# ಪರೀಕ್ಷೆ ಬರೆಯುವಾಗಲೇ ಕಾಡಿದ ಹೊಟ್ಟೆನೋವು, ಟಾಯ್ಲೆಟ್‌ನಲ್ಲಿ ಮಗುವಿಗೆ ಜನನ, ಮಗುವನ್ನು ಡಸ್ಟ್‌ಬಿನ್‌ಗೆ ಎಸೆದ ವಿದ್ಯಾರ್ಥಿನಿ ತಾಯಿ

- Link: https://hosakannada.com/crime/student-mother-suffers-stomach-ache-while-writing-exam-gives-birth-to-baby-in-toilet-throws-baby-in-dustbin/
- Published: 2026-03-06T16:17:20+00:00
- Author: ಹೊಸಕನ್ನಡ ನ್ಯೂಸ್

16 ವರ್ಷದ ವಿದ್ಯಾರ್ಥಿನಿ ಪರೀಕ್ಷೆ ಮುಗಿಸಿ ನಂತರ ತೀವ್ರ ಹೊಟ್ಟೆನೋವಿನಿಂದ ಬಳಲಿದ್ದು, ತನ್ನ ತಾಯಿ
ಜೊತೆ ಆಸ್ಪತ್ರೆಗೆ ತೆರಳಿದ್ದಾಳೆ. ಕೆಲ ಪರೀಕ್ಷೆ ನಡೆದಿದ್ದು, ಆದರೆ ಅಷ್ಟರಲ್ಲೇ ವಿದ್ಯಾರ್ಥಿನಿ 
ಹೊಟ್ಟೆನೋವು ಹೆಚ್ಚಾಗಿದ್ದು, ವಾಶ್‌ರೂಂಗೆ ಹೋಗಿದ್ದಾಳೆ. ಅದರೆ ಅಲ್ಲಿ ಒಂದು ಮಗುವಿಗೆ ಜನ್ಮ ನೀಡಿದ್ದಾಳೆ.
ಹೊರಗಡೆ ಕುಳಿತಿದ್ದ ತಾಯಿಯನ್ನು ವಾಶ್‌ರೂಂನಿಂದ ಫೋನ್‌ ಮಾಡಿ ಕರೆದಿದ್ದಾಳೆ. ತಾಯಿಗೆ ಮಗು ನೋಡಿ 
ಗಾಬರಿಯಾಗಿದ್ದು, ನಂತರ ಟಾಯ್ಲೆಟ್‌ನ ಡಸ್ಟ್‌ಬಿನ್‌ಗೆ ಮಗುವನ್ನು ಎಸೆದು ಎಸ್ಕೇಪ್‌ ಆಗಲು ಪ್ರಯತ್ನಪಟ್ಟ
ಘಟನೆ ತೆಲಂಗಾಣದ ನಾಗರಕರ್ನೂಲ್‌ನಲ್ಲಿ ನಡೆದಿದೆ.

