# ಗೋವಾದಲ್ಲಿ ಮಲ್ಪೆ ಉದ್ಯಮಿ ಸಂದೀಪ್‌ ನಿಗೂಢ ಸಾವು ಪ್ರಕರಣ, ಮಂಗಳೂರು ಮೂಲದ ಮಹಿಳೆ ಬಂಧನ

- Link: https://hosakannada.com/crime/mysterious-death-of-malpe-businessman-sandeep-in-goa-mangaluru-origin-woman-arrested/
- Published: 2026-07-04T09:59:11+00:00
- Author: ಹೊಸಕನ್ನಡ ನ್ಯೂಸ್

ಮಂಗಳೂರು/ಗೋವಾ: ಗೋವಾದ ಪ್ರಸಿದ್ಧ ಕಲಂಗೂಟ್‌ ಬೀಚ್‌ ಬಳಿಯ ಲಾಡ್ಜ್‌ನಲ್ಲಿ ಮಲ್ಪೆಯ ಉದ್ಯಮಿ, ಪ್ರಮೋದ್‌
ಮಧ್ವರಾಜ್‌ ಆಪ್ತ ಸಂದೀಪ್‌ ಸಾಲ್ಯಾನ್‌ (40) ಅವರ ನಿಗೂಢ ಸಾವು ಕೊಲೆ ಪ್ರಕರಣವಾಗಿ ಬದಲಾಗಿರುವ ಕುರಿತು
ವರದಿಯಾಗಿದೆ. ಈ ಘಟನೆಗೆ ಸಂಬಂಧಪಟ್ಟಂತೆ ಮಂಗಳೂರು ಮೂಲದ ಮಮತಾ ಎಂಬಾಕೆಯನ್ನು ಗೋವಾ ಪೊಲೀಸರು ಬಂಧನ
ಮಾಡಿದ್ದಾರೆ.

Sponsored

ಮಲ್ಪೆಯ ಉದ್ಯಮಿಯಾಗಿದ್ದ ಸಂದೀಪ್‌ ಸಾಲ್ಯಾನ್‌ ಜೂನ್‌ 30 ರಂದು ಗೋವಾದ ಲಾಡ್ಜ್‌ ಒಂದರಲ್ಲಿ ಶವವಾಗಿ
ಪತ್ತೆಯಾಗಿದ್ದರು. ಇದೊಂದು ಹೃದಯಾಘಾತ ಎಂದು ಶಂಕಿಸಲಾಗಿತ್ತು. ಆದರೆ ಸಂದೀಪ್‌ ಮೈಮೇಲಿದ್ದ ಚಿನ್ನಾಭರಣಗಳು
ನಾಪತ್ತೆಯಾಗಿದ್ದವು. ಅಲ್ಲದೆ ಅವರ ಜೊತೆ ಲಾಡ್ಜ್‌ನಲ್ಲಿದ್ದ ಮಹಿಳೆಯೂ ಕೂಡಾ ನಾಪತ್ತೆಯಾಗಿದ್ದರು.

Advertisement

Advertisement

ಪೊಲೀಸರು ಸಿಸಿಟಿವಿ ಮತ್ತು ಇತರ ಮೂಲಗಳ ಆಧಾರದ ಮೇಲೆ ನಾಪತ್ತೆಯಾದ ಮಹಿಳೆಯ ಜಾಡು ಹಿಡಿದಿದ್ದು, ಆರೋಪಿ
ಮಹಿಳೆ ಮಂಗಳೂರು ಮೂಲದ ಮಮತಾ ಎಂದು ಗುರುತಿಸಲಾಗಿದ್ದು, ಈಕೆ ಬೆಂಗಳೂರಿನಲ್ಲಿ ಉದ್ಯೋಗದಲ್ಲಿದ್ದು,
ಇತ್ತೀಚೆಗೆ ಗೋವಾಕ್ಕೆ ಬಂದಿದ್ದು, ಉದ್ಯಮಿ ಸಂದೀಪ್‌ ಅವರ ಜೊತೆ ಲಾಡ್ಜ್‌ನಲ್ಲಿ ತಂಗಿದ್ದರು.

ಶುಕ್ರವಾರ ಮಂಗಳೂರಿಗೆ ಆಗಮಿಸಿದ ಗೋವಾ ಪೊಲೀಸರ ತಂಡ, ಆರೋಪಿ ಮಮತಾಳನ್ನು ಬಂಧನ ಮಾಡಿ ವಿಚಾರಣೆಗೆ 
ಗೋವಾಕ್ಕೆ ಕರೆದೊಯ್ದಿದೆ.

Advertisement