# ನಟ ಪ್ರಕಾಶ್‌ ರಾಜ್‌ ವಿರುದ್ಧ ಜಾಮೀನು ರಹಿತ ಅರೆಸ್ಟ್‌ ವಾರೆಂಟ್‌

- Link: https://hosakannada.com/crime/non-bailable-arrest-warrant-issued-against-actor-prakash-raj/
- Published: 2026-06-21T10:17:18+00:00
- Author: ಹೊಸಕನ್ನಡ ನ್ಯೂಸ್

ಬಹುಭಾಷಾ ನಟ ಪ್ರಕಾಶ್‌ ರಾಜ್‌ ಒಂದೇ ಹೆಸರಿನಲ್ಲಿ ನಾಲ್ಕು ವೋಟರ್‌ ಐಡಿ ಕಾರ್ಡ್‌ ಪಡೆದಿರುವ ಆರೋಪದಡಿಯಲ್ಲಿ
ಅವರ ವಿರುದ್ಧ ಜಾಮೀನು ರಹಿತ ವಾರಂಟ್‌ ಜಾರಿಯಾಗಿದೆ.

Sponsored

ಪ್ರಕಾಶ್‌ ರಾಜ್‌ ವಿರುದ್ಧ ದಿಲೀಪ್‌ ಕುಮಾರ್‌ ಎಂಬುವವರು ಕೇಸು ದಾಖಲಿಸಿದ ಹಿನ್ನೆಲೆಯಲ್ಲಿ, ಬೆಂಗಳೂರು
ಮ್ಯಾಜಿಸ್ಟ್ರೇಟ್‌ ಕೋರ್ಟ್‌ನಿಂದ ಜಾಮೀನು ರಹಿತ ವಾರಂಟ್‌ ಜಾರಿಯಾಗಿದೆ. ಒಂದೇ ಹೆಸರಿನಲ್ಲಿ ನಾಲ್ಕು
ವೋಟರ್‌ ಐಟಿ ಕಾರ್ಡ್‌ ಪಡೆಯಲಾಗಿದೆ ಎಂದು ಆರೋಪಿಸಿ ದಿಲೀಪ್‌ಕುಮಾರ್‌ ಕೇಸು ದಾಖಲು ಮಾಡಿದ್ದಾರೆ.
ನಂತರ 48ನೇ ಎಸಿಜೆಎಂ ಕೋರ್ಟ್‌ನಿಂದ ಪ್ರಕಾಶ್‌ ರಾಜ್‌ ವಿರುದ್ಧ ಎನ್‌ಬಿಡಬ್ಲೂ ಜಾರಿ ಹಾಗೂ ಮೆಟ್ರೋಪಾಲಿಟನ್‌
ಮ್ಯಾಜಿಸ್ಟ್ರೇಟ್‌ ನ್ಯಾಯಾಲಯವು ಅರೆಸ್ಟ್‌ ವಾರೆಂಟ್‌ ನೀಡಲಾಗಿತ್ತು.

Advertisement

Advertisement

ಎರಡು ಬಾರಿ ಸಮನ್ಸ್‌ ಹಾಗೂ 2 ಬಾರಿ ಎನ್‌ಬಿಡಬ್ಲ್ಯೂ ಜಾರಿ ಮಾಡಿದರೂ ಪ್ರಕಾಶ್‌ ರಾಜ್‌ ಹಾಜರಾಗದ 
ಹಿನ್ನೆಲೆಯಲ್ಲಿ, ಇದೀಗ 3 ನೇ ಬಾರಿ ಪ್ರಕಾಶ್‌ ರಾಜ್‌ ವಿರುದ್ಧ ಮ್ಯಾಜಿಸ್ಟ್ರೇರ್ಟ್‌ ಕೋರ್ಟ್‌ ಜಾಮೀನು
ರಹಿತ ಅರೆಸ್ಟ್‌ ವಾರೆಂಟ್‌ ಜಾರಿ ಮಾಡಿದೆ.

ನಾಲ್ಕು ರಾಜ್ಯಗಳಲ್ಲಿ, ಅಂದರೆ ಕರ್ನಾಟಕ, ಆಂಧ್ರಪ್ರದೇಶ, ತೆಲಂಗಾಣ ಹಾಗೂ ತಮಿಳುನಾಡಿನಲ್ಲಿ ಅಕ್ರಮ
ವೋಟರ್‌ ಐಡಿ ಹೊಂದಿರುವ ಗಂಭೀರ ಆರೋಪ ಪ್ರಕಾಶ್‌ ರಾಜ್‌ ಮೇಲಿದೆ. ಸಂವಿಧಾನದ ಪ್ರಕಾರ, ಒಬ್ಬ ವ್ಯಕ್ತಿ
ದೇಶದ ಯಾವುದೇ ಭಾಗದಲ್ಲಿ ಒಂದೇ ಮತದಾರರ ಗುರುತಿನ ಚೀಟಿ ಹೊಂದಿರಲು ಅವಕಾಶವಿದೆ. ಆದರೆ ನಟ ಪ್ರಕಾಶ್‌ರಾಜ್‌
ನಾಲ್ಕು ರಾಜ್ಯಗಳಲ್ಲಿ ಮತದಾರ ಗುರುತಿನ ಚೀಟಿಯನ್ನು ಪಡೆದಿದ್ದಾರೆ ಎನ್ನಲಾಗಿದೆ. ಈ ಹಿನ್ನೆಲೆಯಲ್ಲಿ
ಪ್ರಕಾಶ್‌ ರಾಜ್‌, ಸಮನ್ಸ್‌, ವಾರಂಟ್‌ ಯಾವುದಕ್ಕೂ ಕೇರ್‌ ಮಾಡದೇ, ಕೋರ್ಟ್‌ಗೆ ಹಾಜರಾಗದ ಹಿನ್ನೆಲೆಯಲ್ಲಿ
ಎಸಿಜೆಎಂ ಕೋರ್ಟ್‌ ಗರಂ ಆಗಿದೆ ಎಂದು ವರದಿಯಾಗಿದೆ.

ಇದೀಗ ಮ್ಯಾಜಿಸ್ಟ್ರೇಟ್‌ ಕೋರ್ಟ್‌ನಿಂದ ಪ್ರಕಾಶ್‌ ರಾಜ್‌ಗೆ ಅರೆಸ್ಟ್‌ ವಾರೆಂಟ್‌ ಜಾರಿಯಾಗಿದೆ.

Advertisement