# Hubballi: ನೇಹಾ ಮತ್ತು ನನ್ನ ಮಗ ಫಯಾಜ್ ನಡುವೆ ಅಫೇರ್ ಇತ್ತು – ಅಚ್ಚರಿ ಸತ್ಯ ಬಿಚ್ಚಿಟ್ಟ ಫಯಾಜ್ ತಂದೆ

- Link: https://hosakannada.com/crime/hubballi-fayazs-father-revealed-the-truth-that-there-was-an-affair-between-neha-and-my-son-fayaz/
- Published: 2024-04-19T23:28:10+00:00
- Author: ಹೊಸಕನ್ನಡ ನ್ಯೂಸ್

Hubballi: ಹುಬ್ಬಳ್ಳಿ ಕಾಲೇಜಿನಲ್ಲಿ ನಡೆದ ನೇಹಾ ಹಿರೇಮಠ್ ಹತ್ಯೆ ಪ್ರಕರಣ ಇಡೀ ರಾಜ್ಯವನ್ನೇ ಬೆಚ್ಚಿಬೀಳಿಸಿದೆ.
ಹಂತಕನ ವಿರುದ್ಧ ಜನ ಕೊತ ಕೊತ ಕುದಿಯುತ್ತಿದ್ದಾರೆ. ಎಲ್ಲೆಂದರಲ್ಲಿ ಪ್ರತಿಭಟನೆಗಳು ಜೋರಾಗಿವೆ ಈ 
ಬೆನ್ನಲ್ಲೇ ನೇಹಾ ಹಂತಕ(Neha Killar) ಪಯಾಜ್ ತಂದೆ ಮಾಧ್ಯಮಗಳ ಮುಂದೆ ಮಾತನಾಡಿದ್ದು ಕೆಲವೊಂದು 
ಅಚ್ಚರಿ ಸತ್ಯಗಳನ್ನು ಬಹಿರಂಗಪಡಿಸಿದ್ದಾರೆ.

Sponsored

ಇದನ್ನೂ ಓದಿ: [Cold Water Therapy: ಮುಖದ ಸೌಂದರ್ಯಕ್ಕೆ ಕೋಲ್ಡ್ ವಾಟರ್ ಥೆರಪಿ :  ತಣ್ಣೀರು ಥೆರಪಿಯ ಪ್ರಯೋಜನಗಳು ನಿಮಗೆ ಗೊತ್ತಾ ? : ಇಲ್ಲಿ ನೋಡಿ](https://hosakannada.com/2024/04/19/what-are-the-benefits-of-cold-water-therapy-for-facial-beauty/)

Advertisement

Advertisement

[https://youtu.be/XKiayFbvJBQ?si=YHq490Nk6mkwOT3o](https://youtu.be/XKiayFbvJBQ?si=YHq490Nk6mkwOT3o)

ಹೌದು, ಮೊದಲ ಸಲ ಮಾಧ್ಯಮಗಳ ಮುಂದೆ ಬಂದು ಮಾತನಾಡಿದ ಹಂತಕ ಫಯಾಜ್ ತಂದೆ ಬಾಬಾ ಸಾಹೇಬ್‌ ಸುಬಾನಿ(Baba
Saheb Subani) ಅವರು ಬಿಕ್ಕಿ ಬಿಕ್ಕಿ ಅತ್ತಿದ್ದಾರೆ. ಮಗನ ಕ್ಷಮಿಸಲಾರದ ತಪ್ಪಿಗೆ ತಾನು ಪಶ್ಚಾತಾಪ
ಪಡುತ್ತಿದ್ದಾರೆ. ಅಲ್ಲದೆ ತನ್ನ ಮಗನಿಗೆ ಯಾವ ಶಿಕ್ಷೆ ನೀಡಿದರೂ ನಾನು ಸ್ವಾಗತಿಸುತ್ತೇನೆ. ಆ ಶಿಕ್ಷೆ
ಹೇಗಿರಬೇಕು ಅಂದರೆ ಮುಂದೆ ಇಂಥ ಕ್ರೂರ ಕೆಲಸಕ್ಕೆ ಯಾರೂ ಕೈ ಹಾಕಬಾರದು. ಅಂಥ ಶಿಕ್ಷೆ ನನ್ನ ಮಗನಿಗೆ
ಆಗಬೇಕು ಎಂದಿದ್ದಾರೆ.

