# 3 ವರ್ಷ ಲವ್ ಮಾಡಿ ಮದುವೆ – ಫಸ್ಟ್​ ನೈಟ್ ವೇಳೆ ಗೊತ್ತಾಯ್ತು ಅದು ‘ಅವಳಲ್ಲ ಅವನು’!!

- Link: https://hosakannada.com/crime/married-after-3-years-of-love-found-out-on-the-first-night-that-it-was-not-her/
- Published: 2026-07-02T16:05:52+00:00
- Author: ಹೊಸಕನ್ನಡ ನ್ಯೂಸ್

ಯುವಕ ಮತ್ತು ಯುವತಿಯರಿಬ್ಬರೂ ಮೂರು ವರ್ಷಗಳಿಂದಲೂ ಪ್ರೀತಿ ಮಾಡಿ ಇದೀಗ ಮದುವೆಯಾಗಿದ್ದಾರೆ. ಆದರೆ
ಫಸ್ಟ್ ನೈಟ್ ವೇಳೆ ಯುವಕನಿಗೆ ತಾನು ಮದುವೆಯಾಗಿರುವುದು ‘ಅವಳನ್ನಲ್ಲ ಅವನನ್ನು’ ಎಂಬ ಭಯಾನಕ ಸತ್ಯ
ಒಂದು ಬಯಲಾಗಿದೆ. ಅಲ್ಲದೆ ಈ ಪ್ರಕರಣ ಕೊಲೆಯಲ್ಲಿ ಅಂತ್ಯವಾಗಿದೆ.

Sponsored

ರಾಜ್‌ಕೋಟ್‌ನಲ್ಲಿ 20 ವರ್ಷದ ಪಿಯೂಷ್ ಕುಮಾರ್ ಖರ್ವಾರ್ ಎಂಬ ಯುವಕ ಯುವತಿ ಒಬ್ಬಳನ್ನು ಮೂರು ವರ್ಷದಿಂದಲೂ
ಪ್ರೀತಿಸುತ್ತಿದ್ದ. ಕೊನೆಗೆ ಎಲ್ಲರನ್ನು ಒಪ್ಪಿಸಿ ಮದುವೆಯೂ ಆದ. ಆದರೆ ತಾನು ಮದುವೆಯಾಗಿರುವುದು 
ಹುಡುಗಿಯನಲ್ಲ, ಹುಡುಗನನ್ನು!! ಇದೀಗ ತಾನು ಯಾಮಾರಿದ್ದೇನೆ ಎಂಬ ರೋಚಕ ಸತ್ಯ ಫಸ್ಟ್ ನೈಟ್ ವೇಳೆ ಅವನಿಗೆ
ತಿಳಿದಿದೆ. ಹೀಗಾಗಿ ಆತ ತನ್ನ ಜೊತೆಗೆ ಹುಡುಗಿಯಂತೆ ನಟಿಸಿದ ವ್ಯಕ್ತಿಯನ್ನು ಕೊಂದಿದ್ದಾನೆ ಎಂದು 
ಪೊಲೀಸರು ತಿಳಿಸಿದ್ದಾರೆ. 

Advertisement

Advertisement

ಏನಿದು ಘಟನೆ?

ಪಿಯೂಷ್ ಕುಮಾರ್ ಖರ್ವಾರ್ ಫೇಸ್‌ಬುಕ್‌ನಲ್ಲಿ ‘ನಿಶಾ ಕುಮಾರ್’ ಮತ್ತು ಇನ್‌ಸ್ಟಾಗ್ರಾಮ್‌ನಲ್ಲಿ ‘
ಪೂನಂ’ ಎಂಬ ಹೆಸರಿನ ವ್ಯಕ್ತಿಯೊಂದಿಗೆ ಚಾಟ್ ಮಾಡಲು ಪ್ರಾರಂಭಿಸಿದ್ದ. ಆ ವ್ಯಕ್ತಿ ತಾನು ಹುಡುಗಿಯಂತೆ
ನಟಿಸಿ ಪಿಯೂಷ್‌ನ ವಿಶ್ವಾಸ ಗಳಿಸಿದ್ದ. ಆದರೆ ಈತನ ನಿಜವಾದ ಹೆಸರು ಚಂದನ್ ಕುಮಾರ್. ಈ ಚಂದನ್​ ಪಿಯೂಷ್
ನನ್ನು ಪ್ರೀತಿಸಿ ಮದುವೆಯಾಗುದವುದಾಗಿ ನಂಬಿಸಿದ್ದ. ಪಿಯೂಷ್ ಕೂಡ ಚಂದನ್ ಅವರನ್ನು ತನ್ನ ಹೆಂಡತಿಯಾಗಿ
ಸ್ವೀಕರಿಸಿದ್ದ. 

