# ಆಟವಾಡುವಾಗ ಗೇಟ್‌ ಸಮೇತ ಕುಸಿದು ಬಿದ್ದ ಕಾಂಪೌಂಡ್‌: 5 ವರ್ಷದ ಬಾಲಕ ಸಾವು, ಇನ್ನೊಂದು ಮಗುವಿಗೆ ಗಂಭೀರ ಗಾಯ

- Link: https://hosakannada.com/death/compound-collapses-with-gate-while-playing-5-year-old-boy-dies-another-child-seriously-injured/
- Published: 2026-06-18T08:59:33+00:00
- Author: ಹೊಸಕನ್ನಡ ನ್ಯೂಸ್

ಬೆಂಗಳೂರು: ನೆರೆಮನೆಯ ಮಕ್ಕಳ ಜೊತೆ ಆಟವಾಡುತ್ತಿದ್ದಾಗ ಮನೆಯೊಂದರೆ ಕಾಂಪೌಂಡ್‌ ಗೋಡೆ ಮತ್ತು ಗೇಟ್‌
ಬಿದ್ದ ಪರಿಣಾಮ 5 ವರ್ಷದ ಮಗು ಮೃತಪಟ್ಟಿದ್ದು, ಇನ್ನೊಂದು ಮಗು ಗಂಭೀರವಾಗಿ ಗಾಯಗೊಂಡಿರುವ ಘಟನೆ ಬಾಗಲೂರು
ಪೊಲೀಸ್‌ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.

Sponsored

ದಾವಲ್‌ ಸಾಬ್‌ ಅವರ ಪುತ್ರ ಅಫೀನ್‌ (5) ಮೃತಪಟ್ಟ ಬಾಲಕ. ದಾವಲ್‌ ಸಾಬ್‌ ಅವರು ತಮ್ಮ ಪತ್ನಿ ಹಾಗೂ
ಮಗು ಅಫೀನ್‌ ಜೊತೆ ಕೇವಲ ಐದು ದಿನಗಳ ಹಿಂದಷ್ಟೇ ಬಾಗಲೂರು ವ್ಯಾಪ್ತಿಯ ಬಂಡಿಕೊಡಿಗೇಹಳ್ಳಿಯಲ್ಲಿರುವ
ತಮ್ಮ ತಂಗಿಯ ಮನೆಗೆ ಬಂದಿದ್ದರು.

Advertisement

Advertisement

ಬುಧವಾರ (ಜೂ17) ಸಂಜೆ ಸುಮಾರು 6.30 ರ ವೇಳೆಗೆ, ಅಫೀನ್‌ ಪಕ್ಕದ ಮನೆಯ ಮಕ್ಕಳಾದ ಸಮನ್ವಿ ಹಾಗೂ ಇನ್ನೊಂದು
ಮಗುವಿನ ಜೊತೆ ಬಿ.ಸಿ.ನರಸಪ್ಪ ಅವರ ಮನೆಯ ಕಾಂಪೌಂಡ್‌ ಗೇಟ್‌ ಬಳಿ ಆಟವಾಡುತ್ತಿದ್ದು, ಮಕ್ಕಳು ಆಟ 
ಆಡುವಾಗ ಗೇಟ್‌ ಹಿಡಿದು ಜೀಕಾಡುತ್ತಿದ್ದಾಗ, ಗೇಟ್‌ನ ಭಾರ ತಾಳಲಾರದೆ ಕಾಂಪೌಂಡ್‌ ಗೋಡೆಯ ಗೇಟ್‌ ಸಮೇತ
ಒಮ್ಮೆಲೇ ಮಕ್ಕಳ ಮೇಲೆ ಕುಸಿದು ಬಿದ್ದಿದೆ.

ಕೂಡಲೇ ಸ್ಥಳೀಯರು ಓಡಿ ಬಂದು ಅವಶೇಷಗಳ ಅಡಿಯಲ್ಲಿ ಸಿಲುಕಿದ್ದ ಮಕ್ಕಳಿಬ್ಬರನ್ನು ಹೊರತೆಗೆದು ಖಾಸಗಿ
ಆಸ್ಪತ್ರೆಗೆ ಸಾಗಿಸಲು ಮುಂದಾಗಿದ್ದರು. ಆದರೆ ತಲೆ, ಹಾಗೂ ಎದೆಯ ಭಾಗಕ್ಕೆ ತೀವ್ರವಾಗಿ ಪೆಟ್ಟಾಗಿದ್ದ
ಅಫೀನ್‌ ಆಸ್ಪತ್ರೆಗೆ ತಲುಪುವಷ್ಟರಲ್ಲಿ ಮಾರ್ಗಮಧ್ಯದಲ್ಲಿಯೇ ಕೊನೆಯುಸಿರೆಳೆದಿದ್ದಾನೆ. ಇನ್ನೋರ್ವ
ಮಗು ಸಮನ್ವಿ ಖಾಸಗಿ ಆಸ್ಪತ್ರೆಯಲ್ಲಿ ತುರ್ತು ಚಿಕಿತ್ಸೆ ನೀಡಲಾಗುತ್ತಿದೆ.

ಬಾಗಲೂರು ಠಾಣೆಯ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ಮಾಡಿದ್ದು, ಕಾಂಪೌಂಡ್‌ ಗೋಡೆಯ ಅವೈಜ್ಞಾನಿಕ
ನಿರ್ಮಾಣದ ಕುರಿತು ಪ್ರಕರಣ ದಾಖಲು ಮಾಡಿಕೊಂಡು ಮುಂದಿನ ತನಿಖೆ ಕೈಗೊಂಡಿದ್ದಾರೆ.

Advertisement
