# ಶಸ್ತ್ರಚಿಕಿತ್ಸೆಯ ಸಮಯದಲ್ಲಿ 22 ವರ್ಷದ ರೋಗಿಯ ಖಾಸಗಿ ಫೋಟೋಗಳು ಸೋರಿಕೆ

- Link: https://hosakannada.com/crime/private-photos-of-22-year-old-patient-leaked-during-surgery/
- Published: 2026-05-01T09:23:30+00:00
- Author: ಹೊಸಕನ್ನಡ ನ್ಯೂಸ್

ಉತ್ತರಪ್ರದೇಶದ ಕೌಶಂಬಿಯ ಸರಕಾರಿ ಸ್ವಾಯತ್ತ ವೈದ್ಯಕೀಯ ಕಾಲೇಜಿನಲ್ಲಿ ಅತ್ಯಂತ ಗಂಭೀರ ಮತ್ತು ಆಕ್ಷೇಪಾರ್ಹ
ಘಟನೆ ನಡೆದಿದೆ. ಶಸ್ತ್ರಚಿಕಿತ್ಸೆಯ ಸಮಯದಲ್ಲಿ 22 ವರ್ಷದ ಯುವತಿಯ ಮುಖ ಮತ್ತು ಖಾಸಗಿ ಅಂಗಗಳ ಫೋಟೋಗಳನ್ನು
ತೆಗೆದು ವಾಟ್ಸಪ್‌ ಗ್ರೂಪ್‌ಗಳಲ್ಲಿ ಹಂಚಿಕೊಳ್ಳಲಾಗಿದೆ ಎನ್ನುವ ಆರೋಪ ಕೇಳಿ ಬಂದಿದೆ. ಈ ಕುರಿತು 
ತನಿಖೆ ನಡೆಯುತ್ತಿದೆ.

Sponsored

ಎಪ್ರಿಲ್‌ 26 ರಂದು ಯುವತಿಯೊಬ್ಬಳು ಬಾರ್ಥೋಲಿನ್‌ ಸಿಸ್ಟ್‌ ಎನ್ನುವ ಶಸ್ತ್ರಚಿಕಿತ್ಸೆಗೆಂದು ಸ್ತ್ರೀರೋಗ
ವಿಭಾಗಕ್ಕೆ ದಾಖಲಾಗಿದ್ದರು. ಹಿರಿಯ ವೈದ್ಯರೊಬ್ಬರ ಮೇಲ್ವಿಚಾರಣೆಯಲ್ಲಿ ಈ ಚಿಕಿತ್ಸೆ ನಡೆಯುತ್ತಿದ್ದು,
ಸಿಬ್ಬಂದಿಯೊಬ್ಬರು ರೋಗಿಯ ಅರೆನಗ್ನ ಫೋಟೋಗಳನ್ನು ಮೊಬೈಲ್‌ನಲ್ಲಿ ಸೆರೆಹಿಡಿದಿದ್ದಾರೆ. ಈ ಚಿತ್ರಗಳನ್ನು
ವೈದ್ಯರು, ಅಧಿಕಾರಿಗಳು, ಮಾಧ್ಯಮದವರು ಇರುವ ವಾಟ್ಸಪ್‌ ಗ್ರೂಪ್‌ಗಳಿಗೆ ರವಾನಿಸಲಾಗಿದೆ. ಇದು ಸಾಮಾಜಿಕ
ಜಾಲತಾಣಗಳಲ್ಲಿ ವ್ಯಾಪಕವಾಗಿ ಹರಡಿದೆ.

Advertisement

Advertisement

ರಾಜ್ಯ ಮಹಿಳಾ ಆಯೋಗದ ಸದಸ್ಯೆ ಪ್ರತಿಭಾ ಕುಶ್ವಾಹ ಅವರು ಈ ಕುರಿತು ದೂರು ನೀಡಿದ ಬೆನ್ನಲ್ಲೇ, ಜಿಲ್ಲಾ
ಪೊಲೀಸ್‌ ವರಿಷ್ಠಾಧಿಕಾರಿ ಸತ್ಯನಾರಾಯಣ ಪ್ರಜಾಪತ್‌ ಅವರು ಈ ಪ್ರಕರಣವನ್ನು ಅತ್ಯಂತ ಗಂಭೀರವಾಗಿ ಪರಿಗಣಿಸಿದ್ದಾರೆ.

ರೋಗಿಯ ಗೌಪ್ಯತೆಯನ್ನು ಈ ರೀತಿ ಉಲ್ಲಂಘಟನೆ ಮಾಡಿರುವುದು ಆತಂಕಕಾರಿ ವಿಷಯ. ಇಂತಹ ಫೋಟೋಗಳನ್ನು ತೆಗೆಯುವುದಾಗಲಿ
ಅಥವಾ ಹಂಚಿಕೊಳ್ಳುವುದಾಗಲಿ ಮಾಡಬಾರದಿತ್ತು ಎಂದು ಪ್ರತಿಭಾ ಕುಶ್ವಾಹ ಅವರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

Advertisement
