# Rape: ವೃದ್ಧನಿಂದ ಶಾಲಾ ಬಾಲಕಿ ಮೇಲೆ ಪೈಶಾಚಿಕ ಕೃತ್ಯ

- Link: https://hosakannada.com/crime/rape-a-vicious-act-committed-by-an-old-man-on-a-school-girl/
- Published: 2025-07-10T07:43:02+00:00
- Author: V R

Rape: ಶಾಲಾ ವಿದ್ಯಾರ್ಥಿನಿ ಮೇಲೆ ವೃದ್ಧ ಲೈಂಗಿಕ ದೌರ್ಜನ್ಯ ನಡೆಸಿರುವ ಘಟನೆ ತಾಲೂಕಿನ ತೈಲೂರು 
ಗ್ರಾಮದಲ್ಲಿ ಸೋಮವಾರ ನಡೆದಿರುವುದು ತಡವಾಗಿ ಬೆಳಕಿಗೆ ಬಂದಿದೆ.

Sponsored

ಮಂಡ್ಯ ಜಿಲ್ಲಾ ಮಕ್ಕಳ ರಕ್ಷಣಾ ಘಟಕ ನೀಡಿದ ದೂರಿನ ಅನ್ವಯ ಗ್ರಾಮದ ಟಿ.ಜಿ.ರಾಮಯ್ಯನ ವಿರುದ್ಧ ಮದ್ದೂರು
ಪೊಲೀಸರು ಪೋಕ್ಸೋ ಪ್ರಕರಣ ದಾಖಲು ಮಾಡಿದ್ದಾರೆ. ಆರೋಪಿ ಪತ್ತೆ ಆಗಿಲ್ಲ.

Advertisement

Advertisement

65 ವರ್ಷದ ರಾಮಯ್ಯ ಕಂದಾಯ ಇಲಾಖೆ ಗ್ರಾಮಲೆಕ್ಕಿಗನ ಸಹಾಯಕನಾಗಿ ಕರ್ತವ್ಯ ಮಾಡಿ ಈಗ ನಿವೃತ್ತಗೊಂಡಿರುವ
ಈತ, ತೈಲೂರು ಗ್ರಾಮದ ಸರಕಾರಿ ಶಾಲೆಯಲ್ಲಿ 6 ನೇ ತರಗತಿ ವ್ಯಾಸಂಗ ಮಾಡುತ್ತಿದ್ದ 11 ವರ್ಷದ ಬಾಲಕಿಯ
ಮೇಲೆ ಲೈಂಗಿಕ ದೌರ್ಜನ್ಯ ನಡೆಸಿದ್ದಾನೆ. ಬಾಲಕಿಯ ಪೋಷಕರು ಕೂಲಿ ಕೆಲಸಕ್ಕೆಂದು ಹೋದಾಗ ಪಕ್ಕದ ಮನೆ
ನಿವಾಸಿ ವೃದ್ಧ ರಾಮಯ್ಯ ಆಕೆಯ ಜೊತೆ ಆಟವಾಡುವ ನೆಪದಲ್ಲಿ ಮನೆಗೆ ಎತ್ತಿಕೊಂಡು ಹೋಗಿ ನೀಚ ಕೃತ್ಯ ಎಸಗಿದ್ದಾನೆ
ಎಂದು ಆರೋಪಿಸಲಾಗಿದೆ.

ಅನಂತರ ಪೋಷಕರಿಗೆ ಬಾಲಕಿಯ ವರ್ತನೆಯಲ್ಲಿ ವ್ಯತ್ಯಾಸ ಕಂಡು ಬಂದ ಕಾರಣ ವಿಚಾರಣೆ ಮಾಡಿದಾಗ ವೃದ್ಧನ 
ಪೈಶಾಚಿಕ ಕೃತ್ಯ ಬಯಲಿಗೆ ಬಂದಿದೆ. ಈ ಕುರಿತು ಪೊಲೀಸರು ಸ್ಥಳಕ್ಕೆ ತೆರಳಿ ಮಹಜರು ನಡೆಸಿದ್ದಾರೆ.

Advertisement