# ಖಮೇನಿ ಹತ್ಯೆ ಕುರಿತು ಸ್ಟೇಟಸ್‌; ಅನ್ಯಕೋಮಿನವರಿಂದ ಹಿಂದೂ ಯುವಕನಿಗೆ ಹಲ್ಲೆ

- Link: https://hosakannada.com/crime/status-on-khameneis-assassination-hindu-youth-attacked-by-non-muslims/
- Published: 2026-03-04T09:37:24+00:00
- Author: ಹೊಸಕನ್ನಡ ನ್ಯೂಸ್

ಕೊಪ್ಪಳ: ಇರಾನ್‌ ಪರಮೋಚ್ಛ ನಾಯಕ ಅಯತೊಲ್ಲಾ ಅಲಿ ಖಮೇನಿ ಹತ್ಯೆ ವಿಚಾರಕ್ಕೆ ಸಂಬಂಧಪಟ್ಟಂತೆ ಕರ್ನಾಟಕದ
ಕೊಪ್ಪಳದಲ್ಲಿ ಖಮೇನಿ ಸಾವಿನ ಕುರಿತು ಇನ್‌ಸ್ಟಾಗ್ರಾಂನಲ್ಲಿ ಸ್ಟೇಟಸ್‌ ಹಾಕಿದ್ದಕ್ಕೆ ಆಕ್ರೋಶಗೊಂಡ
ಅನ್ಯಕೋಮಿನ ಯುವಕರ ಗುಂಪೊಂದು ಹಿಂದೂ ಯುವಕನ ಮೇಲೆ ಭೀಕರ ಹಲ್ಲೆ ಮಾಡಿದೆ.

Sponsored

ಕೊಪ್ಪಳ ಜಿಲ್ಲೆಯ ಗಂಗಾವತಿಯಲ್ಲಿ ಈ ಘಟನೆ ನಡೆದಿದೆ. ಹಲ್ಲೆಗೊಳಗಾದ ಯುವಕನನ್ನು ಚಂದ್ರಶೇಖರ್‌ ಎಂದು
ಗುರುತಿಸಲಾಗಿದೆ. ಈತ ಖರ್ಜೂರದ ವ್ಯಾಪಾರಿಯಾಗಿದ್ದು, ಅಮೆರಿಕ ಮತ್ತು ಇಸ್ರೇಲ್‌ ದಾಳಿಯಲ್ಲಿ ಅಲಿ 
ಖಮೇನಿ ಸಾವಿಗೀಡಾಗಿರುವ ಕುರಿತು ತನ್ನ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಸ್ಟೋರಿ ಹಾಕಿದ್ದ. ಈ ಸ್ಟೋರಿ
ಕಂಡು ಐದಾರು ಮಂದಿ ಅನ್ಯಕೋಮಿನ ಯುವಕರು ಚಂದ್ರಶೇಖರ್‌ ವ್ಯಾಪಾರ ಮಾಡುತ್ತಿದ್ದ ಸ್ಥಳಕ್ಕೆ ಬಂದು ”
ನಮ್ಮ ಸಮಾಜದ ಬಗ್ಗೆ ಏಕೆ ಸ್ಟೋರಿ ಹಾಕಿದೆ, ನಮಗೆ ನೋವಾಗಿದೆ” ಎಂದು ಕಿರುಚಾಡಿ ಹಲ್ಲೆ ಮಾಡಿದ್ದಾರೆ
ಎಂದು ಆರೋಪಿಸಲಾಗಿದೆ.

Advertisement

Advertisement

ಹಲ್ಲೆ ಮಾಡಿದ್ದು ಮಾತ್ರವಲ್ಲದೇ ಮನೆಗೆ ನುಗ್ಗಿ ಹೊಡೆಯುವುದಾಗಿಯೂ, ಜೀವ ಬೆದರಿಕೆ ಕೂಡಾ ಹಾಕಿದ್ದಾರೆ
ಎನ್ನಲಾಗಿದೆ. ಈ ಘಟನೆಯಿಂದ ಭಯಭೀತರಾದ ಚಂದ್ರಶೇಖರ್‌ ತಡರಾತ್ರಿ ಗಂಗಾವತಿ ನಗರ ಪೊಲೀಸ್‌ ಠಾಣೆಗೆ 
ಬಂದು ದೂರನ್ನು ನೀಡಿದ್ದಾನೆ.

Advertisement