# ಸುರತ್ಕಲ್‌: ಕೊರ್ದಬ್ಬು ದೈವಸ್ಥಾನದ ಕಾಣಿಕೆ ಹುಂಡಿ ಕಳವು-ಆರೋಪಿ ಬಂಧನ

- Link: https://hosakannada.com/crime/suratkal-theft-of-offering-hundi-from-kordabu-shrine-accused-arrested/
- Published: 2026-08-11T19:51:22+00:00
- Author: ಹೊಸಕನ್ನಡ ನ್ಯೂಸ್

ಮಂಗಳೂರು: ಸುರತ್ಕಲ್‌ ಸಮೀಪದ ಮಧ್ಯ ಕೊಡಿಪಾಡಿಯಲ್ಲಿರುವ ಕೊರ್ದಬ್ಬು ದೈವಸ್ಥಾನದಲ್ಲಿ ಕಾಣಿಕೆ ಹುಂಡಿ
ಕಳ್ಳತನ ಪ್ರಕರಣಕ್ಕೆ ಕುರಿತಂತೆ ಆರೋಪಿಯನ್ನು ಸೋಮವಾರ (ಆ.10) ಸುರತ್ಕಲ್‌ ಪೊಲೀಸರು ಬಂಧನ ಮಾಡಿದ್ದಾರೆ.

Sponsored

ಉಡುಪಿ ತಾಲೂಕಿನ ಕುಕ್ಕಿಹಳ್ಳಿ ಗ್ರಾಮದ ಬೆಲ್ಲಪ್ಪಳ್ಳಿ ಕುಕ್ಕಿಕಟ್ಟೆ ಮಂಗಳ ಮಿಲ್‌ ನಿವಾಸಿ, ರಾಮಚಂದ್ರ
ನಾಯ್ಕ್‌ ಅವರ ಪುತ್ರ ಸುಖೇಶ್‌ ನಾಯ್ಕ್‌ (40) ಬಂಧಿತ ಆರೋಪಿ.

Advertisement

Advertisement

ಆ.5 ರ ಬೆಳಗಿನ ಜಾವ ಸುಮಾರು 1.30 ರ ಸಮಯಕ್ಕೆ ದೈವಸ್ಥಾನಕ್ಕೆ ನುಗ್ಗಿನ ಕಬ್ಬಿಣದ ಆಯುಧದಿಂದ ಬಾಗಿಲು,
ಕಿಟಕಿಯನ್ನು ಮರಿದು ಆರೋಪಿ ಒಳನುಗ್ಗಿದ್ದು, ನಂತರ ಅಲ್ಲಿದ್ದ ಕಾಣಿಕೆ ಹುಂಡಿಯನ್ನು ಕಳವು ಮಾಡಿ, 
ಅದರಲ್ಲಿದ್ದ ರೂ.15,000 ನಗದನ್ನು ದೋಚಿಕೊಂಡು ಪರಾರಿಯಾಗಿದ್ದ.

ಈ ಕುರಿತು ಸುರತ್ಕಲ್‌ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಸುರತ್ಕಲ್‌ ರೈಲ್ವೆ ನಿಲ್ದಾಣದಲ್ಲಿ
ಆರೋಪಿ ಸುಖೇಶ್‌ ನಾಯ್ಕ್‌ನನ್ನು ಪೊಲೀಸರು ವಶಕ್ಕೆ ಪಡೆದಿದ್ದು, ಸುದೀರ್ಘ ವಿಚಾರಣೆಯ ಬಳಿಕ ಆತ ದೈವಸ್ಥಾನದಲ್ಲಿ
ಕಳವು ಮಾಡಿರುವುದು ಒಪ್ಪಿಕೊಂಡಿದ್ದಾನೆ. ಬಂಧಿತ ಆರೋಪಿಯನ್ನು ಮಂಗಳವಾರ (ಆ.11) ಮಂಗಳೂರಿನ ನ್ಯಾಯಾಲಯದ
ಮುಂದೆ ಹಾಜರುಪಡಿಸಲಾಗಿದೆ.

ಈತನ ವಿರುದ್ಧ ಉಡುಪಿ ಜಿಲ್ಲೆಯ ವಿವಿಧ ಪೊಲೀಸ್‌ ಠಾಣೆಗಳಲ್ಲಿ ಒಟ್ಟು 18 ಕಳವು ಪ್ರಕರಣಗಳು ದಾಖಲಾಗಿದೆ.
ಒಂದು ಪ್ರಕರಣದಲ್ಲಿ ಈತನಿಗೆ ಶಿಕ್ಷೆಯಾಗಿದ್ದು, ವಾರಂಟ್‌ಗಳು ಕೂಡಾ ಬಾಕಿ ಇರುವುದು ಪತ್ತೆಯಾಗಿರುವ
ಕುರಿತು ವರದಿಯಾಗಿದೆ.

Advertisement