# ಪುಣ್ಯಕ್ಷೇತ್ರಕ್ಕೆಂದು ಬಂದ ದಂಪತಿ ನದಿಗೆ ಹಾರಿ ಆತ್ಮಹತ್ಯೆ

- Link: https://hosakannada.com/death/a-couple-who-came-to-the-holy-place-jumped-into-the-river-and-committed-suicide/
- Published: 2026-11-16T05:05:18+00:00
- Author: ಹೊಸಕನ್ನಡ ನ್ಯೂಸ್

ಕೋಟ: ಪತಿ ಹಾಗೂ ಪತ್ನಿ ಚೂಡಿದಾರದ ಶಾಲಿನಿಂದ ಪರಸ್ಪರ ಕೈಗಳನ್ನು ಬಿಗಿದು ಜೊತೆಯಾಗಿ ಸೀತಾ ನದಿಗೆ
ಹಾರಿ ಆತ್ಮಹತ್ಯೆಗೆ ಶರಣಾದ ಘಟನೆ ಶನಿವಾರ ರಾತ್ರಿ ಮಾಬುಕಳದಲ್ಲಿ ನಡೆದಿದೆ. ತುಮಕೂರು ಜಿಲ್ಲೆ ನಿವಾಸಿಗಳಾದ
ಶ್ರೀನಿವಾಸ್‌ ಮೂರ್ತಿ ಎಚ್‌ (52) ಹಾಗೂ ಗಂಗಾ (48) ಆತ್ಮಹತ್ಯೆಗೆ ಶರಣಾದ ದಂಪತಿ.

Sponsored

ದಂಪತಿ ಒಂದು ವಾರದ ಹಿಂದೆ ಕರಾವಳಿ ಹಾಗೂ ಮಲೆನಾಡು ಭಾಗವ ವಿವಿಧ ತೀರ್ಥಕ್ಷೇತ್ರಗಳ ದರ್ಶನಕ್ಕಾಗಿ 
ಆಗಮಿಸಿದ್ದರು ಎನ್ನಲಾಗಿದೆ. ಶನಿವಾರ ಮುರ್ಡೇಶ್ವರ, ಸಿಗಂದೂರಿಗೆ ಭೇಟಿ ನೀಡಿದ್ದು ಸಂಜೆ ವೇಳೆಗೆ 
ಮಾಬುಕಳ ಪರಿಸರದಲ್ಲಿ ಸುತ್ತಾಡುತ್ತಿದ್ದರು. ರಾತ್ರಿ ವೇಳೆ ಮಾಬುಕಳ ಸೇತುವೆಯಿಂದ ಸೀತಾ ನದಿಗೆ ಜಿಗಿದು
ಆತ್ಮಹತ್ಯೆ ಮಾಡಿದ್ದಾರೆ.

Advertisement

Advertisement

ವಿಷಯ ತಿಳಿದು ಸ್ಥಳಕ್ಕಾಗಮಿಸಿದ ಅಗ್ನಿಶಾಮಕ ದಳದ ಸಿಬ್ಬಂದಿ ರಾತ್ರಿ ವೇಳೆ ಶೋಧ ಕಾರ್ಯಾಚರಣೆ ನಡೆಸಿದರೂ
ದಂಪತಿ ಪತ್ತೆಯಾಗಿರಲಿಲ್ಲ. ರವಿವಾರ ಪಾಂಡೇಶ್ವರ ಮಠದ ತೋಟ ಸಮೀಪ ಇಬ್ಬರ ಮೃತದೇಹಗಳು ಪತ್ತೆಯಾಗಿತ್ತು.
ಆತ್ಮಹತ್ಯೆಗೂ ಮೊದಲು ದಂಪತಿ ಚೂಡಿದಾರದ ಶಾಲಿನಿಂದ ತಮ್ಮ ಕೈಗಳನ್ನು ಪರಸ್ಪರ ಬಿಗಿದು ಕೊಂಡಿರುವುದು
ಪತ್ತೆಯಾಗಿದೆ.

ಶ್ರೀನಿವಾಸರಿಗೆ ಇಬ್ಬರು ಪತ್ನಿಯರಿದ್ದು ಈಕೆ ಕಿರಿಯವಳು ಎನ್ನಲಾಗಿದೆ. ಸ್ಥಳಕ್ಕೆ ಕೋಟ ಪೊಲೀಸರು 
ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಕುಟುಂಬದವರು ರವಿವಾರ ರಾತ್ರಿ ಕುಂದಾಪುರಕ್ಕೆ ಆಗಮಿಸಿ ಕಾನೂನು
ಪ್ರಕ್ರಿಯೆ ನೀಡಿದ್ದಾರೆ . ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.

Advertisement