Sponsored

ಬಾಲಕಿಯರ ಶಾಲೆಯಲ್ಲಿ ಓದುತ್ತಿದ್ದ ವಿದ್ಯಾರ್ಥಿನಿ ಪರೀಕ್ಷೆ ಹಾಜರಾಗಿದ್ದು, ಎಲ್ಲರ ರೀತಿ ಪರೀಕ್ಷೆ
ಬರೆದಿದಾಳೆ. ಆದರೆ ಪರೀಕ್ಷೆ ಮಧ್ಯೆಯೇ ಹೊಟ್ಟೆನೋವು ಕಾಣಿಸಿಕೊಂಡಿದೆ. ಪರೀಕ್ಷೆ ಮುಗಿದ ನಂತರ ವಿದ್ಯಾರ್ಥಿನಿಗೆ
ಹೊಟ್ಟೆನೋವು ಹೆಚ್ಚಿದೆ. ಶಾಲೆಯಿಂದ ಮನೆಗೆ ಮರಳಿದ್ದಾಳೆ. ಮಗಳನ್ನು ಕರೆದುಕೊಂಡು ತಾಯಿ ಖಾಸಗಿ ಆಸ್ಪತ್ರೆಗೆ
ಹೋಗಿದ್ದಾರೆ. ಅಲ್ಲಿ ಟೋಕನ್‌ ಪಡೆದು ವೈದ್ಯರ ಬಳಿ ಹೋದಾಗ, ಸ್ಕ್ಯಾನಿಂಗ್‌ ಸೇರಿ ಕೆಲ ಪರೀಕ್ಷೆಗೆ
ಬರೆದುಕೊಟ್ಟಿದ್ದಾರೆ. ಇದಕ್ಕಾಗಿ ಆಸ್ಪತ್ರೆಯ ಮತ್ತೊಂದು ಬ್ಲಾಕ್‌ಗೆ ಬಂದ ವಿದ್ಯಾರ್ಥಿನಿಗೆ ಹೊಟ್ಟೆನೋವು
ಹೆಚ್ಚಿದೆ. ಸ್ಕ್ಯಾನಿಂಗ್‌ಗೆ ಕಾಯುತ್ತಿದ್ದ ವಿದ್ಯಾರ್ಥಿನಿ ಕೂಡಲೇ ವಾಶ್‌ರೂಂಗೆ ಹೋಗಿದ್ದು, ಕೆಲವೇ
ಕ್ಷಣದಲ್ಲಿ ಮಗುವಿಗೆ ಜನ್ಮ ನೀಡಿದ್ದಾಳೆ.

Advertisement

Advertisement

ವಿದ್ಯಾರ್ಥಿನಿ ಗಾಬರಿಗೊಂಡು, ಅಮ್ಮನಿಗೆ ಫೋನ್‌ ಮಾಡಿದ್ದಾಳೆ. ತಾಯಿ ಬಂದು ನೋಡಿದಾಗ ಗಾಬರಿಗೊಂಡು,
ಮಗುವನ್ನು ಡಸ್ಟ್‌ಬಿನ್‌ಗೆ ಎಸೆದಿದ್ದಾರೆ. ನಂತರ ಏನೂ ಗೊತ್ತಿಲ್ಲದಂತೆ ಸ್ಕ್ಯಾನಿಂಗ್‌ ಮಾಡಲು ಮುಂದಾಗಿದ್ದರೆ.
ಆದರೆ ಆಸ್ಪತ್ರೆ ಸಿಬ್ಬಂದಿಗಳಿಗೆ ಮಗು ಅಳುವಿನ ಶಬ್ದ ಕೇಳಿದ್ದು, ಪರಿಶೀಲನೆ ಮಾಡಿದಾಗ, ಡಸ್ಟ್‌ಬಿನ್‌ನಲ್ಲಿ
ಮಗು ಪತ್ತೆಯಾಗಿದೆ. ನಂತರ ಪೊಲೀಸರಿಗೆ ಮಾಹಿತಿಯನ್ನು ನೀಡಿದ್ದಾರೆ.

ಪೊಲೀಸರು ಬಂದಿದ್ದು, ನಂತರ ಮಗು, ವಿದ್ಯಾರ್ಥಿನಿ ಇಬ್ಬರಿಗೂ ಚಿಕಿತ್ಸೆ ನೀಡಲಾಗಿದೆ. ಇವರಿಬ್ಬರ ಆರೋಗ್ಯ
ಸ್ಥಿರವಾಗಿದ್ದು, ಆರೋಗ್ಯವಾಗಿದ್ದಾರೆ. ನಂತರ ಇವರನ್ನು ಸರಕಾರಿ ಆಸ್ಪತ್ರೆಗೆ ಸ್ಥಳಾಂತರ ಮಾಡಲಾಗಿದೆ.
ಪೊಲೀಸರು ಅಪ್ರಾಪ್ತ ಬಾಲಕಿ ಮಗುವಿಗೆ ಜನ್ಮ ನೀಡಿರುವ ಕುರಿತು ತನಿಖೆ ಪ್ರಾರಂಭ ಮಾಡಿದ್ದಾರೆ.

ಇತ್ತೀಚೆಗೆ ಮಧ್ಯಪ್ರದೇಶದ ಇಂದೋರ್‌ನಲ್ಲಿಯೂ ಇದೇ ರೀತಿಯ ಘಟನೆ ನಡೆದಿತ್ತು.

Advertisement
