# ನೆಟ್‌ವರ್ಕ್‌ ಸಿಗಲಿಲ್ಲವೆಂದು ಜಿಯೋ ಸಿಬ್ಬಂದಿಗೇ ಥಳಿಸಿದ ಗ್ರಾಮಸ್ಥರು!

- Link: https://hosakannada.com/crime/villagers-scolded-the-jio-staff-for-not-getting-network/
- Published: 2026-09-11T19:44:42+00:00
- Author: ಹೊಸಕನ್ನಡ ನ್ಯೂಸ್

ಉತ್ತರಪ್ರದೇಶ: ಮೊಬೈಲ್‌ನಲ್ಲಿ ನೆಟ್‌ವರ್ಕ್‌ ಸಿಗುತ್ತಿಲ್ಲ ಎಂದು ಕಂಪನಿಯ ನೌಕರನೊಬ್ಬನನ್ನು ಟವರ್‌
ಕಂಬಕ್ಕೆ ಕಟ್ಟಿಹಾಕಿ ಹಲ್ಲೆ ಮಾಡಿದ ವಿಚಿತ್ರ ಘಟನೆ ಉತ್ತರಪ್ರದೇಶದ ಫತೇಪುರ್‌ ಜಿಲ್ಲೆಯಲ್ಲಿ ನಡೆದಿದೆ.

Sponsored

ಉತ್ತರಪ್ರದೇಶದ ಫತೇಪುರ್‌ ಜಿಲ್ಲೆಯ ಗ್ರಾಮವೊಂದರಲ್ಲಿ ರಿಲಯನ್ಸ್‌ ಜಿಯೋ ಕಂಪನಿಯ 5G ಸೇವೆ ಕಳೆದ 
ಕೆಲವು ದಿನಗಳಿಂದ ತೊಂದರೆಗೊಳಗಾಗಿತ್ತು. ಹಲವು ಬಾರಿ ಗ್ರಾಮಸ್ಥರು ಕಂಪನಿಗೆ ದೂರು ನೀಡಿದ್ದರೂ ಯಾವುದೇ
ಪ್ರಯೋಜನವಾಗಿರಲಿಲ್ಲ.

Advertisement

Advertisement

ಇದೇ ಸಂದರ್ಭದಲ್ಲಿ ಜಿಯೋ ಕಂಪನಿಯ ತಾಂತ್ರಿಕ ಸಿಬ್ಬಂದಿಯೊಬ್ಬರು ಟವರ್‌ನ ರಿಪೇರಿ ಮತ್ತು ಪರಿಶೀಲನೆಗಾಗಿ
ಗ್ರಾಮಕ್ಕೆ ಬಂದಿದ್ದರು. ಇದನ್ನು ತಿಳಿದ ಸ್ಥಳೀಯ ಯುವಕರು ಹಾಗೂ ನೆಟ್ಟಿಗರು, ಸಿಬ್ಬಂದಿಯನ್ನು ಸುತ್ತುವರೆದು
ನೆಟ್‌ವರ್ಕ್‌ ಸಮಸ್ಯೆಯ ಕುರಿತು ತೀವ್ರ ತರಾಟೆಗೆ ತೆಗೆದುಕೊಂಡರು. ಮಾತಿಗೆ ಮಾತು ಬೆಳೆದು, ಆಕ್ರೋಶಗೊಂಡ
ಗ್ರಾಮಸ್ಥರು ಆ ಸಿಬ್ಬಂದಿಯನ್ನು ಸ್ಥಳದಲ್ಲಿಯೇ ಇದ್ದ ಟವರ್‌ ಕಂಬಕ್ಕೆ ಹಗ್ಗದಿಂದ ಬಿಗಿದು ಕಟ್ಟಿಹಾಕಿದ್ದಾರೆ.
ಮನಬಂದಂತೆ ಥಳಿಸಿದ್ದಾರೆ.

ವಿಷಯ ತಿಳಿದ ಪೊಲೀಸರು ಸ್ಥಳಕ್ಕೆ ದೌಡಾಯಿಸಿದ್ದು, ಜಿಯೋ ಸಿಬ್ಬಂದಿಯನ್ನು ರಕ್ಷಣೆ ಮಾಡಿ ಹತ್ತಿರದ
ಆಸ್ಪತ್ರೆಗೆ ದಾಖಲು ಮಾಡಿದ್ದಾರೆ. ನೌಕರ ನೀಡಿದ ದೂರಿನ ಆಧಾರದ ಮೇಲೆ ಹಲ್ಲೆ ನಡೆಸಿದ ಗ್ರಾಮಸ್ಥರ 
ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.

Advertisement
