# ಮಂಗಳೂರು: ರೌಡಿಶೀಟರ್‌ ವಿಕ್ಕಿ ಬಪ್ಪಾಲ್‌ ಹಲ್ಲೆ ಪ್ರಕರಣ, ಆರೋಪಿಯ ಸುಳಿವು ಪತ್ತೆ?

- Link: https://hosakannada.com/crime/mangaluru-assault-case-involving-rowdy-sheeter-vicky-bappal-clue-regarding-the-accused-found/
- Published: 2026-07-27T12:43:24+00:00
- Author: ಹೊಸಕನ್ನಡ ನ್ಯೂಸ್

ಮಂಗಳೂರು: ನಗರದ ಲಾಲ್‌ಭಾಗ್‌ ಸಿಗ್ನಲ್‌ ಬಳಿ ರೌಡಿಶೀಟರ್‌ ವಿಖ್ಯಾತ್‌ ಅಲಿಯಾಸ್‌ ವಿಕ್ಕಿ ಬಪ್ಪಾಲ್‌
ಮೇಲೆ ನಡೆದ ಕೊಲೆ ಯತ್ನ ಪ್ರಕರಣಕ್ಕೆ ಕುರಿತಂತೆ ಪೊಲೀಸರಿಗೆ ಮಹತ್ವದ ಸುಳಿವು ಲಭ್ಯವಾಗಿರುವುದಾಗಿ
ವರದಿಯಾಗಿದೆ. ಆರೋಪಿಯನ್ನು ಶೀಘ್ರದಲ್ಲಿಯೇ ಬಂಧನ ಮಾಡುವುದಾಗಿ ಪೊಲೀಸರು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

Sponsored

ಶನಿವಾರ ಮಧ್ಯಾಹ್ನ ವಿಕ್ಕಿ ಬಪ್ಪಾಲ್‌ ತನ್ನ ಸ್ಕೂಟರ್‌ನಲ್ಲಿ ಲಾಲ್‌ಭಾಗ್‌ ಸಿಗ್ನಲ್‌ ಬಳಿ ಹೋಗುತ್ತಿದ್ದ
ಸಂದರ್ಭದಲ್ಲಿ ಬೈಕ್‌ನಲ್ಲಿ ಬೆನ್ನಟ್ಟಿ ಬಂದ ದುಷ್ಕರ್ಮಿಯೋರ್ವ ಏಕಾಏಕಿ ಮಚ್ಚಿನಿಂದ ಕುತ್ತಿಗೆಯ ಭಾಗಕ್ಕೆ
ಹಲ್ಲೆ ಮಾಡಿ ಪರಾರಿಯಾಗಿದ್ದ. ವಿಕ್ಕಿ ಬಪ್ಪಾಲ್‌ ಗಂಭೀರವಾಗಿ ಗಾಯಗೊಂಡಿದ್ದು, ಪ್ರಾಣಾಪಾಯದಿಂದ ಪಾರಾಗಿದ್ದು,
ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಚೇತರಿಸಿಕೊಳ್ಳುತ್ತಿರುವುದಾಗಿ ವರದಿಯಾಗಿದೆ.

Advertisement

Advertisement

ಈ ದಾಳಿ ಹಳೆ ದ್ವೇಷದ ಹಿನ್ನೆಲೆಯಲ್ಲಿ ನಡೆದಿದೆ ಎಂದು ಪೊಲೀಸ್‌ ತನಿಖೆಯಿಂದ ತಿಳಿದು ಬಂದಿದೆ. ಪ್ರತೀಕಾರ
ತೀರಿಸಲು ಈ ಕೃತ್ಯ ನಡೆದಿರಬಹುದು ಎಂದು ಶಂಕೆ ವ್ಯಕ್ತಪಡಿಸಲಾಗಿದೆ. ಸದ್ಯಕ್ಕೆ ಪೊಲೀಸರು ಆರೋಪಿಯ 
ಪತ್ತೆ ಕಾರ್ಯ ನಡೆಸುತ್ತಿದ್ದಾರೆ.

 

Advertisement