# ಅನ್ಯಕೋಮಿನ ಯುವಕನ ಜೊತೆ ಪ್ರೀತಿ, ಯುವತಿ ಆತ್ಮಹತ್ಯೆ, ಲವ್‌ ಜಿಹಾದ್‌ ಆರೋಪ

- Link: https://hosakannada.com/crime/love-with-a-foreigner-young-woman-commits-suicide-accused-of-love-jihad/
- Published: 2026-04-16T07:55:31+00:00
- Author: ಹೊಸಕನ್ನಡ ನ್ಯೂಸ್

ಬಾಗಲಕೋಟೆ ಎ.15: ಅನ್ಯಕೋಮಿನ ಯುವಕನೊಬ್ಬನನ್ನು ಪ್ರೀತಿಸುತ್ತಿದ್ದ ಯುವತಿ ಆತ್ಮಹತ್ಯೆ ಮಾಡಿಕೊಂಡಿರುವ
ಘಟನೆ ಬಾಗಲಕೋಟೆ ನಗರ ಸೆಕ್ಟರ್‌ ನಂಬರ್‌ 48 ರ ಮನೆಯಲ್ಲಿ ನಡೆದಿರುವ ಕುರಿತು ವರದಿಯಾಗಿದೆ.

Sponsored

ಟೈರ್‌ ಅಂಗಡಿಯಲ್ಲಿ ಕೆಲಸಕ್ಕೆ ಹೋಗುತ್ತಿದ್ದ ಭೂಮಿಕಾ ತಿಪ್ಪಣ್ಣವರ್‌ (19) ಎಂಬಾಕೆ ಮನೆಯಲ್ಲಿ ನೇಣು
ಬಿಗಿದು ಆತ್ಮಹತ್ಯೆ ಮಾಡಿಕೊಂಡಿರುವಾಕೆ. ನದಾಫ್‌ ಕಿರುಕುಳದಿಂದ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆಂದು
ಯುವತಿ ಸಂಬಂಧಿಕರ ಆರೋಪ. ಇನ್ನೊಂದು ಕಡೆ ಇದೊಂದು ಲವ್‌ ಜಿಹಾದ್‌ ಎಂದು ಹಿಂದೂಪರ ಸಂಘಟನೆಗಳ ಆರೋಪ.

Advertisement

Advertisement

ಭೂಮಿಕಾ ಮತ್ತು ಟಂಟಂ ಚಾಲಕ ಡೊಂಗ್ರಿಸಾಬ್‌ ನದಾಫ್‌ ಇಬ್ಬರು ಕಳೆದ ಎರಡು ವರ್ಷಗಳಿಂದ ಪ್ರೀತಿ ಮಾಡುತ್ತಿದ್ದರು.
ಘಟನಾ ಸ್ಥಳಕ್ಕೆ ಎಸ್‌ಪಿ ಸಿದ್ಧಾರ್ಥ್‌ ಗೋಯಲ್‌ ಭೇಟಿ ನೀಡಿ ಪರಿಶೀಲನೆ ಮಾಡಿದ್ದು, ಬಾಗಲಕೋಟೆ ನವನಗರ
ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಮೃತ ಭೂಮಿಕ ಅತ್ತೆ ಲಕ್ಷ್ಮಿ ಮಾಧ್ಯಮಗಳಿಗೆ ಪ್ರತಿಕ್ರಿಯೆ ನೀಡಿದ್ದು, ಟಂಟಂ ತಂದು ನಮ್ಮ ಮನೆ ಮುಂದೆ
ನಿಲ್ಲಿಸಿ, ಆಕೆಗೆ ಕರೆ ಮಾಡಿ, ಮೆಸ್ಸೇಜ್‌ ಮಾಡಿ ಮಾತಾಡು ಎಂದು ಪೀಡಿಸುತ್ತಿದ್ದ. ರಾತ್ರಿ 12 ರಿಂದ
1 ಗಂಟೆಯವರೆಗೂ ಫೋನಿನಲ್ಲಿ ಮಾತನಾಡುತ್ತಿದ್ದರು. ಮದುವೆ ಬೇಡ ಆದರೆ ತನ್ನೊಂದಿಗೆ ಇರು ಎಂದು ಹೇಳಿ
ಕಿರುಕುಳ ನೀಡುತ್ತಿದ್ದ. ಅವನ ಕಿರುಕುಳದಿಂದಲೇ ಆಕೆ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ, ಇದಕ್ಕೆ ನ್ಯಾಯ
ಬೇಕು ಎಂದು ಹೇಳಿರುವ ಕುರಿತು ವರದಿಯಾಗಿದೆ.

ಹಿಂದೂ ಜಾಗರಣ ವೇದಿಕೆ ಮುಖಂಡ ಕುಮಾರಸ್ವಾಮಿ ಹಿರೇಮಠ ಮಾತನಾಡಿ, ಇದೊಂದು ಪಕ್ಕಾ ಲವ್‌ ಜಿಹಾದ್‌ ಪ್ರಕರಣ.
ಕಳೆದ ನಾಲ್ಕೈದು ವರ್ಷದಿಂದ ಯುವತಿ ಜೊತೆ ಡೋಂಗ್ರಿಸಾಬ್‌ ಅಸಭ್ಯವಾಗಿ ನಡೆದುಕೊಳ್ಳುತ್ತಿದ್ದ. ರಸ್ತೆಯ
ಮಧ್ಯೆ ಅಡ್ಡ ಹಾಕಿ ಕಾಡಿಸುತ್ತಿದ್ದ. ಮುಸ್ಲಿಂ ಧರ್ಮಕ್ಕೆ ಮತಾಂತರವಾಗು ಎಂದು ಪ್ರಚೋದನೆ ಮಾಡುತ್ತಿದ್ದನಂತೆ.
ರಂಜಾನ್‌ ವೇಳೆ ಹಿಜಾಬ್‌ ಬುರ್ಖಾ ಹಾಕಿ ಕರೆದುಕೊಂಡು ಓಡಾಡುತ್ತಿದ್ದ. ಯುವತಿ ಡೆತ್‌ನೋಟ್‌ ಬರೆದಿದ್ದಾಳೆ
ಅನ್ನುವ ಮಾಹಿತಿ ಇದೆ. ಪೊಲೀಸರು ಅದನ್ನು ತೆಗೆದಿರಿಸಿದ್ದಾರ ಎನ್ನುವ ಸಂಶಯವಿದೆ. ಇಂದು (ಎ.16) ಹಿಂದೂಪರ
ಸಂಘಟನೆಗಳೆಲ್ಲ ಸೇರಿ ಮುಂದಿನ ಹೋರಾಟ ನಿರ್ಧಾರ ಮಾಡುತ್ತೇವೆ ಎಂದು ಹೇಳಿದರು.

Advertisement