# ಪುತ್ತೂರು: ಅಪ್ರಾಪ್ತೆಯೊಂದಿಗೆ ಬಲವಂತದ ಲೈಂಗಿಕ ಸಂಪರ್ಕ: ಯುವಕನ ವಿರುದ್ಧ ಪೋಕ್ಸೋ ಕೇಸ್ ದಾಖಲು!

- Link: https://hosakannada.com/crime/puttur-forced-sexual-intercourse-with-a-minor-pocso-case-registered-against-a-youth/
- Published: 2026-06-05T09:05:35+00:00
- Author: ಹೊಸಕನ್ನಡ ನ್ಯೂಸ್

ಪುತ್ತೂರು: ಪುತ್ತೂರಿನ ವಿದ್ಯಾ ಸಂಸ್ಥೆಯೊಂದರಲ್ಲಿ ವಿದ್ಯಾಭ್ಯಾಸ ಮಾಡುತ್ತಿರುವ ಅಪ್ರಾಪ್ತ ವಯಸ್ಸಿನ
ವಿದ್ಯಾರ್ಥಿನಿಯೊಂದಿಗೆ ಬಲವಂತವಾಗಿ ಲೈಂಗಿಕ ಸಂಪರ್ಕ ಮಾಡಿದ ಆರೋಪದಡಿ ಯುವಕನೋರ್ವನ ಮೇಲೆ ಪ್ರಕರಣ
ದಾಖಲಾಗಿರುವ ಕುರಿತು ವರದಿಯಾಗಿದೆ. 

Sponsored

ಬಂಟ್ವಾಳ ತಾಲೂಕಿನ ಪೆರ್ನೆ ಗ್ರಾಮದವರಾಗಿದ್ದು ಪುತ್ತೂರಿನ ವಿದ್ಯಾಸಂಸ್ಥೆಯೊಂದರಲ್ಲಿ ವಿದ್ಯಾಭ್ಯಾಸ
ಮಾಡುತ್ತಿರುವ ಅಪ್ರಾಪ್ತ ಬಾಲಕಿ ರಾತ್ರಿ ಸಮಯ ಮನೆಯ ಹೊರಗೆ ಹೋಗಿ ತಡವಾಗಿ ವಾಪಸ್ ಮನೆಗೆ ಬಂದಿದ್ದಳು.
ಆಗ ಅವಳನ್ನು ವಿಚಾರಿಸಿದಾಗ ಮೂತ್ರಶಂಕೆಗೆ ಹೋಗಿರುವುದಾಗಿ ಹೇಳಿದ್ದಾಳೆ. ಆಗ ಮಗಳ ಚಟುವಟಿಕೆಯಲ್ಲಿ
ಹೆತ್ತವರಿಗೆ ವ್ಯತ್ಯಾಸ ಕಂಡು ಬಂದಿದೆ. ಮನೆಯ ಇತರ ಸದಸ್ಯರಿಗೂ ಆಕೆ ಮನೆಯಿಂದ ಹೊರಗೆ ಹೋಗುವ ಬಗ್ಗೆ
ಸಂಶಯ ಬಂದಿತ್ತು. ಜೂ. 4ರಂದು ರಾತ್ರಿ 1 ಗಂಟೆ ಸಮಯಕ್ಕೆ ರೂಮಿನಲ್ಲಿ ಮಲಗಿದ್ದ ಬಾಲಕಿ ಮಲಗಿದ್ದಲ್ಲಿ
ಇರಲಿಲ್ಲ. ಮನೆಯ ಹಿಂಬದಿ ಬಾಗಿಲು ತೆರೆದಿತ್ತು. ಆಗ ಸಂಶಯಗೊಂಡು ಮನೆಯವರು ಹುಡುಕಾಡುತ್ತಿರುವಾಗ ಮನೆಯಿಂದ
ಸುಮಾರು 500 ಮೀಟ‌ರ್ ದೂರದಲ್ಲಿರುವ ಖಾಲಿ ಜಾಗದಲ್ಲಿ ಬೆಳಗಿನ ಜಾವ 3 ಗಂಟೆಗೆ ಒಬ್ಬ ವ್ಯಕ್ತಿ ಅನುಮಾನಾಸ್ಪದವಾಗಿ
ನಿಂತುಕೊಂಡಿರುವುದು ಕಂಡು ಬಂದಿತ್ತು.

