# ಪುತ್ತೂರು: ಬಾಡಿಗೆ ಮನೆಯಲ್ಲಿದ್ದ ಯುವಕ ಮಲಗಿದ್ದ ಸ್ಥಿತಿಯಲ್ಲೇ ಸಾವು

- Link: https://hosakannada.com/death/puttur-young-man-dies-while-sleeping-in-rented-house/
- Published: 2026-10-08T08:49:07+00:00
- Author: ಹೊಸಕನ್ನಡ ನ್ಯೂಸ್

ಪುತ್ತೂರು: ಬಾಡಿಗೆ ಮನೆಯಲ್ಲಿ ವಾಸ್ತವ್ಯವಿದ್ದ ಪಡುಬಿದ್ರೆ ನಿವಾಸಿ ಯುವಕನೊಬ್ಬ ಮಲಗಿದ್ದ ಸ್ಥಿತಿಯಲ್ಲಿಯೇ
ಅನುಮಾನಾಸ್ಪದವಾಗಿ ಮೃತಪಟ್ಟಿರುವುದು ಅ.7 ರಂದು ಬೆಳಕಿಗೆ ಬಂದಿದೆ.

Sponsored

ಪಡುಬಿದ್ರಿ ಕಂಚಿನಡ್ಕ ಸುಂದರ ಪೂಜಾರಿ ಅವರ ಪುತ್ರ ವಿನೇಶ್‌ ಪೂಜಾರಿ (33 ವ) ಮೃತಪಟ್ಟವರು. ಅಡಿಟಿಂಗ್‌
ಕೆಲಸ ನಿರ್ವಹಿಸುತ್ತಿದ್ದ ಇವರು ಎಪಿಎಂಸಿ ರಸ್ತೆಯಲ್ಲಿ ಬಾಡಿಗೆ ಮನೆಯಲ್ಲಿ ವಾಸ್ತವ್ಯ ಇದ್ದರು. ಮೊಬೈಲ್‌ಗೆ
ಎಷ್ಟೇ ಕರೆ ಮಾಡಿದರೂ ಸ್ವೀಕರಿಸದ ಕಾರಣ ಅವರ ಜೊತೆ ಕೆಲಸ ಮಾಡುತ್ತಿದ್ದ ಸಂಗಡಿಗರು ಅನುಮಾನಗೊಂಡು 
ಬಾಡಿಗೆ ಮನೆಯ ಬಾಗಿಲ ಬಳಿ ಬಂದಿದ್ದು, ನಂತರ ಮನೆಯ ಮಾಲಕರ ಗಮನಕ್ಕೆ ತಂದು ಮನೆಯ ಸ್ಲ್ಯಾಬ್‌ನ ಇನ್ಸುಲೇಟರ್‌
ಮೂಲಕ ಮೊಬೈಲ್‌ನಲ್ಲಿ ಮನೆಯೊಳಗಿನ ವಿಡಿಯೋ ಮಾಡಿದಾಗ ವಿನೇಶ್‌ ಮೃತಪಟ್ಟ ಸ್ಥಿತಿಯಲ್ಲಿರುವುದು ಕಂಡು
ಬಂದಿದೆ.

Advertisement

Advertisement

ನಂತರ ಪೊಲೀಸರಿಗೆ ಮಾಹಿತಿ ನೀಡಲಾಗಿದ್ದು, ಅವರು ಸ್ಥಳಕ್ಕೆ ಬಂದು ಬಾಗಿಲು ಒಡೆದು ನೋಡಿದಾಗ ವಿನೇಶ್‌
ಮೃತಪಟ್ಟಿರುವುದು ಕಂಡು ಬಂದಿದೆ. ಮೃತರ ಸಹೋದರ ಅವಿನಾಶ್‌ ನೀಡಿದ ದೂರಿನಂತೆ ಪುತ್ತೂರು ನಗರ ಠಾಣೆಯಲ್ಲಿ
ಪ್ರಕರಣ ದಾಖಲಾಗಿದೆ.

Advertisement
