# ದೆಹಲಿಯಲ್ಲಿ ಚಲಿಸುವ ಬಸ್ ಒಳಗೆ ಯುವತಿ ಮೇಲೆ 2 ಗಂಟೆ ನಿರಂತರ ಅತ್ಯಾಚಾರ!!

- Link: https://hosakannada.com/crime/woman-raped-for-2-hours-inside-a-moving-bus-in-delhi/
- Published: 2026-05-14T16:46:31+00:00
- Author: ಹೊಸಕನ್ನಡ ನ್ಯೂಸ್

ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ನಿರ್ಭಯ ಪ್ರಕರಣವನ್ನು ನೆನಪಿಸುವಂತಹ ಮತ್ತೊಂದು ಹೆಚ್ಚು ಬೀಳಿಸುವ
ಘಟನೆ ನಡೆದಿದೆ. ಕೆಲಸ ಮುಗಿಸಿ ಮನೆಗೆ ಮರಳುತ್ತಿದ್ದ 30 ವರ್ಷದ ಮಹಿಳೆಯನ್ನು ಖಾಸಗಿ ಬಸ್ಸಿನೊಳಗೆ
ಎಳೆದುಕೊಂಡು ಹೋಗಿ ಇಬ್ಬರು ವ್ಯಕ್ತಿಗಳು ಸಾಮೂಹಿಕ ಅತ್ಯಾಚಾರ ಎಸಗಿದ್ದಾರೆ.

Sponsored

ದೆಹಲಿಯ ರಾಣಿ ಬಾಗ್ ಪ್ರದೇಶದಲ್ಲಿ ಈ ಘಟನೆ ನಡೆದಿದೆ. ಸಂತ್ರಸ್ತ ಮಹಿಳೆ ಪೀತಂಪುರದ ಕೊಳಗೇರಿ ಪ್ರದೇಶದಲ್ಲಿ
ವಾಸವಾಗಿದ್ದು, ಮಂಗೋಲ್ ಪುರಿಯ ಕಾರ್ಖಾನೆಯೊಂದರಲ್ಲಿ ಕೆಲಸ ಮಾಡುತ್ತಿದ್ದರು. ಸೋಮವಾರ (ಮೇ 11) ರಾತ್ರಿ
ಕೆಲಸ ಮುಗಿಸಿ ಎಂದಿನಂತೆ ಕಾಲ್ನಡಿಗೆಯಲ್ಲಿ ಮನೆಗೆ ಮರಳುತ್ತಿದ್ದಾಗ ಈ ದುರಂತ ಸಂಭವಿಸಿದೆ.

Advertisement

Advertisement

ಸರಸ್ವತಿ ವಿಹಾರ್ ಬಿ-ಬ್ಲಾಕ್ ಬಸ್ ನಿಲ್ದಾಣದ ಬಳಿ ಸ್ಲೀಪರ್ ಬಸ್ಸೊಂದು ಬಂದು ನಿಂತಿತ್ತು. ಈ ವೇಳೆ
ಸಂತ್ರಸ್ತ ಮಹಿಳೆ ಬಸ್ಸಿನ ಬಾಗಿಲ ಬಳಿ ನಿಂತಿದ್ದ ವ್ಯಕ್ತಿಯೊಬ್ಬನ ಬಳಿ ಸಮಯ ಕೇಳಿದ್ದಾರೆ. ಈ ವೇಳೆ
ಆರೋಪಿಗಳು ಮಹಿಳೆಯನ್ನು ಬಲವಂತವಾಗಿ ಬಸ್ಸಿನೊಳಗೆ ಎಳೆದುಕೊಂಡಿದ್ದಾರೆ. ಮಹಿಳೆಯನ್ನು ಒಳಕ್ಕೆ ಎಳೆದ
ತಕ್ಷಣ ಆರೋಪಿಗಳು ಬಾಗಿಲು ಹಾಕಿ, ಚಾಲಕನಿಗೆ ಬಸ್ ಚಲಾಯಿಸಲು ಸೂಚಿಸಿದ್ದಾನೆ. ಸುಮಾರು 2 ಗಂಟೆಗಳ 
ಕಾಲ ಚಲಿಸುವ ಬಸ್ಸಿನಲ್ಲಿ ಮಹಿಳೆಯ ಮೇಲೆ ಅತ್ಯಾಚಾರ ನಡೆಸಲಾಗಿದೆ.

ದೌರ್ಜನ್ಯದ ನಂತರ ರಕ್ತದ ಮಡುವಿನಲ್ಲಿದ್ದ ಮಹಿಳೆಯನ್ನು ಆರೋಪಿಗಳು ರಸ್ತೆಯಲ್ಲೇ ಎಸೆದು ಪರಾರಿಯಾಗಿದ್ದಾರೆ.
ಮಹಿಳೆಯ ದೂರಿನ ಮೇರೆಗೆ ರಾಣಿ ಬಾಗ್ ಪೊಲೀಸ್ ಠಾಣೆಯಲ್ಲಿ ಎಫ್‌ಐಆರ್ (FIR) ದಾಖಲಿಸಲಾಗಿದೆ.

Advertisement