# ಮಟನ್‌ ಬದಲಿಗೆ ದನದ ಮಾಂಸ ನೀಡಿದ್ದ ರೆಸ್ಟೋರೆಂಟ್‌

- Link: https://hosakannada.com/crime/restaurant-that-served-beef-instead-of-mutton/
- Published: 2026-05-30T09:37:20+00:00
- Author: ಹೊಸಕನ್ನಡ ನ್ಯೂಸ್

ಬೆಂಗಳೂರಿನ ಬೂದಿಗೆರೆ ಕ್ರಾಸ್‌ನಲ್ಲಿರುವ ಕಾಯಲೋರಂ ರೆಸ್ಟೋರೆಂಟ್‌ವೊಂದರಲ್ಲಿ ಮಟನ್‌ ಎಂದು ನಂಬಿಸಿ
ಗ್ರಾಹಕರಿಗೆ ದನದ ಮಾಂಸವನ್ನು ನೀಡಲಾಗಿರುವ ಕುರಿತು ವರದಿಯಾಗಿದೆ.

Sponsored

ಯುವಕರು ಅನುಮಾನಗೊಂಡು ಈ ಕುರಿತು ಪೊಲೀಸರಿಗೆ ಮಾಹಿತಿ ನೀಡಿದಾಗ ವಂಚನೆ ಬಯಲಾಗಿದೆ. ಪೊಲೀಸರು ಇಬ್ಬರನ್ನು
ಬಂಧನ ಮಾಡಿ ರೆಸ್ಟೋರೆಂಟ್‌ಗೆ ಬೀಗ ಜಡಿಯಲಾಗಿದೆ.

Advertisement

Advertisement

ಬೆಂಗಳೂರಿನ ಬೂದಿಗೆರೆ ಕ್ರಾಸ್‌ ಬೊಮ್ಮೇನಹಳ್ಳಿಯ ಐಸಿರಿ ಹಬ್‌ನಲ್ಲಿರುವ ಕಾಯಲೋರಂ ರೆಸ್ಟೋರೆಂಟ್‌
ವಿರುದ್ಧ ಗಂಭೀರ ಆರೋಪ ಕೇಳಿ ಬಂದಿದೆ. ಈ ಕುರಿತು ಆವಲಹಳ್ಳಿ ಠಾಣೆಯ ಪೊಲೀಸರು ಇಬ್ಬರನ್ನು ಬಂಧನ ಮಾಡಿದ್ದಾರೆ.
ಬಂಧಿತರನ್ನು ಜೀಜು, ಶಿಬು ಎಂದು ಗುರುತಿಸಲಾಗಿದೆ. ಕಳೆದ ಒಂದೂವರೆ ವರ್ಷದಿಂದ ಈ ರೆಸ್ಟೋರೆಂಟ್‌ ನಡೆಯುತ್ತಿತ್ತು.

ಕೆಲ ದಿನಗಳ ಹಿಂದೆ ಯುವಕರು ಈ ರೆಸ್ಟೋರೆಂಟ್‌ಗೆ ಬಂದಿದ್ದು, ಮಟನ್‌ ಮೀಲ್ಸ್‌ ಆರ್ಡರ್‌ ಮಾಡಿದ್ದಾರೆ.
ಆಗ ರೆಸ್ಟೋರೆಂಟ್‌ ಸಿಬ್ಬಂದಿ ಮಟನ್‌ ಬದಲಿಗೆ ದನದ ಮಾಂಸವನ್ನು ನೀಡಿದ್ದಾರೆ. ಯುವಕರು ಇದರಿಂದ ಅನುಮಾನಗೊಂಡಿದ್ದು,
ಸಿಬ್ಬಂದಿಯನ್ನು ಕೂಡಲೇ ಪ್ರಶ್ನೆ ಮಾಡಿದ್ದಾರೆ. ಅಲ್ಲದೇ ಪೊಲೀಸರಿಗೂ ಮಾಹಿತಿಯನ್ನು ನೀಡಿದ್ದಾರೆ.

ಸ್ಥಳಕ್ಕೆ ಬಂದ ಪೊಲೀಸರು ವಿಚಾರಣೆ ಮಾಡಿದಾಗ, ದನದ ಮಾಂಸ ನೀಡಿರುವುದು ಪತ್ತೆಯಾಗಿದೆ. ಪೊಲೀಸರು ರೆಸ್ಟೋರೆಂಟನ್ನು
ಬಂದ್‌ ಮಾಡಿದ್ದು, ಆರೋಪಿಗಳನ್ನು ಬಂಧಿಸಿದ್ದಾರೆ. ಈ ಕುರಿತು ಆವಲಹಳ್ಳಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ
ದಾಖಲಾಗಿದೆ.

Advertisement