# ಎರಡು ಬಾರಿ ಕುಸಿದು ಬಿದ್ದ ಪಿಯು ವಿದ್ಯಾರ್ಥಿ ಹೃದಯಾಘಾತದಿಂದ ಸಾವು!

- Link: https://hosakannada.com/death/pu-student-dies-of-heart-attack-after-collapsing-twice/
- Published: 2026-06-19T07:36:14+00:00
- Author: ಹೊಸಕನ್ನಡ ನ್ಯೂಸ್

ಮೈಸೂರು: ನಗರದ ಮರಿಮಲ್ಲಪ್ಪ ಕಾಲೇಜಿನ ದ್ವಿತೀಯ ಪಿಯು ವಿದ್ಯಾರ್ಥಿಗೆ ಕಾಲೇಜಿನ ಆವರಣದಲ್ಲಿಯೇ ಹೃದಯಾಘಾತ
ಉಂಟಾಗಿದ್ದು, ಎರಡು ಬಾರಿ ಕುಸಿದು ಬಿದ್ದು, ಆಸ್ಪತ್ರೆಗೆ ದಾಖಲು ಮಾಡಿದರೂ ಚಿಕಿತ್ಸೆ ಫಲಿಸದೆ ಗುರುವಾರ
ಮಧ್ಯಾಹ್ನ ಸಾವಿಗೀಡಾಗಿದ್ದಾರೆ.

Sponsored

ಮದ್ದೂರು ತಾಲೂಕು ಯರಗನಹಳ್ಳಿಯ ವೈ ಕೆ ಮಾದೇಶ್‌ ಮೃತಪಟ್ಟ ವಿದ್ಯಾರ್ಥಿ.

Advertisement

Advertisement

ಮೈಸೂರಿನಲ್ಲಿ ಬಿಎಸ್ಸಿ ವ್ಯಾಸಂಗ ಮಾಡುತ್ತಿದ್ದ ಅಕ್ಕನ ಜೊತೆ ಮನೆ ಮಾಡಿಕೊಂಡು ಓದುತ್ತಿದ್ದು, ಮಧ್ಯಾಹ್ನ
2 ಗಂಟೆ ಸುಮಾರಿಗೆ ತರಗತಿಯಿಂದ ಹೊರಬಂದ ಮಾದೇಶ್‌ 2.05 ಕ್ಕೆ ಕಾಲೇಜು ಆವರಣದಲ್ಲಿಯೇ ಕುಸಿದು ಬಿದ್ದಿದ್ದರು.
ಹಿಂದಿನಿಂದ ಬಂದ ವಿದ್ಯಾರ್ಥಿಗಳು ಆತನನ್ನು ಮೇಲೆತ್ತಿದ್ದು, ಮಾದೇಶ್‌ ಒಂದೆರಡು ಹೆಜ್ಜೆ ಹಾಕಿದ್ದು,
ಮತ್ತೆ ಕುಸಿದು ಬಿದ್ದಿದ್ದರು.

ಕೂಡಲೇ ಸಮೀಪದ ಆಸ್ಪತ್ರೆಗೆ ಕರೆದೊಯ್ಯಲಾಗಿದ್ದು, ಪೋಷಕರಿಗೆ ಕೂಡಾ ಕರೆ ಮಾಡಲಾಗಿತ್ತು. ವೈದ್ಯರ ಪ್ರಯತ್ನದ
ನಂತರವೂ ಮಾದೇಶ್‌ ಬದುಕುಳಿಯಲಿಲ್ಲ. ಮಾದೇಶ್‌ ಹೃದಯದಲ್ಲಿ ರಂದ್ರ ಪತ್ತೆಯಾಗಿತ್ತು. ಅದಕ್ಕೆ ಪೋಷಕರು
ಚಿಕಿತ್ಸೆ ಕೊಡಿಸಿದ್ದರು ಎಂದು ತಿಳಿದು ಬಂದಿದೆ.

Advertisement