ಆದರೆ ಒಂದು ದಿನ ಪಿಯೂಷ್ ಚಂದನ್ ಕ್ಷೌರ ಮಾಡುವುದನ್ನು ನೋಡಿದಾಗ ಸತ್ಯ ತಿಳಿದುಬಂದಿದೆ. ಚಂದನ್ ವಾಸ್ತವವಾಗಿ
ಹುಡುಗ ಎಂದು ಅರಿತುಕೊಂಡ, ನಂತರ ಪಿಯೂಷ್ ಮತ್ತು ಚಂದನ್​ ಮಧ್ಯೆ ಜಗಳ ತಾರಕಕ್ಕೇರಿದೆ. ಪಿಯೂಷ್ ಚಂದನ್
ನನ್ನು ಬಿಟ್ಟು ಪರಾರಿಯಾಗಿದ್ದ. ಆದರೆ ಚಂದನ್ ಉತ್ತರ ಪ್ರದೇಶ ಮತ್ತು ರಾಜಸ್ಥಾನದ ಮೂಲಕ ಪಿಯೂಷ್ ನನ್ನು
ಹಿಂಬಾಲಿಸಿ ರಾಜ್‌ಕೋಟ್‌ನ ಪಡ್ವಾಲಾದಲ್ಲಿರುವ ಕಾರ್ಖಾನೆಯ ಬಳಿ ಜೂನ್ 21 ರಂದು ಪಿಯೂಷ್, ಚಂದನ್ ನನ್ನು
ಭೇಟಿ ಮಾಡಿದ. ನಂತರ ರೈಲ್ವೆ ಹಳಿಗಳ ಬಳಿಯ ನಿರ್ಜನ ಪ್ರದೇಶಕ್ಕೆ ಕರೆದೊಯ್ದು, ದೊಡ್ಡ ಕಲ್ಲುಗಳಿಂದ
ಹೊಡೆದು ಕೊಂದಿದ್ದಾನೆ. ಶವವನ್ನು ಕಲ್ಲುಗಳ ಕೆಳಗೆ ಮರೆಮಾಡಿ ತನ್ನ ಕೆಲಸಕ್ಕೆ ಮರಳಿದ್ದಾನೆ.

ಜೂನ್ 25 ರಂದು ಮಸ್ಕತ್ ಗೇಟ್ ರೈಲ್ವೆ ಗೋಡೆಯ ಬಳಿ ಮಹಿಳೆಯರ ಬಟ್ಟೆಗಳನ್ನು ಧರಿಸಿ ಕೊಳೆತ ಸ್ಥಿತಿಯಲ್ಲಿ
ಮೃತದೇಹವೊಂದು ಪೊಲೀಸರಿಗೆ ಸಿಕ್ಕಿದೆ. ಆರಂಭದಲ್ಲಿ ಇದನ್ನು ಆಕಸ್ಮಿಕ ಸಾವು ಎಂದು ಪರಿಗಣಿಸಲಾಗಿತ್ತು.
ಆದರೆ ಮರಣೋತ್ತರ ಪರೀಕ್ಷೆಯ ವರದಿಯಲ್ಲಿ ತಲೆಗೆ ಗಂಭೀರವಾದ ಗಾಯಗಳಾಗಿದ್ದು ಗೊತ್ತಾಗಿದೆ. ನಂತರ ಅಧಿಕಾರಿಗಳು
ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸಿ ಅಪರಾಧಿ ಪಿಯೂಷ್ ನನ್ನು ಬಂಧಿಸಿದ್ದಾರೆ. ವಿಚಾರಣೆಯ ಸಮಯದಲ್ಲಿ
ಆತ ಅಪರಾಧವನ್ನು ಒಪ್ಪಿಕೊಂಡಿದ್ದಾನೆ.

Advertisement