ಮಕ್ಕಳ ಸಾವಿಗೆ ಕಾರಣ ಎಂದು ಕುಟುಂಬದವರು ಆರೋಪ
ಮಾಡಿದ್ದಾರೆ. ತಾಯಿ ಏಳನೇ ತಿಂಗಳಿಗೆ ಅಕಾಲಿಕ ಹೆರಿಗೆಯಾಗಿದ್ದರಿಂದ ಮತ್ತು ಮಕ್ಕಳ ದೇಹ ಪೂರ್ಣವಾಗಿ
ಬೆಳವಣಿಗೆ ಆಗದ ಕಾರಣ ಶಿಶುಗಳು ಮೃತಪಟ್ಟಿದೆ ಎಂದು ಆರೋಗ್ಯ ಇಲಾಖೆ ಅಧಿಕಾರಿಗಳು ಹೇಳಿದ್ದಾರೆ.

Advertisement

Advertisement

ಮೂರು ಹೆಣ್ಣು ಒಂದು ಗಂಡು ಮಗುವಿಗೆ ಗರ್ಭಿಣಿ ಮಹಿಳೆ ಆಟೋರಿಕ್ಷಾದಲ್ಲಿಯೇ ಜನ್ಮ ನೀಡಿದ್ದಾಳೆ. ಅವಧಿಗೂ
ಮುನ್ನವೇ ಮಕ್ಕಳು ಜನಿಸಿದ್ದರಿಂದ ಹಾಗೂ ತೂಕ ಕೇವಲ 1.5 ಕೆಜಿ ಇದ್ದ ಕಾರಣ ಸಂಪೂರ್ಣವಾಗಿ ಅಂಗಾಗ ಬೆಳವಣಿಗೆಯಾಗದೆ
ಮೃತಪಟ್ಟಿದೆ. ಸದ್ಯ ತಾಯಿಯ ಆರೋಗ್ಯ ಸ್ಥಿರವಾಗಿದ್ದು, ಬಿಚ್ಚಿಯಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.

ಆಂಬುಲೆನ್ಸ್‌ ವ್ಯವಸ್ಥೆ ಸರಿಯಾದ ಸಮಯಕ್ಕೆ ದೊರಕುತ್ತಿದ್ದರೆ ನಾಲ್ಕೂ ಮಕ್ಕಳನ್ನೂ ಬದುಕಿಸಿಕೊಳ್ಳಬಹುದಿತ್ತು
ಎಂದು ಮಹಿಳೆಯ ಪತಿ ಕಣ್ಣೀರು ಹಾಕಿದ್ದಾರೆ. ಕುಟುಂಬಸ್ಥರಿಂದ ಅಧಿಕೃತ ದೂರು ಬಂದರೆ ಇಡೀ ಪ್ರಕರಣದ 
ಕುರಿತು ಸೂಕ್ತ ತನಿಖೆ ನಡೆಸಿ ತಪ್ಪಿತಸ್ಥರ ವಿರುದ್ಧ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಲಾಗುವುದು ಎಂದು
ಭರವಸೆ ನೀಡಿದ್ದಾರೆ.

Advertisement