# ಕದ್ದ ಬೈಕ್‌ನಲ್ಲಿ ಗೆಳತಿ ಜೊತೆ ಸುತ್ತಾಟ, ಪೊಲೀಸರ ಕೈಗೆ ಬಿದ್ದ ಯುವಕ

- Link: https://hosakannada.com/crime/young-man-caught-by-police-while-riding-a-stolen-bike-with-his-girlfriend/
- Published: 2026-10-13T09:35:58+00:00
- Author: ಹೊಸಕನ್ನಡ ನ್ಯೂಸ್

ಕಾಸರಗೋಡು: ಕದ್ದ ಬೈಕ್‌ನಲ್ಲಿ ತನ್ನ ಗೆಳತಿ ಜೊತೆ ಸುತ್ತಾಟ ನಡೆಸಿದ ಯುವಕ ಕೊನೆಗೆ ಪೊಲೀಸರ ಕೈಗೆ
ಸಿಕ್ಕಿಬಿದ್ದ ಘಟನೆ ಚೆರುವತ್ತೂರಿನಲ್ಲಿ ಸಂಭವಿಸಿದೆ. ದಾರಿ ಕೇಳಲೆಂದು ಯುವಕ ಪೊಲೀಸರನ್ನು ಸಂಪರ್ಕಿಸಿದ್ದು,
ನಂತರ ಬೈಕ್‌ನ ಕುರಿತು ಅನುಮಾನಗೊಂಡು ಪೊಲೀಸರು ಯುವಕನನ್ನು ಬೆನ್ನಟ್ಟಿ ಹಿಡಿದ ಘಟನೆ ನಡೆಯಿತು.

Sponsored

ರಾತ್ರಿ ಹೊತ್ತು ಕೊಟ್ಟಣಚ್ಚೇರಿ ದೇವಸ್ಥಾನದ ಸಮೀಪ ಕಾಸರಗೋಡು ಎಆರ್‌ ಕ್ಯಾಂಪ್‌ನಲ್ಲಿ ಕೆಲಸ ಮಾಡುತ್ತಿರುವ
ಸುನೀಶ್‌ ಬಳಿ ಬೈಕ್‌ನಲ್ಲಿ ಬಂದ ವ್ಯಕ್ತಿ ಕಾಂಞಂಗಾಡ್‌ಗೆ ಹೋಗುವ ದಾರಿಯ ಕುರಿತು ಹಿಂದಿಯಲ್ಲಿ ವಿಚಾರಿಸಿದ್ದ.
ದಾರಿ ತಿಳಿಸಿಕೊಡುವ ವೇಳೆ ಬೈಕ್‌ನ ನೋಂದಣಿ ಸಂಖ್ಯೆ ಹಾಗೂ ಯುವಕನ ವರ್ತನೆಯ ಬಗ್ಗೆ ಸುನೀಶ್‌ಗೆ ಅನುಮಾನ
ಮೂಡಿತ್ತು. ಹೀಗಾಗಿ ಬೈಕ್‌ನ ಸಂಖ್ಯೆ ನೆನಪಿಟ್ಟುಕೊಂಡ ಅವರು, ಕಾಸರಗೋಡು ಕಂಟ್ರೋಲ್‌ ರೂಂ ಪೊಲೀಸರನ್ನು
ಸಂಪರ್ಕ ಮಾಡಿ ನೋಂದಣಿ ಸಂಖ್ಯೆಯನ್ನು ಪರಿಶೀಲಿಸುವಂತೆ ಕೇಳಿಕೊಂಡರು.

Advertisement

Advertisement

ಪರಿಶೀಲನೆ ಮಾಡಿದಾಗ ಇದು ಎರಡು ದಿನಗಳ ಹಿಂದೆ ಕಳುವಾಗಿದ್ದ ಬೈಕ್‌ ಎಂದು ತಿಳಿದು ಬಂದಿದೆ. ಸುನೀಶ್‌
ತಮ್ಮ ಬೈಕ್‌ನಲ್ಲಿ ಯುವಕನನ್ನು ಬೆನ್ನಟ್ಟಿದ್ದು ಚೆರುವತ್ತೂರಿನಲ್ಲಿ ಹಿಡಿದಿದ್ದಾರೆ. ನಂತರ ಪೊಲೀಸರು
ಆರೋಪಿಯನ್ನು ವಶಕ್ಕೆ ಪಡೆದಿದ್ದಾರೆ. ಆರೋಪಿ ತಾನು ಬೇರೊಬ್ಬರಿಂದ ಬೈಕ್‌ ಪಡೆದಿರುವುದಾಗಿ ಹೇಳಿಕೆ
ನೀಡಿದ್ದಾನೆ. ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.

Advertisement