# ಬೆಂಗಳೂರಲ್ಲಿ ಯುವತಿಯ ಬೆತ್ತಲೆ ಶವ ಪತ್ತೆ ಪ್ರಣರಣಕ್ಕೆ ಬಿಗ್ ಟ್ವಿಸ್ಟ್ – ಪೊಲೀಸರಿಗೆ ದಕ್ಕಿತು ಅಘಾತಕಾರಿ ಸಂಗತಿಗಳು

- Link: https://hosakannada.com/death/big-twist-to-the-story-of-a-young-womans-naked-body-found-in-bengaluru-police-find-shocking-facts/
- Published: 2026-04-29T13:55:38+00:00
- Author: ಹೊಸಕನ್ನಡ ನ್ಯೂಸ್

ಖಾಸಗಿ ಕಂಪನಿಯ ಉದ್ಯೋಗಿಯಾಗಿದ್ದ ಪೂಜಾ ದತ್ತಾ ಎಂಬ ಯುವತಿಯೊಬ್ಬಳು ಬಾಡಿಗೆ ಮನೆಯಲ್ಲಿಯೇ ಕೊಳೆತ 
ಸ್ಥಿತಿಯಲ್ಲಿ ನಗ್ನ ಶವವಾಗಿ ಪತ್ತೆಯಾಗಿರುವ ಘಟನೆ ಬೆಂಗಳೂರಲ್ಲಿ ನಡೆದಿತ್ತು. ಇದೀಗ ಈ ಪ್ರಕರಣಕ್ಕೆ
ಬಿಗ್ ಟ್ವಿಸ್ಟ್  ಸಿಕ್ಕಿದ್ದು ಪೊಲೀಸರಿಗೆ ಅನೇಕ ಅಘಾತಕಾರಿ ವಿಚಾರಗಳು ದಕ್ಕಿವೆ ಎನ್ನಲಾಗಿದೆ.

Sponsored

ಪೂಜಾ ದತ್ತಾ ಇತ್ತೀಚಿಗೆ ಕೆಲಸ ಕಳೆದುಕೊಂಡಿದ್ದಳು. ಬಾಡಿಗೆ ಮನೆಯಲ್ಲಿ ವಾಸವಾಗಿದ್ದಳು. ಮನೆ ಪರಿಶೀಲನೆ
ವೇಳೆ ಖಾಸಗಿ ಕಂಪನಿಯ ಐ.ಡಿ ಕಾರ್ಡ್ ಪತ್ತೆಯಾಗಿತ್ತು. ರೂಂನಲ್ಲಿ ಬೆತ್ತಲೆಯಾಗಿ ಪೂಜಾ ಮೃತದೇಹ ಬಿದ್ದಿದೆ.
ರೂಂ ತುಂಬಾ ಕೆಲ ಪೇಪರ್‌ಗಳು ಹರಿದಾಕಿರೋದು ಪತ್ತೆಯಾಗಿದೆ. ಕೊಳೆತ ಸ್ಥಿತಿಯಲ್ಲಿ ಮೃತದೇಹ ಕಂಡುಬಂದಿದೆ.
ದುರ್ವಾಸನೆಯಿಂದ ಸ್ಥಳೀಯರು ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಇದೀಗ ಪೂಜಾ ದತ್ತಾ ಅವರ ನಿಗೂಢ ಸಾವು(
Crime) ದಿನಕ್ಕೊಂದು ತಿರುವು ಪಡೆಯುತ್ತಿದ್ದು, ತನಿಖೆ ನಡೆಸುತ್ತಿರುವ ಪೊಲೀಸರಿಗೆ ಹಲವು ಆಘಾತಕಾರಿ
ಸಂಗತಿಗಳು ಲಭ್ಯವಾಗಿವೆ.

Advertisement

Advertisement

ಸುಮಾರು ಒಂದು ವರ್ಷದ ಹಿಂದೆಯೇ ತಮ್ಮ ಕೆಲಸಕ್ಕೆ ರಾಜೀನಾಮೆ ನೀಡಿದ್ದರು. ಅಂದಿನಿಂದ ಅವರು ತಮ್ಮ ಕುಟುಂಬ
ಮತ್ತು ಸ್ನೇಹಿತರಿಂದ ದೂರವಾಗಿ, ಹಳೆಯ ಮೊಬೈಲ್ ಸಂಖ್ಯೆಯನ್ನು ಆಫ್ ಮಾಡಿ ಹೊಸ ಸಿಮ್ ಬಳಸುತ್ತಿದ್ದರು.

ವಿಶೇಷವೆಂದರೆ, ಕಳೆದ ಮೂರು ತಿಂಗಳಿನಿಂದ ಈ ಹೊಸ ಸಂಖ್ಯೆಯೂ ಸ್ಥಗಿತಗೊಂಡಿದ್ದು, ಅವರು ಯಾರೊಂದಿಗೂ
ಸಂಪರ್ಕದಲ್ಲಿರಲಿಲ್ಲ. ಅಕ್ಕಪಕ್ಕದ ನಿವಾಸಿಗಳು ಕೂಡ ತಿಂಗಳುಗಳಿಂದ ಅವರನ್ನು ನೋಡಿರಲಿಲ್ಲ ಎಂದು ಪೊಲೀಸರಿಗೆ
ತಿಳಿಸಿದ್ದಾರೆ.

ಪೊಲೀಸರು ಪೂಜಾ ಅವರ ಮನೆ ತಪಾಸಣೆ ನಡೆಸಿದಾಗ ಗೋಡೆಗಳ ಮೇಲೆ ಕೆಲವು ರಹಸ್ಯ ಬರಹಗಳು ಪತ್ತೆಯಾಗಿವೆ.
ಇದು ಅವರು ತೀವ್ರ ಮಾನಸಿಕ ಖಿನ್ನತೆಯಿಂದ ಬಳಲುತ್ತಿರಬಹುದು ಎಂಬ ಅನುಮಾನವನ್ನು ಬಲಪಡಿಸಿದೆ. ಇನ್ನು
ಮನೆ ಮಾಲೀಕರ ಹೇಳಿಕೆಯ ಪ್ರಕಾರ, ಪೂಜಾ ಅವರು ಆಗಾಗ್ಗೆ ಒಬ್ಬ ಸ್ನೇಹಿತನ ಜೊತೆ ಗಲಾಟೆ ಮಾಡುತ್ತಿದ್ದರು
ಎನ್ನಲಾಗಿದೆ. 

Advertisement
