# ಕೊಳತ್ತಮಜಲು ರಹ್ಮಾನ್‌ ಕೊಲೆ ಪ್ರಕರಣ: ಭರತ್‌ ಕುಮ್ಡೇಲ್‌ ಸೇರಿ 8 ಆರೋಪಿಗಳ ಜಾಮೀನಿಗೆ ಹೈಕೋರ್ಟ್‌ ತಡೆ

- Link: https://hosakannada.com/crime/kolathamajalu-rahman-murder-case-high-court-stays-bail-for-8-accused-including-bharath-kumdel/
- Published: 2026-10-17T10:32:58+00:00
- Author: ಹೊಸಕನ್ನಡ ನ್ಯೂಸ್

ದ.ಕ: ಬಂಟ್ವಾಳ ಗ್ರಾಮಾಂತರ ಪೊಲೀಸ್‌ ಠಾಣೆ ವ್ಯಾಪ್ತಿಯ ಕೊಳತ್ತಮಜಲ್‌ ರಹ್ಮಾನ್‌ ಕೊಲೆ ಪ್ರಕರಣಕ್ಕೆ
ಕುರಿತಂತೆ ಭರತ್‌ ಕುಮ್ಡೇಲ್‌ ಸೇರಿದಂತೆ ಎಂಟು ಆರೋಪಿಗಳಿಗೆ ಮೈಸೂರು ಜಿಲ್ಲಾ ಮತ್ತು ಸೆಷನ್ಸ್‌ ನ್ಯಾಯಾಲಯ
ಮಂಜೂರು ಮಾಡಿದ್ದ ಜಾಮೀನು ಆದೇಶಕ್ಕೆ ಕರ್ನಾಟಕ ಹೈಕೋರ್ಟ್‌ ಮಧ್ಯಂತರ ತಡೆ ನೀಡಿದೆ.

Sponsored

ಕೋಕಾ ಕಾಯ್ದೆ ಅಡಿಯಲ್ಲಿ ಬಂಧನಕ್ಕೊಳಗಾಗಿದ್ದ ಭರತ್‌ ಕುಮ್ಡೇಲ್‌, ಪ್ರದೀಪ್‌, ರಂಜಿತ್‌, ಶಿವಪ್ರಸಾದ್‌,
ಅಭಿನ್‌ ರೈ, ಸಾಹಿತ್‌, ಸಚಿನ್‌, ತೇಜಾಕ್ಷ ಎಂಬ ಎಂಟು ಆರೋಪಿಗಳು, ಜಾಮೀನು ಕೋರಿ ಅರ್ಜಿ ಸಲ್ಲಿಸಿದ್ದರು.
ಈ ಅರ್ಜಿಯನ್ನು ಪುರಸ್ಕರಿಸಿದ್ದ ಮೈಸೂರು ಜಿಲ್ಲಾ ಮತ್ತು ಸೆಷನ್ಸ್‌ ನ್ಯಾಯಾಲಯವು ಇತ್ತೀಚೆಗೆ ಆರೋಪಿಗಳಿಗೆ
ಜಾಮೀನು ಮಂಜೂರು ಮಾಡಿತ್ತು.

Advertisement

Advertisement

ಆದರೆ ಆರೋಪಿಗಳು ಗೂಂಡಾ ಕಾಯ್ದೆಯಡಿ ಬಂಧನದಲ್ಲಿಯೇ ಇರಬೇಕಿರುವುದರಿಂದ ಜಾಮೀನು ಮಂಜೂರಾದರೂ ಕೂಡಲೇ
ಜೈಲಿನಿಂದ ಬಿಡುಗಡೆಯಾಗುವಂತಿರಲಿಲ್ಲ. ಇದರ ನಡುವೆ ಮೈಸೂರು ನ್ಯಾಯಾಲಯದ ಜಾಮೀನು ಆದೇಶವನ್ನು ಪ್ರಶ್ನಿಸಿ
ರಾಜ್ಯ ಸರಕಾರದ ಪರವಾಗಿ ಅಡ್ವಕೇಟ್‌ ಜನರಲ್‌ ಮೂಲಕ ಹೈಕೋರ್ಟ್‌ಗೆ ಅರ್ಜಿ ಸಲ್ಲಿಸಲಾಗಿತ್ತು.

ಈ ಅರ್ಜಿಯ ವಿಚಾರಣೆ ಮಾಡಿದ ಹೈಕೋರ್ಟ್‌, ಅ.15 ರಂದು ಎಂಟು ಆರೋಪಿಗಳಿಗೆ ಜಾಮೀನು ಮಂಜೂರು ಮಾಡಿದ್ದ
ಆದೇಶಕ್ಕೆ ಮುಂದಿನ ವಿಚಾರಣೆಯವರೆಗೆ ಮಧ್ಯಂತರ ತಡೆ ನೀಡಿದೆ. ಎಂಟು ಆರೋಪಿಗಳಿಗೂ ತುರ್ತು ನೋಟಿಸ್‌
ಜಾರಿಗೊಳಿಸಲು ಆದೇಶಿಸಿದೆ.

Advertisement