Advertisement

Advertisement

ಅಲ್ಲಿಯೇ ಸ್ವಲ್ಪ ದೂರದಲ್ಲಿ ಬಾಲಕಿ ಕೂಡ ನಿಂತುಕೊಂಡಿದ್ದಳು. ಆಕೆ ಅಲ್ಲಿರುವ ಬಗ್ಗೆ ಮತ್ತು ಆ ವ್ಯಕ್ತಿಯ
ಬಗ್ಗೆ ವಿಚಾರಿಸಿದಾಗ 2026ರ ಫೆಬ್ರವರಿ 21ರಂದು ಪೆರ್ನೆಯ ಮಾಡತ್ತಾರು ಎಂಬಲ್ಲಿ ನೇಮೋತ್ಸವಕ್ಕೆ ಹೋಗಿರುವಾಗ
ಪರಿಚಯವಾದ ತೀರ್ಥಾಕ್ಷ ಎಂದು ಹೇಳಿದ್ದಾಳೆ. ಮತ್ತು ವಿಚಾರಿಸಿದಾಗ ನಾನು ಆತ ಜೊತೆ ಪರಸ್ಪರ ಪೋನ್ ಸಂಪರ್ಕದಲ್ಲಿದೇವೆ
ಪರಸ್ಪರ ಪ್ರೀತಿಸುತ್ತಿದ್ದೇವೆ. ಅದರಂತೆ ಆತ ನನ್ನನ್ನು ಒತ್ತಾಯಪಡಿಸಿ ನಮ್ಮ ಮನೆಯ ಹಿಂಬದಿ ಇರುವ 
ಖಾಲಿ ಜಾಗಕ್ಕೆ ರಾತ್ರಿ ಬರುವಂತೆ ಹೇಳಿದಂತೆ ನಾನು 3-4 ಬಾರಿ ರಾತ್ರಿ ಅಲ್ಲಿಗೆ ಹೋಗಿ ಆತನನ್ನು ಸಂಪರ್ಕಿಸಿರುತ್ತೇನೆ.

ಆ ಸಮಯ ರಾತ್ರಿ ಕಾಲದಲ್ಲಿ ಆತ ನನ್ನಲ್ಲಿ ಪ್ರೀತಿಸುತ್ತಿರುವುದಾಗಿ ಹೇಳಿ ಅನುಚಿತ ವರ್ತನೆ ಮಾಡಿದ್ದಾನೆ.
ಮತ್ತು ಅದರಂತೆ ಮೂರನೇ ಬಾರಿ ಆತ ಕರೆದಂತೆ ರಾತ್ರಿ ಸುಮಾರು 1:00 ಗಂಟೆಯ ಸಮಯಕ್ಕೆ ಮನೆಯ ಬಳಿ ಇರುವ
ಖಾಲಿ ಜಾಗಕ್ಕೆ ಹೋದಾಗ ಅಲ್ಲಿಗೆ ತೀರ್ಥಾಕ್ಷ ಬಂದಿದ್ದ.

ಆತನು ನನಗೆ  ಪ್ರೀತಿಸುವುದಾಗಿ ಹೇಳಿ ಬಲತ್ಕಾರವಾಗಿ ಧರಿಸಿದ ಬಟ್ಟೆಗಳನ್ನು ತೆಗೆದು ಬಲವಂತವಾಗಿ ಇಚ್ಛೆ
ಇಲ್ಲದಿದ್ದರೂ ದೈಹಿಕ ಸಂಪರ್ಕ ಮಾಡಿರುತ್ತಾನೆ ಎಂದು ಹೇಳಿದ್ದಾಳೆ ಎಂದು ಸಂತ್ರಸ್ತ ಬಾಲಕಿಯ ತಾಯಿ 
ನೀಡಿದ ದೂರಿನಂತೆ ಪ್ರಕರಣ ದಾಖಲಾಗಿದೆ ಎಂದು ವರದಿಯಾಗಿದೆ.

Advertisement