# ಲೇಸರ್‌ ಸುನ್ನತ್‌ ಬದಲು ಸಾಮಾನ್ಯ ಶಸ್ತ್ರಚಿಕಿತ್ಸೆ, ವೈದ್ಯನ ಎಡವಟ್ಟು, ಬಾಲಕನ ನರಳಾಟ

- Link: https://hosakannada.com/crime/regular-surgery-instead-of-laser-circumcision-doctors-mistake-boys-discomfort/
- Published: 2026-10-13T09:47:39+00:00
- Author: ಹೊಸಕನ್ನಡ ನ್ಯೂಸ್

ಬೆಂಗಳೂರು, ಅ.13: 12 ವರ್ಷದ ಬಾಲಕನಿಗೆ ಲೇಸರ್‌ ಸುನ್ನತ್‌ ಮಾಡಿಸುವುದಾಗಿ ನಂಬಿಸಿ, ಸಾಮಾನ್ಯ ಶಸ್ತ್ರಚಿಕಿತ್ಸೆ
ನಡೆಸಿ ವೈದ್ಯನೋರ್ವ ವಂಚನೆ ಮಾಡಿರುವ ಘಟನೆ ನಡೆದಿದೆ. ಬಾಲಕನ ಆರೋಗ್ಯದಲ್ಲಿ ಈಗ ಏರುಪೇರಾಗಿದ್ದು,
ಪೋಷಕರು ಪುಲಕೇಶಿ ನಗರ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲು ಮಾಡಿದ್ದಾರೆ.

Sponsored

ಚಿಕ್ಕಮಗಳೂರು ಮೂಲದ ತಬ್ರೇಜ್‌ ಖಾನ್‌ ಗಫಾರ್‌ ದಂಪತಿಯ 12 ವರ್ಷದ ಮಗನಿಗೆ ಈ ಅಚಾತುರ್ಯ ನಡೆದಿದೆ.
ಬಾಲಕ ಚಿಕ್ಕಂದಿನಿಂದಲೇ ಹೃದಯ ಸಂಬಂಧಿ ಕಾಯಿಲೆಯಿಂದ ಬಳಲುತ್ತಿದ್ದ. ಹೃದಯ ಶಸ್ತ್ರಚಿಕಿತ್ಸೆ ಮೂರು
ತಿಂಗಳು ಇರುವಾಗಲೇ ನಡೆದಿತ್ತು. ಈ ಕಾರಣದಿಂದ ಸುನ್ನತ್‌ ಮಾಡಿಸಿರಲಿಲ್ಲ. ಇನ್‌ಸ್ಟಾಗ್ರಾಂನಲ್ಲಿ 
ಲೇಸರ್‌ ಸುನ್ನತ್‌ ಕುರಿತು ನೋಡಿದ್ದ ತಬ್ರೇಜ್‌ ಖಾನ್‌, ಮಗನಿಗೆ ನೋವುರಹಿತ ಲೇಸರ್‌ ಚಿಕಿತ್ಸೆ ಮಾಡಬಹುದಲ್ಲ
ಎಂದು ಯೋಚಿಸಿ ಬೆಂಗಳೂರಿನ ವೈದ್ಯ ಡಾ.ರಿಯಾಜ್‌ ರನ್ನು ಸಂಪರ್ಕ ಮಾಡಿದ್ದು, ಲೇಜರ್‌ ಸುನ್ನತ್‌ ಮಾಡುತ್ತೇನೆಂದು
ವೈದ್ಯ ಕೂಡಾ ನಂಬಿಸಿದ್ದ.

Advertisement

Advertisement

ಅ.10 ರಂದು ಮಗುವಿನ ಶಸ್ತ್ರಚಿಕಿತ್ಸೆ ಮಾಡಿಸಿದ್ದಾರೆ. ಲೇಸರ್‌ ಸುನ್ನತ್‌ ಬದಲಿಗೆ ಸಾಮಾನ್ಯ ಶಸ್ತ್ರಚಿಕಿತ್ಸೆ
ನಡೆಸಿದ್ದಾರೆ ಎಂದು ಪೋಷಕರು ಆರೋಪ ಮಾಡಿದ್ದಾರೆ. ಬಾಲಕ ತೀವ್ರ ನೋವಿನಿಂದ ನರಳಾಡುತ್ತಿದ್ದು, ದೈಹಿಕ
ಮಾನಸಿಕ ಆರೋಗ್ಯದಲ್ಲಿ ವ್ಯತ್ಯಾಸ ಉಂಟಾಗಿದೆ. ಕೂಡಲೇ ತಂದೆ ಬೌರಿಂಗ್‌ ಆಸ್ಪತ್ರೆಯಲ್ಲಿ ಹೆಚ್ಚಿನ 
ಚಿಕಿತ್ಸೆ ಕೊಡಿಸಿದ್ದಾರೆ. ಘಟನೆ ಕುರಿತು ತಬ್ರೇಜ್‌ ಖಾನ್‌ ದೂರು ನೀಡಿದ್ದು, ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.

Advertisement