# ಉಡುಪಿ : ಗರ್ಭಿಣಿ ಹೆಂಡತಿಗೆ ಇಂಜೆಕ್ಷನ್ ಕೊಟ್ಟು ಕೊಲ್ಲಲು ಯತ್ನಿಸಿದ್ದ ಪತಿ- ಪ್ರೇಯಸಿ ಜೊತೆ ನೇಣಿಗೆ ಶರಣು

- Link: https://hosakannada.com/death/udupi-the-husband-who-tried-to-kill-his-pregnant-wife-by-giving-an-injection-surrendered-himself-to-hanging-with-his-lover/
- Published: 2026-10-01T07:50:17+00:00
- Author: ಹೊಸಕನ್ನಡ ನ್ಯೂಸ್

ಪತ್ನಿಗೆ ಇಂಜೆಕ್ಷನ್‌ ಮೂಲಕ ವಿಷ ನೀಡಿ ಕೊಲ್ಲಲು ಯತ್ನಿಸಿದ ಪ್ರಕರಣದ ಆರೋಪಿಗಳಾದ ಪತಿ ಹಾಗೂ ಆತನೊಂದಿಗೆ
ಸಂಬಂಧ ಹೊಂದಿದ್ದ ಮಹಿಳೆ ಸೌಪರ್ಣಿಕಾ ನದಿ ಸಮೀಪ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುವ 
ಘಟನೆ ಗೋಳಿಹೊಳೆ ಗ್ರಾಮದ ಚಾರ್ಸಾಲಿನಲ್ಲಿ ಮಂಗಳವಾರ ಬೆಳಕಿಗೆ ಬಂದಿದೆ.

Sponsored

ಮೃತರನ್ನು ಚಾರ್ತಾಲಿ ಗ್ರಾಮದ ಆಟೋ ಚಾಲಕ ವಿಠಲ ನಾಯ್ಕ್ 35 ವರ್ಷ ಮತ್ತು ಟೈಲರ್ ವೃತ್ತಿಯ ಭವ್ಯ 33
ವರ್ಷ ಎಂದು ಗುರುತಿಸಲಾಗಿದೆ.

Advertisement

Advertisement

ಪೊಲೀಸರ ಮಾಹಿತಿ ಪ್ರಕಾರ ವಿಠಲ ಸುಮಾರು 20 ದಿನಗಳ ಹಿಂದೆ ತನ್ನ ಪ್ರೇಯಸಿಯನ್ನು ನರ್ಸ್ ಎಂದು ಹೇಳಿಕೊಂಡು
ಗರ್ಭಿಣಿ ಪತ್ನಿಯ ಬಳಿ ಕರೆತಂದಿದ್ದ. ಆ ಬಳಿಕ ಪತ್ನಿಗೆ ವಿಷಕಾರಿ ಇಂಜೆಕ್ಷನ್ ಕೊಡಿಸಿ ಇಬ್ಬರೂ ಊರು
ಬಿಟ್ಟು ಹೋಗಿದ್ದರು. ಅಸ್ವಸ್ಥಗೊಂಡ ಮಹಿಳೆಯನ್ನು ಸ್ಥಳೀಯರು ಮಣಿಪಾಲ ಆಸ್ಪತ್ರೆಗೆ ದಾಖಲಿಸಿದ್ದರಿಂದ
ಆಕೆ ಪ್ರಾಣಾಪಾಯದಿಂದ ಪಾರಾಗಿದ್ದಾಳೆ. ಈ ಕುರಿತು ಸೆಪ್ಟೆಂಬರ್ 11 ರಂದು ಬೈಂದೂರು ಠಾಣೆಯಲ್ಲಿ ಪ್ರಕರಣ
ದಾಖಲಾಗಿತ್ತು. ಆದ್ರೆ ಪತ್ನಿ ಚೇತರಿಸಿಕೊಳ್ಳುತ್ತಿರುವ ವಿಷಯ ತಿಳಿದು ಆತಂಕಗೊಂಡ ಈ ಜೋಡಿ ನೇಣು ಬಿಗಿದುಕೊಂಡು
ಆತ್ಮಹತ್ಯೆ ಮಾಡಿಕೊಂಡಿರಬಹುದು ಎಂದು ಶಂಕಿಸಲಾಗಿದೆ.

ಮಂಗಳವಾರ ಸೌಪರ್ಣಿಕಾ ನದಿ ಸಮೀಪದ ಗೋಳಿಹೊಳೆ ಚಾರ್ಸಾಲಿನ ಸುಸಜ್ಜಿತವಲ್ಲದ ಪ್ರದೇಶದಲ್ಲಿ ಇಬ್ಬರ ಮೃತದೇಹಗಳು
ಕೊಳೆತ ಸ್ಥಿತಿಯಲ್ಲಿ ನೇಣು ಬಿಗಿದುಕೊಂಡಿರುವುದು ಪತ್ತೆಯಾಗಿದೆ. ಮೃತದೇಹಗಳ ಸ್ಥಿತಿಯನ್ನು ಗಮನಿಸಿದರೆ
ಇಬ್ಬರೂ ಕೆಲವು ದಿನಗಳ ಹಿಂದೆಯೇ ಆತ್ಮಹತ್ಯೆ ಮಾಡಿಕೊಂಡಿರುವ ಶಂಕೆ ವ್ಯಕ್ತವಾಗಿದೆ. ಸ್ಥಳಕ್ಕೆ ಬೈಂದೂರು
ಪೊಲೀಸರು, ಅಪರಾಧ ಸ್ಥಳ ತನಿಖಾ (SOCO) ತಂಡ ಹಾಗೂ ತಜ್ಞರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.
ಈ ಕುರಿತು ಬೈಂದೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರಿದಿದೆ.

Advertisement