# Telangana : ಮದುವೆ ಬೇಡವೆಂದ 24 ವರ್ಷದ ಯುವತಿಗೆ ‘HIV’ ರಕ್ತ ಚುಚ್ಚಿದ ನೀಚ – ನೊಂದು ಯುವತಿ ಆತ್ಮಹತ್ಯೆ

- Link: https://hosakannada.com/death/a-young-woman-who-was-injected-with-hiv-blood-because-she-did-not-want-to-get-married-committed-suicide-after-being-hurt-by-a-man/
- Published: 2026-04-11T09:32:37+00:00
- Author: ಹೊಸಕನ್ನಡ ನ್ಯೂಸ್

Telangana : ಯುವತಿಯೊಬ್ಬಳು ಪ್ರೇಮ ನಿವೇದನೆಯನ್ನು ನಿರಾಕರಿಸಿದಳು ಹಾಗೂ ಮದುವೆಗೆ ಒಪ್ಪಿಗೆ ನೀಡಲಿಲ್ಲ
ಎಂಬ ಕಾರಣಕ್ಕಾಗಿ ಇನ್ನೊಬ್ಬ ನೀಚ ಯುವತಿಗೆ ಎಚ್ಐವಿ ಚುಚ್ಚುಮದ್ದು ಚುಚ್ಚಿರುವ ಘಟನೆ ನಡೆದಿದೆ. ಅಲ್ಲದೆ
ಈ ಒಂದು ಅವಮಾನವನ್ನು ತಾಳದೆ ಆ ಯುವತಿಯು ಆತ್ಮಹತ್ಯೆಗೆ ಶರಣಾಗಿದ್ದಾಳೆ.

Sponsored

ತೆಲಂಗಾಣದಲ್ಲಿ ಈ ಅಘಾತಕಾರಿ ನಡೆದಿದೆ.  24 ವರ್ಷದ ರಮಣಿ ಎಂಬ ಯುವತಿಯೇ ಆತ್ಮಹತ್ಯೆಗೆ ಒಳಗಾದ ಯುವತಿ.
ಮನೋಹರ್ ಎಂಬ ನೀಚನೇ ಈ ಕೃತ್ಯ ಎಸಗಿದ ವ್ಯಕ್ತಿ.

Advertisement

Advertisement

**ಘಟನೆಯ ಹಿನ್ನೆಲೆ:**

ಮೇಡ್ಚಲ್ ಜಿಲ್ಲೆಯ ಅನ್ನೋಜಿಗುಡದ ರಮಣಿಗೆ ಮನೋಹರ್ ಎಂಬ ಯುವಕನ ಪರಿಚಯವಿತ್ತು. ಮನೋಹರ್ ಮದುವೆಯ ಪ್ರಸ್ತಾಪ
ಮುಂದಿಟ್ಟಾಗ ರಮಣಿ ಅದನ್ನು ನಿರಾಕರಿಸಿದ್ದಳು. ಇದರಿಂದ ಕೆರಳಿದ ಮನೋಹರ್ ಕಳೆದ ತಿಂಗಳು 11 ರಂದು 
ಗಲಾಟೆ ನಡೆಸಿ, ಆಕೆಯ ಮೇಲೆ ಹಲ್ಲೆ ಮಾಡಿದ್ದಲ್ಲದೆ, ಬಲವಂತವಾಗಿ ಹೆಚ್‌ಐವಿ ಸೋಂಕಿತ ರಕ್ತವಿದ್ದ ಇಂಜೆಕ್ಷನ್
ಅನ್ನು ಆಕೆಯ ದೇಹಕ್ಕೆ ಚುಚ್ಚಿದ್ದ ಎನ್ನಲಾಗಿದೆ.

ಈ ಘಟನೆಯ ನಂತರ ರಮಣಿ ತೀವ್ರ ಭೀತಿ ಮತ್ತು ಅವಮಾನಕ್ಕೊಳಗಾಗಿದ್ದರು. ಸಮಾಜದಲ್ಲಿ ಹೇಗೆ ಬದುಕಬೇಕು 
ಹಾಗೂ ತನ್ನ ಆರೋಗ್ಯದ ಸ್ಥಿತಿ ಏನಾಗಬಹುದು ಎಂಬ ಆತಂಕ ಆಕೆಯನ್ನು ಕಾಡುತ್ತಿತ್ತು. ಇದರಿಂದ ಖಿನ್ನತೆಗೆ
ಜಾರಿದ್ದ ಆಕೆ ಮನೆಯಲ್ಲಿ ಯಾರೂ ಇಲ್ಲದ ವೇಳೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

Advertisement