ಇದೇ ವೇಳೆ ನೇಹಾ- ಫಯಾಜ್(Neha Fayaz) ರೀಲ್ಸ್ ವೈರಲ್ ಆಗುತ್ತಿದ್ದು ಈ ಕುರಿತು ಪ್ರತಿಕ್ರಿಯಿಸಿದ
ಅವರು, ನೇಹಾ ಮತ್ತು ನನ್ನ ಮಗ ಫಯಾಜ್ ನಡುವೆ ಅಫೇರ್ ಇತ್ತು. ಅವರು ಲವರ್ಸ್ ಆಗೆದ್ದರು. ನೇಹಾ ತಂದೆ
8 ತಿಂಗಳ ಹಿಂದೆ ನನಗೆ ಫೋನ್ ಮಾಡಿ ಈ ವಿಚಾರ ಪ್ರಸ್ತಾಪಿಸಿ ಮಗನಿ ಬುದ್ಧಿ ಹೇಳಿ ಎಂದಿದ್ದರು. ಹೀಗಾಗಿ
ಮಗನನ್ನು ಮನೆಗೆ ಕರೆದು ತಿಳಿ ಹೇಳಿದ್ದೆ. ಆತ ಮದುವೆ ಆಗುವ ಪ್ರಸ್ತಾಪ ಮಾಡಿದ. ಅದಕ್ಕೆ ಈ ನಿಮ್ಮ 
ಪ್ರೀತಿಗೆ ಲವ್ ಜಿಹಾದ್ ಬಣ್ಣ ಕಟ್ಟಿ ನಿನ್ನ ಟಾರ್ಗೆಟ್ ಮಾಡ್ತಾರೆ ಎಂದು ಬುದ್ದಿವಾದ ಮಾಡಿದ್ದೆ ತಿಳಿಸಿದ್ದಾರೆ.

ಬಳಿಕ ಮಾತನಾಡಿದ ಅವರು ನಮ್ಮ ದೇಶದಲ್ಲಿ ಹೆಣ್ಣು ಮಕ್ಕಳು ಎಂದರೆ ದೇವರಂತೆ ಪೂಜಿಸುತ್ತೇವೆ. ಹೀಗಾಗಿ
ಯಾರೂ ಕೂಡ ಹೆಣ್ಣು ಮಕ್ಕಳಿಗೆ ಅನ್ಯಾಯ ಮಾಡಬೇಡಿ. ಇಂದು ಅನ್ಯಾಯ ನಡೆದಿದೆ. ಅನ್ಯಾಯ ಆದಲ್ಲಿ ಪ್ರತಿಭಟನೆ
ಮಾಡುತ್ತಾರೆ. ಇಂದು ಪ್ರತಿಭಟಿಸುತ್ತಿರುವವರ ಹೋರಾಟಕ್ಕೆ ಜಯವಾಗಲಿ. ಕರ್ನಾಟಕ ಜನತೆಯಲ್ಲಿ ನಾನು ಕ್ಷಮೆಯಾಚಿಸುತ್ತೇನೆ.
ಈ ಘಟನೆಯಿಂದ ಮುನವಳ್ಳಿ ಊರಿಗೆ ಕಪ್ಪು ಚುಕ್ಕೆ ಬಂದಿದೆ. ರಾಜ್ಯದ ಜನತೆ ಹಾಗೂ ಮುನವಳ್ಳಿ ಯುವಕರು 
ನನ್ನನ್ನು ಕ್ಷಮಿಸಬೇಕು. ಎಲ್ಲರೂ ಶಾಂತಿ ಕಾಪಾಡಬೇಕು ಎಂದು ಬಿಕ್ಕಿ ಬಿಕ್ಕಿ ಅಳುತ್ತಲೇ ಮನವಿ ಮಾಡಿದ್ದಾರೆ.

Advertisement
